पायल मलिकने देवोलीना भट्टाचार्जीला सुनावले खडेबोल, म्हणाली, मुस्लिम व्यक्तीसोबत तू लग्न केले आणि…

अरमान मलिक हा आपल्या दोन्ही पत्नींना घेऊन बिग बॉस ओटीटी 3 मध्ये पोहोचला होता. मात्र, अरमानची पहिली पत्नी पायल ही बिग बॉसमधून बाहेर आलीये. अरमान दोन्ही पत्नींना घेऊन बिग बॉसमध्ये दाखल झाल्यानंतर त्याच्यावर जोरदार टीका करण्यात आली. हेच नाही तर काही टीव्ही कलाकारांनीही सोशल मीडियावर पोस्ट शेअर केल्या. यामध्ये देवोलीना भट्टाचार्जी हिच्या नावाचा देखील समावेश आहे. देवोलीना भट्टाचार्जी हिने सोशल मीडियावर एक भली मोठी पोस्ट शेअर करत अरमान मलिक याच्यावर जोरदार टीका केली होती.

आता पायल मलिक ही बिग बॉस ओटीटी 3 मधून बाहेर आलीये. यावेळी देवोलीना भट्टाचार्जी हिचा चांगलाच समाचार पायल मलिक हिने घेतलाय. पायल मलिक म्हणाली की, तुम्ही तुमच्या आयुष्यामध्ये बघायला हवे. तुम्ही एका मुस्लिम व्यक्तीसोबत लग्न केल्यानंतर तुम्हाला सोशल मीडियावर किती जास्त लोकांनी सोशल मीडियावर खडेबोल सुनावले आहेत. तुमच्यावर किती जास्त टीका झालीये.

मला फक्त इतकेच म्हणायचे आहे की, जेंव्हा आम्ही तुमच्या आयुष्याबद्दल काहीच बोललो नाहीत तर आमच्या आयुष्याबद्दल बोलण्याचा काय अधिकार तुमच्याकडे आहे. तुम्हाला आमच्या रिलेशनवर आणि आयुष्यावर बोलण्याचा अजिबात अधिकार नाहीये. बाकी मी माझ्या यूट्यूब चॅनलवर गोष्टींचे सविस्तर उत्तर देईल.

देवोलीना भट्टाचार्जी हिने म्हटले होते की, अरमान मलिक हा आपल्या दोन्ही पत्नींसोबत बिग बॉसमध्ये सहभागी झालाय. हे खरोखरच खूप जास्त शर्कनाक की, बिग बॉसच्या निर्मात्यांनी यांना शोमध्ये बोलावले. हेच नाहीतर देवोलीना भट्टाचार्जी हिने म्हटले होते की, हे रिलेशन खूप जास्त घाण आणि अपवित्र आहे.

आता पायल मलिक हिने देवोलीना भट्टाचार्जीला मोठे उत्तर दिले आहे. आता पायलला देवोलीना भट्टाचार्जी काय उत्तर देते हे देखील पाहण्यासारखे ठरणार आहे. देवोलीना भट्टाचार्जी हिने मुस्लिम व्यक्तीसोबत लग्न केल्यानंतर तिच्यावर जोरदार टीका करण्यात आली होती. देवोलीना भट्टाचार्जी नेहमीच पतीसोबत खास फोटो आणि व्हिडीओ शेअर करताना दिसते.