रॉकी और रानी की प्रेम कहानी चित्रपटाला मोठा झटका, चित्रपटाच्या कलेक्शनवर परिणाम होण्याची दाट शक्यता

मुंबई : 28 जुलै म्हणजेच आज रॉकी और रानी की प्रेम कहानी (Rocky Aur Rani Kii Prem Kahaani) हा चित्रपट रिलीज झालाय. या चित्रपटामध्ये आलिया भट्ट आणि रणवीर सिंह हे मुख्य भूमिकेत आहेत. विशेष म्हणजे परत एकदा धमाका करताना आलिया भट्ट आणि रणवीर सिंह यांची जोडी दिसणार आहे. रॉकी और रानी की प्रेम कहानी हा बहुचर्चित आणि बहुप्रतिक्षित चित्रपट आहे. करण जोहर (Karan Johar) याला या चित्रपटाकडून मोठ्या अपेक्षा या नक्कीच आहेत. रॉकी और रानी की प्रेम कहानी या चित्रपटातील एक गाणे काही दिवसांपूर्वीच कश्मीर येथे सूट करण्यात आले. विशेष म्हणजे राहा हिच्या जन्मानंतर पहिल्यांदाच या गाण्याचे शूटिंग करताना आलिया भट्ट ही दिसली होती. याचा एक व्हिडीओ (Video) देखील व्हायरल झाला होता.

रॉकी और रानी की प्रेम कहानी चित्रपट बाॅक्स आॅफिसवर धमाका करेल असे सांगितले जात आहे. विशेष म्हणजे चित्रपटाला प्रेक्षकांचा सकारात्मक प्रतिसाद हा मिळताना दिसत आहे. आलिया भट्ट आणि रणवीर सिंह हे या चित्रपटाचे जोरदार प्रमोशन करताना दिसले. चित्रपटाची ओपनिंग जबरदस्त ठरणार असल्याची जोरदार चर्चा ही सतत रंगत आहे.

रॉकी और रानी की प्रेम कहानी चित्रपटाच्या टिमला झटका देणारी एक बातमी पुढे आलीये. रिपोर्टनुसार रॉकी और रानी की प्रेम कहानी हा चित्रपट आॅनलाईन लिक झाला आहे. हा एकप्रकारे चित्रपट निर्मात्यांना मोठा झटकाच असणार आहे. यामुळे रॉकी और रानी की प्रेम कहानी या चित्रपटाच्या बाॅक्स आॅफिसवर मोठा परिणाम होणार असल्याचे सांगितले जात आहे.

रॉकी और रानी की प्रेम कहानी या चित्रपटामध्ये फक्त आलिया भट्ट आणि रणवीर सिंह हेच नाही तर शबाना आजमी, जया बच्चन आणि धर्मेंद्र हे कलाकार देखील धमाका करताना दिसणार आहेत. चित्रपटातील गाण्यांना प्रेक्षकांनी मोठे प्रेम हे दिले आहे. आता चित्रपटाकडून देखील मोठ्या अपेक्षा या नक्कीच आहेत.

गेल्या काही दिवसांपासून बाॅलिवूड अभिनेता रणवीर सिंह याचे चित्रपट सतत बाॅक्स आॅफिसवर फ्लाॅप जाताना दिसत आहेत. काही दिवसांपूर्वीच रणवीर सिंह याचा सर्कस हा चित्रपट रिलीज झाला होता. या चित्रपटाचे जोरदार प्रमोशन करताना रोहित शेट्टी आणि चित्रपटाची टिम दिसली होती. मात्र, हा चित्रपट फ्लाॅप गेला. यानंतर रोहित शेट्टी याने मोठा खुलासा हा केला होता.