Devmanus | देवीसिंग चंदाचाही खून करणार?, शेवटच्या टप्प्यावर आलेल्या मालिकेत येणार मोठा ट्वीस्ट!
छोट्या पडद्यावरची लोकप्रिय मालिका ‘देवमाणूस’ (Devmanus) आता शेवटच्या प्रवासाकडे सुरु झाली आहे. मालिकेत आता आणखी काही नवे खुलासे होणार आहेत. या सगळ्यादरम्यान प्रेक्षकांचे भरपूर मनोरंजन होणार आहे.
मुंबई : छोट्या पडद्यावरची लोकप्रिय मालिका ‘देवमाणूस’ (Devmanus) आता शेवटच्या प्रवासाकडे सुरु झाली आहे. मालिकेत आता आणखी काही नवे खुलासे होणार आहेत. या सगळ्यादरम्यान प्रेक्षकांचे भरपूर मनोरंजन होणार आहे. मालिकेत मोठ्या ट्वीस्टसह डॉ. अजित कुमार देव उर्फ देवी सिंग आता पोलिसांच्या तावडीत सापडणार असून, त्याला कडक शिक्षा देखील होणार आहे. मात्र, या आधी मालिकेत एक मोठा ट्वीस्ट येणार आहे.
मालिकेत देवीसिंगला आपल्या तालावर नाचवणाऱ्या चंदाचा आता खून होणार आहे. चंदाने वाड्यात आल्यापासून देवीसिंग उर्फ डॉ. अजित कुमार देव याला त्रास देण्यास सुरुवात केली आहे. त्यामुळे डॉक्टरसोबतच डिंपल देखील वैतागली आहे. अशातच आता डिंपल आणि डॉक्टरच्या हातून चंदाचा खून झाल्याचे दाखवण्यात येणार असल्याचे कळते आहे. मात्र, आता मालिकेत पुढे नेमके काय घडते याकडे सर्वांचेच लक्ष लागून राहिले आहे.
नवा प्रोमो चर्चेत!
मालिकेचा नवा प्रोमो आता सोशल मीडियावर पोस्ट करण्यात आला असून, तो खूप चर्चेत आला आहे. या प्रोमोमध्ये देवीसिंग आपले सगळे गुन्हे कबुल करताना दिसला आहे. त्यामुळे आता त्याने स्वतःहून गुन्हे मान्य केल्याने त्याला फाशीच्या सुळाकडे नेले जात आहे. अर्थात या बोगस डॉक्टरला आता फासावर चढवले जाणार आहे.
पाहा प्रोमो
View this post on Instagram
‘देवमाणूस’ मालिकेत काय चाललंय ?
सध्या मालिकेत डॉ. अजितकुमार देव उर्फ देवीसिंह याची अकरा खुनांच्या आरोपातून निर्दोष मुक्तता झाल्याचं दाखवलं आहे. अजितकुमार घरी परतल्यावर डिम्पीसोबत त्याचं लग्न उरकण्याची घाई घरची मंडळी करत आहेत. मात्र मालिका निरोप घेत असल्याने आता कथेने वेग धरला आहे. देवीसिंह या हत्या प्रकरणांमध्ये पुन्हा कसा अडकणार, याचं कथानक आता दाखवलं जाणार आहे. सध्या ‘देवमाणूस’ ही मालिका रात्री साडेदहाच्या स्लॉटमध्ये टीआरपीत अव्वल ठरत आहे.
‘ती परत आलीये’ घेणार ‘देवमाणूस’ची जागा!
झी मराठीवरील ‘देवमाणूस’ (Devmanus) या मालिकेने आपल्या वेगळ्या कथानकामुळे लोकप्रियतेचं शिखर गाठलं. मालिकेच्या कथानकाने प्रेक्षकांना खिळवून ठेवलं आणि प्रेक्षकांनी या मालिकेला पसंती दर्शवली. पण आता ही मालिका लवकरच प्रेक्षकांचा निरोप घेणार आहे आणि त्याजागी एक नवीन गूढ रहस्यमय मालिका 16 ऑगस्ट पासून रात्री 10.30 वाजता प्रेक्षकांच्या भेटीस येणार आहे. ‘ती परत आलीये’ (Tee Parat Aaliye) असं या मालिकेचं नाव असणार आहे.
हेही वाचा :
‘आम्ही सगळे आता डोंबिवलीचा पासचं काढणार आहोत’, अरुंधतीची मुलं पोहोचली तिच्या भेटीला…
