Apurva Nemlekar : घटस्फोटानंतर कसं झालेलं अपूर्वा नेमळेकर हिचं आयुष्य? दुसऱ्या लग्नाबद्दल म्हणाली…
Apurva Nemlekar : अभिनेत्री अपूर्वा नेमळेकर तिच्या प्रोफेशनल आयुष्यामुळे कमी पण खासगी आयुष्याबद्दल कायम चर्चेत असते. आता देखील अभिनेत्रीने तिच्या खासगी आयुष्याबद्दल मोठं वक्तव्य केलं आहे. सध्या सर्वत्र फक्त आणि फक्त अभिनेत्रीची चर्चा रंगली आहे.
रात्रीस खेळ चाले या मालिकेतून संपूर्ण महाराष्ट्राच्या घराघरात पोहोचलेली अभिनेत्री म्हणजे अपूर्वा नेमळेकर. अपूर्वा आता तिच्या प्रोफेशनल आयुष्यामुळे नाही तर, खासगी आयुष्यामुळे चर्चेत असते. पहिल्या घटस्फोटानंतर अपूर्वा हिने दुसरं लग्न तर केलं. पण त्यासाठी अभिनेत्रीने तब्बल 9 वर्षांचा कालावधी घेतला. घटस्फोटानंतर अपूर्वा हिने फक्त करियरवर लक्ष केंद्रीत केलं. दरम्यान, नुकताच झालेल्या एका मुलखातीत, अपूर्वा हिने दुसऱ्या लग्नाबद्दल आणि आयुष्याला दिलेल्या दुसऱ्या संधीबद्दल मोठं वक्तव्य केलं आहे.
अपूर्वा म्हणाते, ‘पहिल्या लग्नातून… त्या टॉक्सिसिटीतून बाहेर येण्यासाठी फार काळ लागतो आणि तो प्रवास काही सोपा नसतो. लोकांना असं अपेक्षित असतं की, तुम्ही नॉर्मल व्हा आणि जे झालं आहे ते विसरून जा… पण ते असं क्षणात विसरता येत नाही. त्यासाठी वेळ द्यावा लागतो… या धक्क्यातून बाहेर येण्यासाठी मला 9 वर्ष लागली. त्या 9 वर्षांत मी खूप वेळ घेतला. मला काय हवंय नकोय… याचा विचार केला. मी ज्या क्षेत्रात काम करते, त्यामध्ये मी 18 तास व्यस्त असते. त्यामुळे अरेंज मॅरेज शिवाय माझ्याकडे दुसरा कोणताच पर्याय नव्हता…
View this post on Instagram
पुढे अपूर्वा म्हणते, ‘मी माझ्या आई – वडिलांचा संसार सुखाने होताना पाहिला आहे. त्यामुळे माझा देखील सुखी संसार असाला… अशी माझी इच्छा होती. या 9 वर्षात मी कधीच माघार घेतली नाही. मी 9 वर्षात खूप काम केलं. मालिका केल्या, नाटकात काम केलं. याच दरम्यान मला रात्रीस खेळ चाले मालिकेत शेवंता सारखं पात्र साकारण्याची संधी मिळाली. तर तेव्हा मी लोकप्रियतेचा आनंद घेतला.’
दुसऱ्या नवऱ्याबद्दल अपुर्वा म्हणाली, ‘तनुजसारखा मुलगा माझ्या आयुष्यात आला आहे. ही खूप चांगली गोष्ट आहे. मला तनुज याच्यासारखाच व्यक्ती माझ्या आयुष्यात हवा होता.. मी पुन्हा प्रेमात पडले…’, असं म्हणत अपूर्वा हिने तनुज याचं कौतुक केलं…
