AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

सैफ अली खानला चाकूने भोसकले… हल्ल्यानंतरचे 5 प्रश्न अन्… पोलीस तपासात काय काय घडतंय?

या हल्ल्यात सैफ अली खानला गंभीर दुखापत झाली आहे. त्याच्यावर ६ वार करण्यात आले. या हल्ल्यात त्याच्या मानेला, डाव्या मनगटाला, छातीला दुखापत झाली आणि चाकूचा एक छोटासा भाग त्याच्या पाठीतून काढण्यात आला होता.

सैफ अली खानला चाकूने भोसकले... हल्ल्यानंतरचे 5 प्रश्न अन्... पोलीस तपासात काय काय घडतंय?
saif ali khan attack case
| Updated on: Jan 16, 2025 | 4:41 PM
Share

बॉलिवूड अभिनेता सैफ अली खानवर आज पहाटे एका अज्ञात व्यक्तीने चाकूने हल्ला केला. मुंबईतील वांद्रे पश्चिम येथील निवासस्थानावर चोरी करण्याच्या उद्देशाने घरात शिरलेल्या एका व्यक्तीने हा हल्ला केल्याची माहिती समोर येत आहे. या हल्ल्यात सैफ अली खानला गंभीर दुखापत झाली आहे. त्याच्यावर ६ वार करण्यात आले. या हल्ल्यात त्याच्या मानेला, डाव्या मनगटाला, छातीला दुखापत झाली आणि चाकूचा एक छोटासा भाग त्याच्या पाठीतून काढण्यात आला होता. यानंतर तातडीनं सैफ अली खानवर ऑपरेशन करावं लागलं. ऑपरेशन यशस्वी झालं असून त्याती प्रकृती आता स्थिर असल्याचं म्हटलं जात आहे. आता सैफ अली खानच्या हल्ल्यानंतर पाच प्रश्न उपस्थितीत होते आहे.

बॉलिवूड अभिनेता सैफ अली खानच्या घरी मध्यरात्री झालेल्या हल्ल्याने खळबळ उडाली आहे. या घटनेनंतर अनेक प्रश्न उपस्थित झाले आहेत. सैफ अली खानवर झालेल्या हल्ल्यानंतर सध्या पोलीस या प्रकरणी आरोपीचा शोध घेत आहे. सैफ अली खानवर हल्ला करणारी व्यक्ती कोण होती? त्याची सुरक्षा व्यवस्था इतकी कमजोर होती का? यात घरात काम करणाऱ्या व्यक्तींपैकी कोणी सहभागी होतं का? या हल्ल्यामागचा हेतू काय होता? पोलिसांच्या आरोपीला अटक कधी करणार? असे अनेक प्रश्न उपस्थित होत आहेत.

हल्ला कसा घडला?

पोलिसांनी दिलेल्या माहितीनुसार, प्राथमिकदृष्ट्या असे निष्पन्न झाले की या आरोपीने चोरीच्या उद्देशाने सैफ अली खानच्या घरी प्रवेश केला. चोरी करण्याच्या प्रयत्नात ही घटना घडली असावी. आरोपी हा आप्तकालीन परिस्थितीत बाहेर पडण्याच्या मार्गाने त्याच्या घरात पोहोचला. तो जिन्यांवरुन १२ व्या मजल्यावर गेल्याचे पोलिसांनी सांगितले आहे. सैफच्या घरातील मोलकरणीने जेव्हा चोराला पाहिलं, तेव्हा तिने आरडाओरड करण्यास सुरुवात केली. आवाज ऐकून झोपेत असलेला सैफ तिथे आला आणि त्याच क्षणी चोराने त्याच्यावर धारदार चाकूने हल्ला केला. मध्यरात्री अडीच वाजताच्या सुमारास ही घटना घडली.

उच्चभ्रू सोसायटीत सुरक्षा व्यवस्था नव्हती का?

सैफ अली खान हा वांद्रे पश्चिमेतील उच्चभ्रू सोसायटीत राहतो. सैफ अली खानचे घर १२ व्या मजल्यावर आहे. त्याच्या इमारतीत प्रवेश करण्यापूर्वी सुरक्षा तपासणी केली जाते. यात एखाद्या घरात जाण्यापूर्वी तुम्हाला मालकाची परवानगीही घ्यावी लागते. तसेच तुमच्या नावाची नोंदणीही केली जाते. या इमारतीत इतकी काटेकोर सुरक्षा आणि सीसीटिव्हीची पाळत असतानाही हा हल्ला कसा घडला, असा प्रश्न उपस्थितीत केला जात आहे. तसेच हा हल्लेखोर जेव्हा इमारतीत शिरला तेव्हा आणि इमारतीतून बाहेर आला, त्यावेळी त्याला कोणीही पाहिले कसं नाही, तो पळून जाण्यात यशस्वी कसा झाला, असे प्रश्नही उपस्थितीत होत आहे.

याप्रकरणी मुंबई पोलिसांनी सैफ अली खानच्या घरातील कर्मचाऱ्यांचीही चौकशी सुरु केली आहे. सैफच्या घरी काम करणाऱ्या मोलकरणीला पोलीस ठाण्यात आणून तिची चौकशी केली जात आहे. जेव्हा अज्ञात व्यक्ती घरात शिरली, तेव्हा मोलकरणीने सर्वांत आधी त्याला पाहिलं होतं आणि आरडाओरडा केला होता. त्यांचा आवाज ऐकल्यानंतर सैफ तिथे आला. त्यानंतर दोघांमध्ये हाणामारी झाली. यावेळी मोलकरणीच्या हातालाही दुखापत झाली. इमारतीच्या मुख्य गेटजवळील सीसीटीव्हीमध्ये कोणीही येताना किंवा जाताना दिसलं नाही. ही घटना घडली तेव्हा सैफ, करीना आणि त्यांची दोन्ही मुलं घरातच होती.

प्रकृती स्थिर

सैफवर लिलावती रुग्णालयात उपचार सुरू असून त्याची प्रकृती आता स्थिर आहे. त्याच्या शरीरावर एकूण सहा वार झाले असून त्यातील दोन वार खोलवर असल्याचं कळतंय. सैफवरील शस्त्रक्रिया पूर्ण झाली असून त्याला गुरुवारी रात्रीपर्यंत डिस्चार्ज मिळण्याची शक्यता आहे. सैफच्या कुटुंबातील सर्व सदस्य सुरक्षित असून पोलीस घटनेचा तपास करत असल्याची माहिती, सैफच्या टीमकडून देण्यात आली.

Follow Us
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चांना उधाण!
आंबेगावात कामगारांचं बचावकार्य सुरु असतानाच भाजप नेत्यांकडून धक्कादायक
Solapur : आंबेगावात कामगारांचं बचावकार्य सुरु असतानाच भाजप नेत्यांकडून श्रद्धांजलीच्या पोस्ट
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना...
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना भूसंपादनाच्या नोटिसा; संजय राऊतांचा इशारा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा खुलासा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा मोठा खुलासा, म्हणाले...
महाराष्ट्र एपस्टीन फाईल्सवरून वाद पेटला! दिग्दर्शक स्वरूप सावंतांनी...
महाराष्ट्र एपस्टीन फाईल्स' चित्रपटावरून वाद पेटला! दिग्दर्शक स्वरूप सावंतांनी अखेर मौन सोडलं, थेट केलं मोठं विधान...
अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी..
IND vs NZ: अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी सामना जिंकला
केंद्रीय गृहमंत्री अमित शाह आणि शरद पवार एकाच मंचावर? कारण काय?
केंद्रीय गृहमंत्री अमित शाह आणि शरद पवार एकाच मंचावर? अजित पवारांच्या पुतळ्याच्या अनावरण सोहळ्यात शरद पवारांना निमंत्रण
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील...
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील, दुष्काळी परिस्थितीमुळे जीवन विस्कळीत
500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इ
Manoj Jarange Patil : 500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इशारा
खासदार शोधा रे, शोधणाऱ्याला बक्षीस... रवी राणा असं का म्हणाले?
खासदार शोधा रे, शोधणाऱ्याला बक्षीस... रवी राणा असं का म्हणाले? अमरावतीतील राजकाणात मोठ्या घडामोडी