Priyanka Chopra | हिंदू धर्माबद्दल ‘देसी गर्ल’च्या पतीची पहिली प्रतिक्रिया, काय म्हणाला निक जोनस?
'मी एका अशा महिलेसोबत लग्न केलंय जी हिंदू आहे, आणि माझ्या मुलीला मी...', प्रियांका चोप्राचा पती निक जोनस त्याच्या वक्तव्यामुळे तुफान चर्चेत...
मुंबई : ‘बाजीराव मस्तानी’, ‘स्काय इज पिंक’, ‘दिल धडकने दो’, ‘बर्फी’, ‘डॉन २’, ‘अंजाना अंजानी’, ‘मेरा कॉम’ अशा अनेक सिनेमांमध्ये महत्त्वाची भूमिका साकारत अभिनेत्री प्रियांका चोप्रा (Priyanka Chopra) हिने चाहत्यांच्या मनात राज्य केलं. प्रियांकाने फक्त बॉलिवूडमध्येच नाही तर, हॉलिवूडमध्ये देखील स्वतःची एक वेगळी ओळख तयार केली. जगप्रसिद्ध व्यक्तिमत्व म्हणून देखील प्रियांका चोप्रा हिची ओळख आहे. इंडस्ट्रीमधील तिच्या योगदानाबद्दल प्रियांका कायम चर्चेत असते.. पण अभिनेत्री तिच्या खासगी आयुष्यामुळे देखील कामय चर्चेत असते.. अमेरिकन गायक निक जोनस याच्यासोबत लग्न केल्यानंतर देखील प्रियांकाबद्दल रंगणाऱ्या चर्चांनी जोर धरला.. प्रियांका आणि निक यांचं लग्न हिंदू आणि ख्रिश्चन पद्धतीत झालं.. आता लग्नाच्या अनेक वर्षांनंतर निक जोनस याने हिंदू धर्माबद्दल मोठं वक्तव्य केलं आहे..
नुकताच झालेल्या एका मुलाखतीत निक म्हणाला, ‘देवासोबत असलेलं माझं नातं खास आहे… पण आता देवाने अनेक रुप धारण केले आहेत… मी एका अशा महिलेसोबत लग्न केलंय जी हिंदू आहे. ज्यामुळे मला असंख्य गोष्टी शिकता आल्या आणि त्या प्रचंड प्रेरणादायी आहेत..’ असं निक म्हणाला…
एवढंच नाही तर, मुलगी मालती मेरी हिच्याबद्दल देखील निक म्हणाला, ‘आम्ही मालतीवर असे संस्कार करतो, ज्यामुळे तिला हिंदू आणि ख्रिश्चन दोन्ही धर्मांची शिकवण मिळेल… मालतीमध्ये बायबल आणि हिंदू धर्मातील तत्वे असतील…’ सध्या सर्वत्र प्रियांका चोप्रा आणि निक जोनस यांची चर्चा रंगत आहे..
View this post on Instagram
निक आणि मालती यांच्या नात्याबद्दल सांगायचं झालं तर, अनेक वर्ष एकमेकांना डेट केल्यानंतर २०१८ साली मोठ्या थाटात निक जोनस आणि प्रियांका चोप्रा यांनी लग्न केलं.. दोघांचं लग्न राजस्थानमधील उम्मेद भवन पॅलेसमध्ये झालं होतं. दोघांच्या लग्नात जवळच्या मित्रांव्यतिरिक्त अनेक सेलिब्रिटी देखील उपस्थित होते. जानेवारी २०२२ मध्ये निक आणि प्रियांका सरोगसीद्वारे मुलीला जन्म दिला..
प्रियांका चोप्रा आणि निक जोनस कायम सोशल मीडियावर सक्रिय असतात. प्रियांका कायम तिच्या मुलीचे फोटो आणि व्हिडीओ सोशल मीडियावर शेअर करत असते.. सोशल मीडियावर प्रियांका हिच्या चाहत्यांची संख्या देखील फार मोठी आहे.. सोशल मीडियावर फोटो आणि व्हिडीओ पोस्ट करत अभिनेत्री चाहत्यांच्या संपर्कात राहण्याचा प्रयत्न करत असते… प्रियांका हिच्या सिनेमांबद्दल सांगायचं झालं तर, अभिनेत्री सध्या ‘सिटाडेल’ वेब सीरिजमुळे चर्चेत आहे..
