Raj Kundra | ईशा गुप्ताला पाहताच राज कुंद्राची जीभ घसरली; नेटकरी म्हणाले ‘शिल्पा, आता तरी डोळे उघड’

मुंबई | 19 सप्टेंबर 2023 : अभिनेत्री शिल्पा शेट्टीचा पती आणि बिझनेसमन राज कुंद्राने तुरुंगातून जामिनावर सुटल्यापासून पापाराझी किंवा मीडियासमोर कधीच चेहरा दाखवला नाही. राजला नेहमीच वेगवेगळ्या मास्कमध्ये पाहिलं गेलं. नुकताच शिल्पाच्या घरात दरवर्षीप्रमाणे या वर्षीही गणपती बाप्पाचं आगमन केलं. यावेळीही राज कुंद्राने त्याचा चेहरा पूर्णपणे झाकला होता. त्यावरून त्याला प्रचंड ट्रोल करण्यात आलं होतं. आता पुन्हा एकदा राज कुंद्राचा व्हिडीओ चर्चेत आला आहे. या व्हिडीओमध्ये त्याने अभिनेत्री ईशा गुप्ताबद्दल कमेंट केली आहे. त्याच्या याच कमेंटवरून नेटकरी विविध प्रतिक्रिया देत आहेत.

अभिनेत्री करीना कपूरच्या ‘जाने जान’ या चित्रपटाचा प्रीमिअर नुकताच पार पडला. या प्रीमिअरला ईशा गुप्तानेही हजेरी लावली होती. यावेळी ती पापाराझींसमोर उभी राहून फोटोसाठी पोझ देत असते. इतक्यात राज कुंद्रा तिच्याजवळ जातो आणि तिला मिठी मारतो. इतकंच नव्हे तर राज कुंद्रा तिला म्हणतो, “ओह माय गॉड, यु आर सो हॉट, यु आर सो हॉट”. राजचा हा व्हिडीओ सोशल मीडियावर तुफान व्हायरल होत आहे. यावरून नेटकरी राजसोबतच शिल्पालाही ट्रोल करत आहेत.

View this post on Instagram

A post shared by Voompla (@voompla)

शिल्पा शेट्टीच्या चाहत्यांना राज कुंद्राचं हे वागणं अजिबात आवडलं नाही. अनेकांनी शिल्पाला सल्ला दिला की तिने आता तरी डोळे उघडले पाहिजेत. ‘हे देवा, शिल्पा मॅडम आता तरी जागी हो’, असं एकाने लिहिलं. तर ‘हा माणूस कधीच सुधारणार नाही’, असं दुसऱ्या युजरने म्हटलंय. फेब्रुवारी 2021 मध्ये राज कुंद्राला आक्षेपार्ह व्हिडीओ निर्मितीप्रकरणी अटक करण्यात आली होती. राज अश्लील व्हिडीओ बनवण्याचा रॅकेट चालवतो, असा आरोप त्याच्याविरोधात करण्यात आला. काही महिलांनीही त्याच्या विरोधात जबाब नोंदवला होता.

राज कुंद्रा जवळपास महिनाभर तुरुंगात होता. यावेळी शिल्पा त्याला घटस्फोट देण्याचीही जोरदार चर्चा होती. मात्र प्रत्यक्षात असं काहीच झालं नाही. शिल्पाने राजची पूर्ण साथ दिली. तुरुंगातून बाहेर पडल्यानंतरही शिल्पाने राजचा बचाव केला. राजवर केलेले सर्व आरोप खोटे आहेत, असं ती म्हणाली.