राजू श्रीवास्तव यांच्या पत्नीने शेअर केला कॉमेडियनचा कधीही न पाहिलेला Video
राजू श्रीवास्तव यांच्या आठवणीत पत्नी भावूक; Video शेअर करत लिहिलं...
मुंबई- कॉमेडियन राजू श्रीवास्तव (Raju Srivastava) यांनी 21 सप्टेंबर रोजी या जगाचा निरोप घेतला. राजू यांच्या निधनाच्या एक महिन्यानंतर त्यांच्या पत्नीने सोशल मीडियावर एक व्हिडीओ पोस्ट केला आहे. राजू यांचा कधी न पाहिलेला हा व्हिडीओ त्यांनी चाहत्यांसोबत शेअर केला आहे. त्यासोबतच कॅप्शनमध्ये एक कविता लिहित भावना व्यक्त केल्या आहेत. जिममध्ये व्यायाम करताना राजू यांना हृदयविकाराचा झटका आला होता. त्यानंतर त्यांना दिल्लीतील एम्स (AIIMS) रुग्णालयात दाखल करण्यात आलं होतं.
शिखा यांनी पोस्ट केलेल्या या व्हिडीओमध्ये राजू श्रीवास्तव गाणं म्हणताना दिसत आहेत. 1977 मध्ये प्रदर्शित झालेल्या ‘स्वामी’ या चित्रपटातील गाणं ते गात आहेत. ‘तू जाऊन महिना झाला पण आम्हाला माहीत आहे की तू अजूनही आमच्यासोबतच आहेस आणि कायम राहशील’, असं कॅप्शन शिखा यांनी या व्हिडीओला दिला आहे.
View this post on Instagram
‘तारक मेहता का उल्टा चष्मा’ या मालिकेत तारक मेहताची भूमिका साकारणारे शैलेष लोढा, स्टँडअप कॉमेडियन एहसान कुरेशी आणि सुनील पाल यांनी एकत्र येऊन राज यांच्या आठवणीत एक शो केला होता. राजू यांचा भाऊ काजू श्रीवास्तव यांनीसुद्धा या शोमध्ये भाग घेतला होता.
राजू श्रीवास्तव यांना 10 ऑगस्ट रोजी जिममध्ये वर्कआऊट करताना हृदयविकाराचा झटका आला होता. त्यानंतर त्यांना ताबडतोबत दिल्लीतील एम्स रुग्णालयात दाखल करण्यात आलं होतं. तिथं डॉक्टरांनी त्यांना तातडीने व्हेंटिलेटरवर ठेवलं. त्यांची अँजिओप्लास्टीही करण्यात आली होती. डॉक्टरांनी त्यांना वाचवण्याचा आटोकाट प्रयत्न केला. मात्र 42 दिवस मृत्यूशी झुंज दिल्यानंतर अखेर त्यांची प्राणज्योत मालवली.
