Raja Shivaji OTT : घरबसल्या पाहता येणार ‘राजा शिवाजी’, जाणून घ्या कुठे आणि कधी येणार पाहता?

Raja Shivaji OTT : अभिनेता रितेश देशमुख स्टारर आणि दिग्दर्शित ‘राजा शिवाजी’ सिनेमा बॉक्स ऑफिसवर तगडी कमाई करताना दिसत आहे. प्रदर्शनानंतर 14 दिवस झाले असले तरी, सिनेमाची बॉक्स ऑफिसवरील पकड मजबूत असल्याचं दिसत आहे. अनेकांनी सिनेमा चित्रपटगृहात जाऊन पाहिला आहे. पण अनेकांना व्यस्त वेळापत्रकामुळे सिनेमा चित्रपटगृहात जाऊन पाहणं शक्य झालं नसेल. त्यामुळे ‘राजा शिवाजी’ सिनेमा ओटीटी प्लॅटफॉर्म म्हणजे ऑनलाईन कधी प्रदर्शित होणार याच प्रतिक्षेत अनेक जण आहेत.

‘राजा शिवाजी’ला मराठी चित्रपटसृष्टीतील सर्वात भव्य सिनेमांपैकी एक म्हणून मोठ्या प्रमाणावर प्रशंसा मिळत आहे. या ऐतिहासिक सिनेमाच्या ओटीटी प्रदर्शनाबद्दल सर्वत्र बरीच चर्चा सुरू आहे. बॉक्स ऑफिसवर व्यावसायिकदृष्ट्या चांगली कामगिरी करणाऱ्या सिनेमाला ओटीटीवर प्रदर्शित होण्यासाठी 45-60 दिवस लागतात आणि ही अगदी सामान्य बाब आहे. पण आता ‘राजा शिवाजी’ सिनेमा ओटीटीवर कधी प्रदर्शित होणार याच प्रतिक्षेत चाहते आहेत.

सांगायचं झालं तर, सध्या पाहायचं झालं तर, सिनेमा निर्माते अनेकदा सिनेमाच्या पोस्टरमध्ये आणि प्री-क्रेडिट सीनमध्ये डिजिटल पार्टनरची माहिती उघड करतात, पण ‘राजा शिवाजी’च्या बाबतीत असं झालेलं नाही. मात्र, मीडिया रिपोर्ट्सनुसार, ‘राजा शिवाजी’ हा मराठी सिनेमा थिएटरमध्ये प्रदर्शित झाल्यानंतर थेट ओटीटी प्लॅटफॉर्म जिओहॉटस्टारवर ऑनलाइन स्ट्रीम केला जाईल. अशी माहिती समोर येत आहे. पण याबद्दल अद्याप अधिकृत माहिती समोर आलेली नाही. शिवाय प्रदर्शनाची तारीख देखील अद्याप जाहिर करण्यात आलेली नाही.

चित्रपटगृहात ‘राजा शिवाजी’ सिनेमा मराठी आणि हिंदी भाषेत प्रदर्शित करण्यात आला. पण ओटीटी प्लॅटफॉर्म सिनेमा 6 भाषांमध्ये प्रदर्शित करण्यात येणार आहे. मराठी, हिंदी, तमिळ, तेलगू, कन्नड आणि मल्याळम या भाषांमध्ये सिनेमा प्रदर्शित होणार आहे.  सिनेमाबद्दल सांगायचं झालं तर, गेल्या 10 वर्षांपासून रितेश देशमुख ‘राजा शिवाजी’ सिनेमा करण्याचा प्रयत्न करत होता. पण तीन वेळा अभिनेत्याला अपयश आलं. पण अखेर 1 मे रोजी सिनेमा मोठ्या पडद्यावर प्रदर्शित झाला आणि सिनेमाने मोठी कमाई देखील केली. सध्या सर्वत्र फक्त आणि फक्त ‘राजा शिवाजी’ सिनेमाची चर्चा रंगली आहे.