ह्यांचं कसं जमलं?; अभिषेक आणि सोनालीच्या प्रेमाची गोष्ट

झी मराठीवरील ‘सारं काही तिच्यासाठी’ या मालिकेतील श्रीनू अर्थात अभिनेता अभिषेक गावकर… अभिषेक लवकरच लग्नगाठ बांधणार आहे. सोशल मीडिया इन्फ्ल्युएंसर ‘सोनाली’ हिच्याशी अभिषेक विवाह करणार आहे. पण या दोघांची लव्हस्टोरी खूपच हटके आहे. सोनाली आणि अभिषेक हे दोघे पहिल्यांदा कधी भेटले? प्रपोज कुणी कुणाला केलं? या सगळ्याबाबत सोनाली आणि अभिषेक यांनी एक व्हीडिओ शेअर केलाय. यात त्यांनी त्यांची प्रेमाची गोष्ट सांगितली आहे. दोघांच्या पहिल्या भेटीपासून ते लग्नाच्या निर्णयापर्यंतची गोष्ट या व्हीडिओच्या माध्यमातून त्यांनी सांगितली आहे.

अभिषेक गावकर हा अभिनेता आहे. झी मराठीवरील ‘सारं काही तिच्यासाठी’ या मालिकेत सध्या तो काम करत आहे. तर सोनाली ही सोशल मीडिया इफ्ल्युएंसर आहे. सोशल मीडियावर सोनालीच्या रील्सला नेटकऱ्यांची पसंती मिळते. अभिषेक आणि सोनाली लवकरच लग्नगाठ बांधणार आहे. सोनालीने तिच्या यूट्यूबवर एक व्हीडिओ शेअर केलाय. यात या दोघांनी त्यांची लव्हस्टोरी सांगितलीय.

पहिल्यांदा कुठे भेटले?

जीम करून त्यानंतर मी वडापाव खायला जात होते. त्यावेळी मला अभिषेक दिसला. आम्ही दोघं फेसबुकवर फ्रेंड होतो. मात्र पहिल्यांदाच त्याला मी समोरासमोर पाहिलं. मी खूपच वाईट अवतारात होते. त्यामुळे त्याने मला बघू नये असं वाटत होतं. घरी गेल्यावर मी त्याला मेसेज केला की मी तुला पाहिलं म्हणून… पण तो म्हणाला की मीपण तुला पाहिलंमग आम्ही चॅटिंग करू लागलो. पण मी मेसेज केला की त्यानंतर तो खूपच लेट रिप्लाय करायचा. पण मग एकेदिवशी अभिषेकनेच माझा नंबर मागितला. मग आम्ही भेटू लागलो, असं सोनालीने या व्हीडिओ सांगितलं.

प्रपोज कुणी कुणाला केलं?

सोनाली आणि मी रोज एकमेकांना भेटायचो. अगदीच काही काम असेल तर आमची भेट व्हायची नाही. पण शक्यतो आम्ही रोज एकमेकांना भेटायचो. तेव्हा सोनाली खूप फ्लर्ट करायची. पण मी तिला फार काही बोलायचो नाही. पण एकदा मी माझ्या मित्रांसोबत बाहेर गेलो होतो. तेव्हा मला तिची खूप आठवण आली. तेव्हा मी तिला I Love You असा मेसेज केला. त्यानंतर आम्ही एकमेकांना प्रॉपर डेट केलं. मग आम्ही एगेजमेंट करण्याचा निर्णय घेतला. आता लवकरच आम्ही लग्न करणार आहोत, असं अभिषेकने सांगितलं.