श्रेयस तळपदे-गौरी इंगवलेची निरागस प्रेमकथा; ट्रेलरला प्रेक्षकांकडून दमदार प्रतिसाद

आजारपणानंतर अभिनेता श्रेयस तळपदे दमदार पुनरागमन करण्यासाठी सज्ज झाला आहे. त्याच्या आगामी 'ही अनोखी गाठ' या चित्रपटाचा ट्रेलर नुकताच प्रदर्शित झाला आहे. यामध्ये श्रेयस आणि गौरी इंगवले ही नवी जोडी प्रेक्षकांना पहायला मिळणार आहे.

श्रेयस तळपदे-गौरी इंगवलेची निरागस प्रेमकथा; ट्रेलरला प्रेक्षकांकडून दमदार प्रतिसाद
Shreyas Talpade, Gauri Ingwale Image Credit source: Youtube
Follow us
| Updated on: Feb 13, 2024 | 8:43 AM

मुंबई : 13 फेब्रुवारी 2024 | ‘काकस्पर्श’, ‘नटसम्राट’, ‘पांघरूण’ या विलक्षण प्रेमकहाणीनंतर झी स्टुडिओज आणि महेश मांजरेकर मुव्हीज पुन्हा एकदा एक अनोखी प्रेमकहाणी प्रेक्षकांच्या भेटीला घेऊन येत आहेत. ‘ही अनोखी गाठ’ असं या चित्रपटाचं नाव असून काही दिवसांपूर्वीच या चित्रपटाची घोषणा करण्यात आली होती. या चित्रपटाविषयी अधिक जाणून घेण्याची उत्सुकता असतानाच आता ‘व्हॅलेंटाईन वीक’मध्ये या चित्रपटाचा जबरदस्त ट्रेलर प्रदर्शित झाला आहे. चित्रपटाची कथा, पटकथा आणि दिग्दर्शन महेश वामन मांजरेकर यांचं असून यात श्रेयस तळपदे, गौरी इंगवले, ऋषी सक्सेना, शरद पोंक्षे, सुहास जोशी यांच्या प्रमुख भूमिका आहेत.

चित्रपटाबद्दल महेश मांजरेकर म्हणाले, “नात्याची एक अनोखी गोष्ट प्रेक्षकांना अनुभवयाला मिळणार आहे. या चित्रपटाच्या निमित्ताने श्रेयससोबत प्रथमच काम करतोय. त्याचा अभिनय मी पाहिला आहे. तो अतिशय हुशार अभिनेता आहे. एक कलाकार म्हणून स्वतःला नेहमीच समृद्ध करण्याचा प्रयत्न करतो. प्रत्येक व्यक्तिरेखेला तो शंभर टक्के न्याय देतो. त्याच्यासोबत काम करण्याचा अनुभव कमाल होता. या चित्रपटात ऋषीचीही भूमिका आहे. ‘ही अनोखी गाठ’च्या निमित्ताने गौरीला पुन्हा एकदा तिचे नृत्यकौशल्य सादर करण्याची संधी मिळाली आहे. याव्यतिरिक्त या चित्रपटात अनेक नावाजलेले कलाकार आहेत. खूप साधी, सरळ तरीही अनोखी अशी ही प्रेमकहाणी आहे. झी स्टुडिओजसोबत याआधी बरेच चित्रपट केले आहेत, त्यामुळे त्य्नाच्यासोबतचा अनुभव हा नेहमीच कमाल असतो. एक सुंदर कलाकृती प्रेक्षकांसमोर सादर करत आहोत, खात्री आहे प्रेक्षक त्याला इतर चित्रपटांप्रमाणेच आपलेसे करतील.”

हे सुद्धा वाचा

‘ही अनोखी गाठ’ या चित्रपटाविषयी श्रेयस तळपदे म्हणाला, ”सध्याच्या काळात आपण सगळेच एका निर्मळ प्रेमकथेला मुकले आहोत. प्रेमकथेतील निरागसता हरवत चालली आहे आणि अशावेळी महेश दादांनी मला ‘ही अनोखी गाठ’ची गोष्ट ऐकवली. त्या क्षणीच मी ठरवले हा चित्रपट करायचाच. मुळात महेश सर खूप निवडक सिनेमे करतात, त्यातही त्यांचे विषय वेगळे असतात. त्यामुळे या चित्रपटाचा मी भाग होतोय, ही माझ्यासाठी आनंदाची गोष्ट आहे. महेश दादा आणि झी स्टुडिओजसोबत काम करण्याचा अनुभव मस्तच होता. मला खात्री आहे ही अनोखी प्रेमकहाणी प्रेक्षकांनाही आवडेल.”

झी स्टुडिओजचे बिझनेस हेड मंगेश कुलकर्णी म्हणाले, “महेश मांजरेकर यांच्यासोबत काम करण्याचा अनुभव हा नेहमीच चांगला असतो. त्यांच्या कथेत प्रचंड पकड असते, जी प्रेक्षकांना खुर्चीला खिळवून ठेवते. नात्यांची हळवी बाजू अलगद प्रेक्षकांसमोर मांडण्याची त्यांची खासियत त्यांच्या प्रत्येक चित्रपटात दिसते. ‘ही अनोखी गाठ’ ही सुद्धा नात्याची अशीच एक तरल भावना आहे, जी प्रेक्षकांना आवडेल. हा एक कौटुंबिक चित्रपट आहे, जो हसवेल, भावनिक करेल, नात्यांचे महत्वही अधोरेखित करेल.”

Non Stop LIVE Update
'मुस्लिमांना OBC मध्ये आरक्षण द्या, हे जरांगेंचं अज्ञानी वक्तव्य'
'मुस्लिमांना OBC मध्ये आरक्षण द्या, हे जरांगेंचं अज्ञानी वक्तव्य'.
10 वर्षांनी विरोधी बाकांवर जास्त संख्या, विरोधक वाढले अन् आवाजही वाढला
10 वर्षांनी विरोधी बाकांवर जास्त संख्या, विरोधक वाढले अन् आवाजही वाढला.
लोकसभेचे निकाल लागताच, विधानसभा डोळ्यांसमोर ठेवून महायुतीतून आऊटगोईंग
लोकसभेचे निकाल लागताच, विधानसभा डोळ्यांसमोर ठेवून महायुतीतून आऊटगोईंग.
फक्त ओबीसींनाच एंट्री, गावा-गावात पोस्टर, आरक्षणाची लढाई गावबंदीपर्यंत
फक्त ओबीसींनाच एंट्री, गावा-गावात पोस्टर, आरक्षणाची लढाई गावबंदीपर्यंत.
शिंदेंच्या दौऱ्यावेळी मीडियाला घेऊन जाणाऱ्या बोटीचा अपघात, बघा व्हिडीओ
शिंदेंच्या दौऱ्यावेळी मीडियाला घेऊन जाणाऱ्या बोटीचा अपघात, बघा व्हिडीओ.
याआधी कधी अस नव्हत...राज्यात आरक्षणाचा वाद, राज ठाकरेंनी मांडली भूमिका
याआधी कधी अस नव्हत...राज्यात आरक्षणाचा वाद, राज ठाकरेंनी मांडली भूमिका.
राज्यातील मंत्रिमंडळ विस्तार कधी होणार? शिरसाटांचं सूचक वक्तव्य काय?
राज्यातील मंत्रिमंडळ विस्तार कधी होणार? शिरसाटांचं सूचक वक्तव्य काय?.
लोकसभेतील अपयशानंतर जानकरांचा स्वबळाचा नारा, विधानसभेसाठी तयारी सुरु
लोकसभेतील अपयशानंतर जानकरांचा स्वबळाचा नारा, विधानसभेसाठी तयारी सुरु.
पोरगं नापास झालं, आता काय करायच.. उदयनराजेंकडून निळू फुलेंची मिमिक्री
पोरगं नापास झालं, आता काय करायच.. उदयनराजेंकडून निळू फुलेंची मिमिक्री.
लोकसभेच्या पहिल्या अधिवेशनापूर्वी मोदींनी सांगितलं18 अंकाचं महत्त्व
लोकसभेच्या पहिल्या अधिवेशनापूर्वी मोदींनी सांगितलं18 अंकाचं महत्त्व.