Uorfi Javed | या शोमध्ये सहभागी होत उर्फी जावेद करणार मोठा धमाका, चाहत्यांमध्ये उत्साह
सऱ्याच दिवशी उर्फी जावेद ही भगव्या रंगाच्या बिकिनीमध्ये दिसली होती. या दरम्यान राज्यातील राजकारण चांगलेच तापले होते. चित्रा वाघ यांना सडेतोड उत्तर देताना देखील उर्फी जावेद दिसली होती.
मुंबई : उर्फी जावेद हे गेल्या काही दिवसांपासून सतत चर्चेत राहणारे नाव आहे. उर्फी जावेद (Uorfi Javed) ही तिच्या अतरंगी स्टाईलसाठी ओळखली जाते. उर्फी कायमच तिच्या कपड्यांमुळे वादाच्या भोवऱ्यामध्येही अडकते. नुकताच उर्फी जावेद हिने तिच्या इंस्टाग्राम स्टोरीवर हिरव्या रंगाच्या आउटफिटमधील फोटो शेअर केले होते. उर्फी जावेद हिचा हा लूक तिच्या चाहत्यांना प्रचंड आवडला देखील. उर्फी जावेद हिला खरी ओळख बिग बाॅस (Bigg Boss) ओटीटीमधून मिळालीये. उर्फी जावेद हिने आतापर्यंत अनेक हिट मालकांमध्येही महत्वाच्या भूमिका केल्या आहेत. उर्फी जावेद ही कायमच अतरंगी कपड्यांमध्ये स्पाॅट होते. अनेकदा उर्फी जावेद हिच्या कपड्यांवरून तिला टार्गेटही केले जाते. उर्फी जावेद हिच्या विरोधात चित्रा वाघ यांनी थेट पोलिस ठाण्यात तक्रार दाखल केली होती. यानंतर दुसऱ्याच दिवशी उर्फी जावेद ही भगव्या रंगाच्या बिकिनीमध्ये दिसली होती. या दरम्यान राज्यातील राजकारण चांगलेच तापले होते. चित्रा वाघ यांना सडेतोड उत्तर देताना देखील उर्फी जावेद दिसली होती.
नुकताच एक आनंदाची बातमी पुढे येतंय. एक चर्चा सुरू आहे की, उर्फी जावेद ही रोहित शेट्टी याचा शो खतरो के खिलाडीमध्ये दिसणार आहे. विशेष म्हणजे शोच्या टिमने उर्फी जावेद हिच्यासोबत संपर्क केला होता. त्यानंतर ती खतरो के खिलाडी शोच्या आॅफिस बाहेर स्पाॅट झाली.
यापूर्वी उर्फी जावेद ही स्प्लिट्सविलाX4 शोमध्ये दिसली होती. बिग बाॅस ओटीटीमध्येही उर्फी जावेद हिने धमाका केला होता. रिपोर्टमध्ये असा दावा करण्यात आलाय की, उर्फी जावेद ही खतरो के खिलाडीमध्ये सहभागी होणार आहे. मात्र, यावर अजून उर्फी जावेद हिने काहीच भाष्य केले नाहीये.
खतरो के खिलाडीमध्ये बिग बाॅस 16 मधील स्पर्धेक शिव ठाकरे हा देखील सहभागी होणार असल्याची चर्चा आहे. शिव ठाकरे याला खतरो के खिलाडी शोची आॅफर आल्याचे सांगितले जात आहे. फक्त शिव ठाकरे हाच नाही तर अर्चना गाैतम देखील या शोमध्ये दिसू शकते.
उर्फी जावेद ही सोशल मीडियावर प्रचंड सक्रिय असून ती कायमच आपल्या चाहत्यांसाठी बोल्ड फोटो शेअर करताना दिसते. अनेकदा उर्फीला तिच्या कपड्यांमुळे जीवे मारण्याच्या थेट धमक्या देखील मिळाल्या आहेत. मात्र, याकडे दुर्लक्ष करत उर्फी जावेद हटके कपडे घालते.