Bigg Boss 15 | कलाकारांच्या आधी सामान्यांना घरात प्रवेश, ‘बिग बॉस 15’मध्ये येणार मोठा ट्विस्ट

मुंबई : छोट्या पडद्यावरचा शो ‘बिग बॉस’ प्रेक्षकांना खूप आवडतो. या वर्षाच्या फेब्रुवारीमध्ये बिग बॉसचा 14वा सीझन संपला, ज्याची विजेती रुबीना दिलैक ठरली. आता चाहत्यांना या शोच्या 15व्या (Bigg Boss 15) सीझनची प्रतीक्षा आहे आणि त्यादरम्यान, आगामी सीझनबद्दल काही अपडेट देखील समोर आल्या आहेत. बिग बॉस 15 शोच्या आगामी सीझनची चाहते उत्सुकतेने वाट पाहत आहेत. या वेळी बिग बॉसमध्ये सेलेब्ससह सामान्य लोकही प्रवेश करणार आहेत. आता या हंगामात आणखी एक ट्विस्ट येणार असल्याची चर्चा आहे (Bigg Boss 15 big twist in new season commoners will enter in house first).

अहवालांनुसार, निर्मात्यांची अशी योजना आहे की, ऑडिशनच्या माध्यमातून निवडले जाणारे सामान्य नागरिक अर्थात स्पर्धक यांना आधी घरात पाठवले जाईल. शो सुरू होण्यापूर्वी प्रेक्षक मतदान करतील आणि भव्य प्रीमियरमध्ये जाण्यासाठी 4-5 सामान्य स्पर्धक निवडतील.

बिग बॉस 15 घराचे बांधकाम लवकरच सुरू होणार आहे. ओमंग कुमारची टीम आणि निर्माते घराच्या डिझाईनला अंतिम पुष्टी देतील. आतापर्यंत काही सेलिब्रिटींना या शोमध्ये आमंत्रित केले गेले आहे. माध्यम वृत्तानुसार शोचा प्रीमियर ऑक्टोबर 2021 मध्ये होणार असल्याचे सांगितले जात आहे. याची अधिकृत घोषणा झालेली नसली तरी, असे म्हटले जात आहे की यावेळी निर्मात्यांना एक्स जोड्या मालिकेत आणायच्या आहेत.

6 महिने चालणार नवा सीझन

पूर्वी अशी बातमी आली होती की, या वेळी हा सीझन 6 महिन्यांचा असेल. तसेच, प्रत्येक हंगामाला आणखी मनोरंजक बनण्यासाठी नवीन स्पर्धक घरात प्रवेश करतील.

या सेलेबल्सची नावे समोर आली

रिपोर्ट्सनुसार, या शोमध्ये वरुण सूद, नेहा मर्दा, भूमिका चावला, पार्थ समथान, सुरभी चंदना, दिशा वाकानी, कृष्णा हे कलाकार दिसणार आहेत. यासोबतच आणखी काही सेलेब्सची नावे समोर आली आहेत. तथापि, अद्याप निर्मात्यांकडून आणि या सेलिब्रिटींकडून कोणतेही अधिकृत विधान समोर आलेले नाही.

बिग बॉस 14च्या अंतिम सोहळ्यामध्ये सलमान खानने जाहीर केले होते की, 15 व्या हंगामात सामान्य लोकदेखील या कार्यक्रमाचा एक भाग होऊ शकणार आहेत. म्हणजेच या पर्वात सेलिब्रेटींसह सामान्य लोक देखील बिग बॉसच्या घरात दिसणार आहेत.

(Bigg Boss 15 big twist in new season commoners will enter in house first)

हेही वाचा :

Happy Birthday Ashish Vidyarthi | वास्तवच्या ‘विठ्ठल काण्या’पासून ते बिच्छूच्या ‘देवराज खत्री’पर्यंत, तब्बल 182 चित्रपटांत खलनायक साकारणारे आशिष विद्यार्थी!

Photo : नॉन-फिल्मी स्टाईलमध्ये गौतमनं केलं होतं काजलला प्रपोज, काजल म्हणाली तो बिलकूल फिल्मी नाही…