Urfi Javed: उर्फी जावेदची नवी उचापत; ‘या’ कृतीमुळे निर्माण होऊ शकतो मोठा वाद
'जाणूनबुजून व्हिडीओ शूट'; उर्फीच्या नव्या व्हिडीओवर नेटकऱ्यांकडून कमेंट्सचा वर्षाव
मुंबई: अभिनेत्री उर्फी जावेद पुन्हा एकदा तिच्या कपड्यांमुळे चर्चेत आली आहे. एकीकडे ‘पठाण’ या चित्रपटातील ‘बेशर्म रंग’ गाण्यात दीपिका पदुकोणने भगव्या रंगाची बिकिनी परिधान केल्यामुळे मोठा वाद झाला. त्यानंतर आता उर्फीने भगव्या रंगाच्या बोल्ड ड्रेसमध्ये व्हिडीओ शूट केला आहे. या व्हिडीओमध्ये उर्फी ‘बेशर्म रंग’ या गाण्यावर कॅट वॉक करताना दिसतेय. त्यामुळे या व्हिडीओवरून पुन्हा एकदा नवा वाद निर्माण होऊ शकतो.
भगव्या बिकिनीचा वाद ताजा असतानाच उर्फीने भगव्या रंगाचा बोल्ड ड्रेस परिधान करत व्हिडीओ शूट केल्याने नेटकऱ्यांनी त्यावर कमेंट्सचा वर्षाव केला आहे. ‘हीने फक्त कॉन्ट्रोव्हर्सी करण्यासाठी भगव्या रंगाचे कपडे घातले आहेत’, असं एकाने लिहिलं आहे. तर ‘उर्फीला सतत लाइमलाइटमध्ये राहायचं असतं, म्हणून ती असं करते’ असं दुसऱ्या युजरने म्हटलंय. ‘थोडी तरी लाज बाळग’ अशा शब्दांत नेटकऱ्यांनी तिला सुनावलं आहे.
View this post on Instagram
भगव्या बिकिनीचा वाद
12 डिसेंबर रोजी पठाण या चित्रपटातील ‘बेशर्म रंग’ हे पहिलं गाणं प्रदर्शित झालं होतं. या गाण्यातील एका दृश्यात दीपिका भगव्या रंगाच्या बिकिनीमध्ये दिसली. यावरूनच मोठा वाद सुरू झाला. दीपिकाने भगव्या रंगाची बिकिनी परिधान करून, बोल्ड दृश्ये देत सनातन धर्माचा अपमान केला, असा आरोप काही हिंदू संघटनांनी केला.
हे गाणं प्रदर्शित झाल्यापासून पठाण या चित्रपटाचा विरोध सर्वत्र होत आहे. या विरोधाच्या पार्श्वभूमीवर सेन्सॉर बोर्डानेही चित्रपटात काही बदल सुचवले आहेत. यात ‘बेशर्म रंग’ या गाण्याचाही समावेश आहे.
