Debina Bonnerjee: “मग गर्भपात करावा का?”, प्रसूतीच्या 4 महिन्यांनंतर दुसऱ्यांदा गरोदर राहिलेल्या डेबिनाचं ट्रोलर्सना सडेतोड उत्तर

डेबिनाने चार महिन्यांपूर्वी म्हणजेच एप्रिल 2022 मध्ये पहिल्या मुलीला जन्म दिला. पहिल्या मुलीच्या प्रसूतीनंतर चार महिन्यांनी तिने दुसऱ्यांदा गरोदर असल्याचं जाहीर केलं.

Debina Bonnerjee: मग गर्भपात करावा का?, प्रसूतीच्या 4 महिन्यांनंतर दुसऱ्यांदा गरोदर राहिलेल्या डेबिनाचं ट्रोलर्सना सडेतोड उत्तर
Debina Bonnerjee: अभिनेत्री डेबिना दुसऱ्यांदा गरोदरImage Credit source: Instagram
Follow us
| Updated on: Aug 19, 2022 | 2:05 PM

अभिनेत्री डेबिना बॅनर्जीने (Debina Bonnerjee) काही दिवसांपूर्वीच दुसऱ्यांदा गरोदर (Pregnancy) असल्याचं जाहीर केलं. मात्र डेबिनाच्या चाहत्यांसाठी ही बातमी थोडी चकित करणारी होती. याचं कारण म्हणजे डेबिनाने चार महिन्यांपूर्वी म्हणजेच एप्रिल 2022 मध्ये पहिल्या मुलीला जन्म दिला. पहिल्या मुलीच्या प्रसूतीनंतर चार महिन्यांनी तिने दुसऱ्यांदा गरोदर असल्याचं जाहीर केलं. सोशल मीडियावर यावरून विविध प्रतिक्रिया येत असतानाच अनेकांनी डेबिनाला ट्रोलदेखील केलं. काहींनी गुरमीत-डेबिनाला (Gurmeet Choudhary) शुभेच्छा दिल्या. तर काहींनी या दोघांच्या दुसऱ्या अपत्याच्या प्लॅनिंगवरही प्रश्नचिन्ह उपस्थित केले. आता डेबिनाने तिला ट्रोल करणाऱ्यांना चोख प्रत्युत्तर दिलं आहे.

डेबिनाने नुकताच इन्स्टाग्रामवर ‘आस्क मी एनिथिंग’ या सेशनद्वारे चाहत्यांशी संवाद साधला. यामध्ये अनेक युजर्सनी तिला तिच्या दुसऱ्या गर्भधारणेबद्दल प्रश्न विचारलं होतं. एका युजरने डेबिनाला विचारलं की, दुसऱ्यांदा गर्भधारणेपूर्वी तुम्ही लियानाला थोडा वेळ दिला पाहिजे असं तुम्हाला वाटत नाही का? यावर डेबिना म्हणाली, “मी पण तुम्हाला एक प्रश्न विचारते. जेव्हा काहींना जुळी मुलं होतात, तेव्हा ते काय करतात?”

हे सुद्धा वाचा

त्याचवेळी दुसरा युजर म्हणाला की, “मॅडम, तुम्हाला पहिल्या प्रेग्नंसीमध्ये खूप त्रास झाला होता. दुसऱ्या गर्भधारणेसाठी एक वर्ष वाट पाहावी असं तुम्हाला वाटलं नाही का? त्या युजरला उत्तर देताना डेबिना म्हणाली, “अशा परिस्थितीला मी चमत्कार म्हणते. तुमचं काय म्हणणं आहे यावर? गर्भपात?”

इन्स्टाग्रामवर डेबिनाने गुरमीत, लियानासोबत हातात सोनाग्राफीचा फोटो दाखवत चाहत्यांना दुसऱ्यांदा गरोदर असल्याची गुड न्यूज दिली होती. ‘काही निर्णयांची वेळ ही ठरलेली असते आणि त्याला कोणीच बदलू शकत नाही. हासुद्धा असाच एक आशीर्वाद आहे. आमच्या कुटुंबात आणखी एका चिमुकल्या पाहुण्याचं आगमन होणार आहे’, अशी पोस्ट तिने लिहिली होती. डेबिना बॅनर्जी आणि गुरमीत चौधरी हे टीव्हीवरील सर्वांत लोकप्रिय जोडप्यांपैकी एक आहेत. या दोघांची केमिस्ट्री नेहमीच चाहत्यांचं लक्ष वेधून घेते. गुरमीत आणि डेबिनाने ‘रामायण’ या मालिकेत एकत्र काम करून लोकप्रियता मिळवली. 2008 मध्ये प्रसारित झालेल्या या मालिकेने दोघांनाही प्रेक्षकांची पसंती मिळवून दिली. याच मालिकेत काम करताना दोघं एकमेकांच्या प्रेमात पडले. 2011 मध्ये त्यांनी लग्नगाठ बांधली.

Non Stop LIVE Update
तर भाजपात पहिली उडी मारणारे सुनील तटकरे असतील रोहित पवार यांची टीका
तर भाजपात पहिली उडी मारणारे सुनील तटकरे असतील रोहित पवार यांची टीका.
शिवसेनेची पहिली यादी जाहीर, सात विद्यमान खासदारांना पुन्हा संधी
शिवसेनेची पहिली यादी जाहीर, सात विद्यमान खासदारांना पुन्हा संधी.
एका जागेसाठी कॉंग्रेसला देशाचे पंतप्रधान पद घालवायचं का ? - संजय राऊत
एका जागेसाठी कॉंग्रेसला देशाचे पंतप्रधान पद घालवायचं का ? - संजय राऊत.
आनंद दिघेंचा शिष्य यंदा मारणार हॅट्रीक, केदार दिघे यांचा विश्वास
आनंद दिघेंचा शिष्य यंदा मारणार हॅट्रीक, केदार दिघे यांचा विश्वास.
ओवेसी आणि इम्तियाझ यांनी चष्म्याचे नंबर बदलावे -केंद्रीय मंत्री भागवत
ओवेसी आणि इम्तियाझ यांनी चष्म्याचे नंबर बदलावे -केंद्रीय मंत्री भागवत.
लवकरच बरा होऊन... दिलीप वळसे पाटील यांचं दुखापतीनंतर पहिलं टि्वट काय?
लवकरच बरा होऊन... दिलीप वळसे पाटील यांचं दुखापतीनंतर पहिलं टि्वट काय?.
शिवसेनेत पक्ष प्रवेश करताच गोविंदाला हवी 'ही' जबाबदारी, शिंदे देणार?
शिवसेनेत पक्ष प्रवेश करताच गोविंदाला हवी 'ही' जबाबदारी, शिंदे देणार?.
जलील बोलका पोपट आणि चंद्रकांत खैरे नाकारलेला उमेदवार, कुणी केली टीका?
जलील बोलका पोपट आणि चंद्रकांत खैरे नाकारलेला उमेदवार, कुणी केली टीका?.
गोविंदाचा शिंदेंच्या शिवसेनेत प्रवेश, मुख्यमंत्र्यांच्या उपस्थित घोषणा
गोविंदाचा शिंदेंच्या शिवसेनेत प्रवेश, मुख्यमंत्र्यांच्या उपस्थित घोषणा.
बॉलिवूड कलाकार राजकारणात, सेनेकडून हे स्टार प्रचारक लोकसभेच्या रिंगणात
बॉलिवूड कलाकार राजकारणात, सेनेकडून हे स्टार प्रचारक लोकसभेच्या रिंगणात.