‘तारक मेहता…’ मालिकेतील सेलिब्रिटीच्या घरी दीड वर्षात दोन मृत्यू, अभिनेत्री म्हणाली, ‘तुझ्या निधनानंतर…’
'तारक मेहता का उल्टा चष्मा' मालिकेतील अभिनेत्रीवर दुःखाचा डोंगर... दीड वर्षात कुटुंबातील दोन सदस्यांचं निधन, दुःख व्यक्त करत अभिनेत्री म्हणाली, 'तुझ्या निधनानंतर...', सध्या सर्वत्र फक्त आणि फक्त अभिनेत्री सोशल मीडियावर पोस्ट केलेल्या फोटोची चर्चा...
तारक मेहता का उल्टा चश्मा मालिकेतून लोकांचे मनोरंजन करणारी अभिनेत्री जेनिफर मिस्त्री ही गेल्या काही दिवसांपासून सतत चर्चेत आहे. जेनिफर मिस्त्री हिच्यावर दु:खाचा डोंगर कोसळला आहे. अभिनेत्रीच्या कुटुंबात दीड वर्षात दोन सदस्यांचं निधन झालं आहे. जेनिफर हिने तिच्या आयुष्यातील सर्वत महत्त्वाच्या व्यक्तीला गमावलं आहे. नुकताच जेनिफर हिच्या लहान बहिणीचं निधन झालं आहे. बहिणीच्या निधनानंतर अभिनेत्री पूर्णपणे कोलमडली आहे. धक्कादायक गोष्ट म्हणजे काही दिवसांपूर्वी अभिनेत्रीच्या भावाचंन निधन झालं होतं.
आता जेनिफर हिने बहिणीच्या निधनानंतर सोशल मीडियावर बहिणीसोबत काही फोटो पोस्ट करत दुःख व्यक्त केलं आहे. सध्या सर्वत्र जेनिफर हिच्या पोस्टची चर्चा रंगली आहे. जेनिफर म्हणाली, ‘माझी प्रिय बहीण डिंपल… मी कधी विचार देखील केला नव्हता की मी तुला गमावेल… तुझ्या निधनाला फक्त 21 दिवस झाले आहेत. पण असं वाटत आहे की तुझ्या निधनाला अनेक वर्ष झाली आहेत…’
View this post on Instagram
‘तुझ्या गोंधळाशिवाय… विनोदाशिवाय… पूर्ण घर रिकामं वाटत आहे. आम्ही तुला कधीच विसरू शकत नाही. तुझ्या आठवणी कायम आमच्या सोबत राहतील… तुझी प्रत्येक आठवण आम्ही सांभाळून ठेवू…’ असं म्हणत जेनिफर हिने बहिणीच्या निधनावर दुःख व्यक्त केलं आहे.
पुढे जेनिफर म्हणाली, ‘तू आम्हाला आनंदी राहायला शिकवलं… मी जगातील सर्वात भाग्यवान बहीण आहे, जिला तुझ्यासारखी बहीण भेटली… कोणतंही स्वार्थ न बाळगता तू माझ्यावर प्रेम केलं. जे प्रेम तू मला दे, तसं प्रेम मला कोणीच देवू शकत नाही… आय लव्ह यू डिंपल…’
‘दीड वर्षात मी माझ्या बहिणीला आणि भावाला गमावलं आहे. हे दुःख काय आहे हे फक्त मी समजू शकते….’ असं देखील अभिनेता म्हणाला. सध्या सर्वत्र फक्त आणि फक्त जेनिफर हिने केलेल्या पोस्टची चर्चा रंगत आहे. जेनिफर सोशल मीडियावर कायम सक्रिय असते. सोशल मीडियावर तिच्या चाहत्यांची संख्या देखील फार मोठी आहे.
