नाना पाटेकर अशा अवस्थेत पोहोचले होते प्रसिद्ध अभिनेत्याच्या घरी, ‘ती’ घटना अनेक वर्षांनी समोर

झगमगत्या विश्वातील प्रसिद्ध, लोकप्रिय आणि दिग्गज अभिनेत्यांच्या यादीत नाना पाटेकर यांचं नाव अव्वल स्थानी आहे. नाना पाटेकर यांचं अभिनय, त्यांचा डायलॉग बोलण्याचा अंदाज, विनोदबुद्धी… इत्यादी गोष्टी चाहत्यांना प्रचंड आवडतात. नाना पाटेकर यांनी अनेक सिनेमांमध्ये महत्त्वाची भूमिका साकारत चाहत्यांचं मनोरंजन केलं. आज नाना यांना कोणत्याच ओळखीची गरज नाही. त्यांच्या चाहत्यांची संख्या देखील फार मोठी आहे. चाहते देखील नाना पाटेकर यांच्या खासगी आणि प्रोफेशनल आयुष्याबद्दल जाणून घेण्यासाठी उत्सुक असतात.

नुकताच झालेल्या एका मुलाखतीत नाना पाटेकर यांनी एक जुना किस्सा सांगितला आहे. एकदा नाना पाटेकर पूर्ण भिजलेल्या अवस्थेत दिवंगत अभिनेते दिलीप कुमार यांच्या घरी पोहोचले होते. दिलीप कुमार यांच्या घरी पोहोचल्यानंतर जे काही झालं ते नाना पाटेकर यांनी अनेक वर्षांनंतर सांगितलं.

नाना पाटेकर म्हणाले, ‘मुसळधार पाऊस पडत होता. भिजलेल्या अवस्थेत दिलीप कुमार यांच्या घरी पोहोचलो. घरी पोहोचल्यानंतर त्यांनी मला टॉवेल दिला. स्वतःचा कुर्ता मला घालायला दिला. त्यांनी स्वतः माझे ओले झालेले केस पुसले आणि कपडे बदलायला सांगितले…’

पुढे नाना पाटेकर सत्यजीत रे यांच्या एका डायरीचा उल्लेख करत म्हणाले, सत्यजीत रे यांची एक डायरी होती. त्या डायरीमध्ये  दिलीप कुमार यांचं एक पान होतं. त्या डायरीमध्ये दिलीप कुमार यांनी नाना पाटेकर यांच्यासोबत काम करण्याची इच्छा व्यक्त केली होती.

यावर नाना म्हणाले, ‘तुम्हाला दुसरा कोणता पुरस्कार हवा आहे…? माझ्याकडे काम करण्याची लायकी नाही, पण त्यांना माझ्यासोबत काम करावसं वाटलं. यापेक्षा अधिक अजून काय हवं आहे. मी खूप भाग्यशाली आहे…’ असं देखील नाना पाटेकर म्हणाले.

सांगायचं झालं तर, एक काळ असा होता जेव्हा बॉलिवूड आणि चाहत्यांच्या मनावर नाना पाटेकर यांचं राज्य होतं. ‘क्रांतीवीर’, ‘नटसम्राट’, ‘परिंदा’, ‘वजूद’, ‘टॅक्सी नं. 9 2 11’, ‘वेलकम’ यांसारख्या अनेक सिनेमांमध्ये दिग्गज अभिनेते नाना पाटेकर यांनी महत्त्वाची भूमिका साकारत चाहत्यांचं मनोरंजन केलं. आजही चाहते नाना पाटेकर यांच्या आगामी सिनेमांच्या प्रतीक्षेत असतात. सध्या सर्वत्र नाना पाटेकर यांची चर्चा रंगली आहे.