Alia Bhatt: रणबीर कपूरपासून आलिया लग्नाआधी होती प्रेग्नंट? बोलता-बोलता अभिनेत्रीने केले बरेच खुलासे
रणबीरशी एप्रिलमध्ये लग्न करण्याआधी आलिया होती गरोदर? मुलाखतीत अप्रत्यक्षपणे केला 'हा' खुलासा
मुंबई: अभिनेत्री आलिया भट्टसाठी 2022 हे वर्ष खूपच खास होतं. एप्रिल महिन्यात तिने रणबीर कपूरशी लग्न केलं. त्यानंतर दोन महिन्यांत तिने प्रेग्नेंसी जाहीर करत सर्वांना गुड न्यूज दिली. नोव्हेंबर महिन्यात आलियाने मुलीला जन्म दिला. एकानंतर एक घडलेल्या या घडामोडींमुळे आलिया गेल्या वर्षभरात चाहत्यांशी नीट संवाद साधू शकली नव्हती. मात्र आता नवीन वर्षात तिने नुकतीच एक मुलाखत दिली. या मुलाखतीत तिने तिच्या प्रेग्नेंसीबाबतच्या बऱ्याच प्रश्नांची उत्तरं मोकळेपणे दिली आहेत.
आलियाने जेव्हा प्रेग्नेंसी जाहीर केली, तेव्हा अनेकांनी असा अंदाज वर्तवला होता की प्रेग्नेंसीमुळे तिने लग्न केलं. रणबीरशी लग्न करण्यापूर्वीच ती गरोदर होती, अशी चर्चा होती. यावर आलियाने थेट उत्तर तर नाही दिलं. मात्र तिने बोलता-बोलता बरेच खुलासे केले.
या मुलाखतीत आलियाला प्रेग्नेंसीदरम्यान कामकाजाचं वेळापत्रक कसं सांभाळलं, असा प्रश्न विचारण्यात आला होता. त्यावेळी तिने दिलेल्या उत्तरावरून नेटकऱ्यांना समजलं की ती लग्नाआधीच प्रेग्नंट होती.
आलियाने सांगितलं की तिने तिच्या करिअरमधील पहिला हॉलिवूड चित्रपट ‘हार्ट ऑफ स्टोन’ हा गेल्या वर्षी जानेवारी महिन्यात साईन केला होता. तिला या चित्रपटाच्या शूटिंगचं शेड्युल अशा पद्धतीने पूर्ण करायचं होतं, जेणेकडून प्रेग्नेंसीमुळे तिला प्रोजेक्टमधून माघार घ्यावी लागणार नाही.
‘हार्ट ऑफ स्टोन’ या चित्रपटाच्या टीमने आलियाची काळजी घेणार असल्याचं आश्वासन दिलं होतं. चित्रपटाच्या सेटवर आलियाची पूर्ण काळजी घेण्यात आली होती. तिच्या याच वक्तव्यावरून चाहत्यांनी अंदाज लावला की ती लग्न करण्याआधीच गरोदर होती.
आलियाने 6 नोव्हेंबर रोजी मुलीला जन्म दिला. या मुलीचं नाव ‘राहा’ असं ठेवण्यात आलं. गरोदर असताना आलियाने हॉलिवूड चित्रपटाचं शूटिंग पूर्ण करण्यासोबतच ‘ब्रह्मास्त्र’चं प्रमोशनही केलं होतं.
