Salman Khan | एक्स गर्लफ्रेंडच्या ‘त्या’ कृतीमुळे सर्वांसमोर लाजला सलमान; चाहते म्हणाले ‘हिच्याशीच लग्न कर’
काही सेकंदांच्या या व्हिडीओवर नेटकऱ्यांकडून विविध प्रतिक्रिया येत आहेत. 'बस संगीतासोबतच सलमान खुश दिसतो, हिच्यासोबतच लग्न कर', असं एकाने लिहिलं. तर 'आता समजलं की सलमान खानने लग्न का नाही केलं', असं दुसऱ्या युजरने म्हटलंय.
मुंबई : बॉलिवूडचा भाईजान अर्थात अभिनेता सलमान खान त्याच्या चित्रपटांसोबतच खासगी आयुष्यामुळेही तुफान चर्चेत असतो. नुकतीच सलमानने बहीण अर्पिता खान आणि मेहुणा आयुष शर्मा यांनी आयोजित केलेल्या ईद पार्टीला हजेरी लावली. सलमानसोबतच या पार्टीला बॉलिवूडमधील अनेक सेलिब्रिटी उपस्थित होते. सध्या या पार्टीतील सलमानचा एक व्हिडीओ सोशल मीडियावर व्हायरल होत आहे. यामध्ये सलमान त्याच्या एक्स गर्लफ्रेंडसोबत पहायला मिळत आहे. या दोघांना एकत्र पाहून नेटकऱ्यांकडून लाइक्स आणि कमेंट्सचा वर्षाव होतोय.
सोशल मीडियावरील व्हायरल व्हिडीओमध्ये सलमान खान आणि त्याची एक्स गर्लफ्रेंड संगीता बिजलानी यांच्यातील केमिस्ट्री सहज पहायला मिळतेय. यामध्ये पत्रकार रजत शर्मा यांच्यासोबत सलमान खान गप्पा मारत चालत असतो. त्याचवेळी तो संगीताबद्दल काहीतरी मस्करी करतो. तेव्हा संगीतासुद्धा मस्करीत त्याच्या गालावर पंच करताना दिसते. यावेळी सलमानच्या चेहऱ्यावरही हास्य पहायला मिळतं. इतक्या वर्षांनंतरही या दोघांची मैत्री पाहून चाहते पुन्हा फिदा झाले आहेत.
काही सेकंदांच्या या व्हिडीओवर नेटकऱ्यांकडून विविध प्रतिक्रिया येत आहेत. ‘बस संगीतासोबतच सलमान खुश दिसतो, हिच्यासोबतच लग्न कर’, असं एकाने लिहिलं. तर ‘आता समजलं की सलमान खानने लग्न का नाही केलं’, असं दुसऱ्या युजरने म्हटलंय. ‘हे दोघं एकमेकांसोबत खूप चांगले दिसतात’, असंही नेटकऱ्यांनी म्हटलंय.
पहा व्हिडीओ
View this post on Instagram
गेल्या वर्षी डिसेंबर महिन्यात जेव्हा सलमानने त्याचा 57 वा वाढदिवस साजरा केला, तेव्हासुद्धा संगीता बिजलानी आणि त्याच्यातील खास बाँडिंग नेटकऱ्यांना पहायला मिळाली होती. या वाढदिवसाच्या पार्टीत जेव्हा संगीता बिजलानी पोहोचली, तेव्हा सलमानला त्याचं जुनं प्रेम आठवलं. संगीताला पाहताच सलमानने तिच्या कपाळावर किस केलं आणि तिला मिठी मारली होती.
सलमान खान आणि संगीता बिजलानी हे एकेकाळी एकमेकांना डेट करायचे. या दोघांच्या अफेअरच्या चर्चा बॉलिवूड इंडस्ट्रीत चांगल्याच रंगायच्या. जवळपास 10 वर्षे दोघांनी एकमेकांना डेट केलं आणि त्यानंतर त्यांचा ब्रेकअप झाला. 1986 मध्ये सलमान आणि संगीता एकमेकांना डेट करू लागले होते. काही मीडिया रिपोर्ट्सनुसार, या दोघांच्या लग्नाची पत्रिकासुद्धा छापली गेली होती. मात्र संगीताने सलमानसोबतचं नातं तोडलं. त्यावेळी सलमान आणि अभिनेत्री सोमी अली यांच्यातील जवळीक वाढू लागली होती. हे जेव्हा संगीताला समजलं, तेव्हा तिने सलमानसोबतचं नातं तोडलं. संगीताने नंतर 1996 मध्ये क्रिकेटर मोहम्मद अजहरुद्दीनशी लग्न केलं. जवळपास 14 वर्षांच्या संसारानंतर 2010 मध्ये संगीताने घटस्फोट घेतला. सलमान आणि संगीता यांच्यात आजही खूप चांगली मैत्री आहे. सलमानच्या कौटुंबिक कार्यक्रमांमध्येही अनेकदा संगीताला पाहिलं जातं.
