Diabetes Dangerous for Brain Health: मेंदूच्या आरोग्यासाठी अतिशय धोकादायक ठरतो मधुमेह, स्मृतीभ्रंशाचाही धोका

नवी दिल्ली – मधुमेह (diabetes) हा अतिशय घातक आजार असून तो एकदा झाला की आयुष्यभर राहतो. मात्र काही नियमांचे पालन केल्यास तो नियंत्रणात ठेवता येऊ शकतो. यापूर्वी काही वर्ष हा वृद्धांचा आजार समजला जात होता पण वेगाने बदलणारी जीवनशैली आणि खाण्यापिण्याच्या अयोग्य सवयी यामुळे या आजाराचा (disease) वेगाने प्रसार झाला आहे. आता कमी वयातील नागरिकही या आजाराला बळी पडताना दिसतात. मधुमेहाचा केवळ आपल्या शरीरावरच नव्हे तर मेंदूवरही (dangerous for brain) प्रभाव पडतो.

मधुमेहावरील संशोधनातून असे दिसून आले आहे की मधुमेहाचा शरीराच्या इतर भागांवर परिणाम होत असला तरी त्यामुळे मेंदूच्या काही आजारांनाही चालना मिळते. मधुमेहामुळे स्मरणशक्ती कमी होण्याचा धोकाही वाढतो. जर तुम्ही खूप साध्या-साध्या गोष्टी वारंवार विसरत असाल तर तुम्ही मधुमेहाला बळी पडू शकता. चे मधुमेहामुळे मेंदूचे कसे नुकसान होते ते जाणून घेऊया.

स्मृतिभ्रंश : शास्त्रज्ञ आणि आरोग्य तज्ञांच्या मते, मधुमेहाचा स्मरणशक्तीवर मोठा परिणाम होतो. टाईप-2 मधुमेहाने ग्रस्त लोकांमध्ये 5 वर्षांच्या आत स्मरणशक्ती कमी होण्याची लक्षणे दिसू लागतात आणि काही प्रकरणांमध्ये त्यांना बोलण्यातही अडचण येते. ज्यांचे वय जास्त आहे अशा लोकांवर त्याचा प्रभाव जास्त पडतो.

ब्रेन फॉगची समस्या : मधुमेहामुळे ब्रेन फॉगची समस्याही वाढू लागते. ब्रेन फॉग ही अशी मानसिक स्थिती आहे ज्यामध्ये आपले मन नीट एकाग्र होऊ शकत नाही. आणि मूड लवकर बदलतो. तसेच गोष्टी लक्षात ठेवण्यातही अडचण येते.

ब्रेन स्ट्रोकचा धोका : मधुमेहाचा आपल्या संपूर्ण शरीरावर परिणाम होतो. मधुमेहामुळे ब्रेन स्ट्रोकचा धोकाही वाढतो. मेंदूला रक्तपु, हे स्ट्रोकसाठी कारणीभूत ठरते.

अल्झायमरचा धोका : काही संशोधनांमधून हे समोर आले आहे की मधुमेहामुळे अल्झायमरचा धोकाही वाढतो. मधुमेह जितका अल्झायमर होण्याची शक्यता तितकी जास्त असते.