वेलची घरीच उगवा, पदार्थांची चव वाढवा, ‘या’ 5 ट्रिक्स नक्की जाणून घ्या

How to grow green cardamom plant: अनेकांना बागकामाची आवड असते. यात औषधी वनस्पती लावली जातात. आज आम्ही तुम्हाला घरात वेलचे रोप कसे लावायचे, याची माहिती देणार आहोत. या माहितीने तुमच्या घराच्या बागेत आणखी एका औषधी वनस्पतीची भर पडेल. लहान वेलचीचा वापर विविध प्रकारचे गोड पदार्थ बनवण्यासाठी केला जातो. त्यामुळे चव तर वाढतेच, शिवाय कोणत्याही डिशमधली स्वादासह सुगंधही वाढतो. मात्र, वेलची खूप महाग आहे. पण, तुम्हाला हवं असेल तर तुम्ही तुमच्या घराच्या बागेत वेलचीचं रोप लावू शकता. वेलचीचे रोप लावण्यासाठी तुम्ही खालील सोप्या स्टेप्स फॉलो करा.

वेलची ही एक निरोगी औषधी वनस्पती किंवा मसाला आहे. तुम्हाला बाजारात वेलची दोन प्रकारच्या मिळू शकतात, या दोन्हीही खूप महाग आहेत. आपण लहान वेलची वापरतो. कधी खीर, हलवा अशा गोड पदार्थात तर कधी मांसाहारीमध्ये बिर्याणी, पुलाव, काही भाज्यांमध्येही वेलचीचा वापर केला जातो.

तसं पाहिलं तर छोटी वेलची विकत घेणं तुम्हाला खूप महागात पडतं, मग आपल्या घरात लहान वेलचीचं रोप का वाढवू नये. लहान वेलचीचे रोप लावण्यासाठी काय करावे लागते हे जाणून घ्यायचे असेल, तर येथे जाणून घ्या.

लहान वेल कशी लावावी?

तुम्हाला बागकामाची आवड असेल आणि वेलचीचा भरपूर वापर करत असाल तर तुम्ही कमी पैसे खर्च करून आपल्या घराच्या बाल्कनी, अंगण, टेरेसवरील भांड्यात वेलचीचे छोटेसे रोप वाढवू शकता. त्यासाठी मध्यम किंवा मोठ्या आकाराचे मातीचे भांडे, बियाणे, चांगल्या प्रतीची माती, खते, पाणी लागते.

नारळाचा भुसा वापरा

भांड्यात कोको पीट खत म्हणजेच नारळाचा भुसा घाला. त्याचे प्रमाण 50 टक्के असावे व त्यात तेवढ्याच प्रमाणात गांडूळखत माती टाकून दोन्ही चांगले मिसळावे. नारळाचा भुसा वनस्पतींचा योग्य विकास होण्यास मदत करतो. कंपोस्ट माती घातल्याने वनस्पतींना पोषण मिळते, कीटक मिळत नाहीत आणि त्यांची वाढही वेगाने होते.

वारंवार पाणी देऊ नका

आता या मातीत वेलचीचे दाणे टाकून माती नीट दाबून घ्यावी. आपण कोणत्याही वनस्पती रोपवाटिकेतून बियाणे खरेदी करू शकता. आता मातीत थोडे पाणी घालावे. जमीन ओली असेल तर पाणी देणे टाळावे अन्यथा मुळ सडण्याची शक्यता असते.

रोप सूर्यप्रकाशात ठेवा

थोड्याच दिवसात त्यातून रोप बाहेर पडू लागेल. भांडे योग्य सूर्यप्रकाशात ठेवा. दोन ते तीन वर्षांत वेलचीच्या रोपात वेलचीचे फळ किंवा कॅप्सूल दिसेल. जेव्हा या कच्च्या कॅप्सूल चांगल्या प्रकारे वाढतात तेव्हा ते तुटू शकतात. वेलचीच्या झाडाला फळे कधी येऊ लागतील, फळे द्यायला किती वेळ लागेल, या वनस्पतीची काळजी कशी घ्यायची, हे तज्ज्ञांकडून जाणून घ्या.

माती ओली असल्यास पाणी घालू नये. कडक आणि कोरडे दिसले तरच पाणी घालावे. जास्त पाणी घातल्यास त्याच्या मुळाचे नुकसान होऊ शकते. हिवाळ्यात दररोज पाणी देणे टाळावे. थंडीत वेलचीचे रोप लावत असाल तर सूर्यप्रकाश क्वचितच दिसेल.

या वनस्पतीला वाढण्यासाठी पुरेशा सूर्यप्रकाशाची आवश्यकता असते. अशा वेळी जिथे थेट सूर्यप्रकाश पडतो तिथे ठेवा. वेलचीची वनस्पती निरोगी राहते आणि उष्ण तापमानात योग्य प्रकारे वाढते. मात्र वेलचीची रोपे लावण्यासाठी उन्हाळा हा उत्तम हंगाम असतो.