तुम्ही जर दूध पीत नसाल तर कॅल्शियमची कमतरता भरून काढण्यासाठी ‘या’ 5 पेयांचे करा सेवन

आजकाल प्रत्येकालाच माहित आहे की दुध हे एक कॅल्शियमचा उत्तम स्त्रोत आहे. दुध प्यायल्याने हाडं तर मजबूत होतातच, पण स्नायूही मजबूत होतात. पण आपल्याकडे असे बरेचजण आहेत ज्यांना दुधाची चव आवडत नाही किंवा त्यात असलेले लैक्टोज इंटॉलिरेंट यामुळे दुध पिऊ शकत नाहीत. अशा लोकांना कॅल्शियमची कमतरता अधिक भासू शकते. कारण दूध कॅल्शियमच्या सर्वोत्तम स्रोतांपैकी एक आहे. कॅल्शियम हे एक अत्यंत महत्त्वाचे खनिज आहे, जे हाडे आणि दात मजबूत करण्यासाठी आवश्यक आहे.

अशातच कॅल्शियमच्या कमतरतेमुळे हाडांचे दुखणे किंवा ऑस्टियोपोरोसिस होण्याचा धोका निर्माण होतो. तुम्ही जर दूध पीत नसाल तर आम्ही तुम्हाला असे काही पेये सांगणार आहोत जे शरीरातील कॅल्शियमची कमतरता पूर्ण भरून काढण्यास मदत करू शकतात. चला तर मग आजच्या या लेखात अशाच पेयांबद्दल जाणून घेऊयात…

सोया दूध

सोया दूध हे दुधाला एक उत्तम पर्याय आहे, खास करून अशा लोकांना ज्यांना लैक्टोज इंटॉलिरेंट आहे. सोया दूधमध्ये नैसर्गिकरित्या कॅल्शियम असते आणि बहुतेकवेळा कॅल्शियम फोर्टिफाइड देखील असते. एक कप सोया दूधमध्ये सुमारे 300 मिलीग्राम कॅल्शियम असते, जे दुधासारखेच असते. याशिवाय हे दुध प्रथिने समृद्ध असते आणि हृदयाच्या आरोग्यासाठी फायदेशीर असते.

बदामाचे दूध

बदामाचे दूध हा आणखी एक पौष्टिक पर्याय आहे, जो कॅल्शियमने समृद्ध आहे. नैसर्गिक बदामाच्या दुधात कॅल्शियमचे प्रमाण कमी असले तरी, बाजारात उपलब्ध असलेल्या फोर्टिफाइड बदामाच्या दुधात प्रत्येक कपमध्ये 450 मिलीग्राम पर्यंत कॅल्शियम असू शकते. याशिवाय ते प्यायल्याने व्हिटॅमिन-ई आणि हेल्दी फॅट मिळतात. याशिवाय त्यात कॅलरीज देखील कमी असतात आणि ते हृदयासाठी खूप फायदेशीर असते.

संत्र्याचे ज्यूस

संत्र्याचे ज्यूस हा व्हिटॅमिन सीचा एक चांगला स्रोत आहे, परंतु कॅल्शियमयुक्त संत्र्याच्या ज्यूसमध्ये प्रति कप 350 मिलीग्राम पर्यंत कॅल्शियम असू शकते. हे तुमच्या दैनंदिन कॅल्शियमची गरज पूर्ण करण्यास मदत करते. याशिवाय संत्र्याचे ज्यूस हे अँटीऑक्सिडंट्सने समृद्ध असून रोगप्रतिकारक शक्ती वाढवते, आणि पचनासाठी देखील फायदेशीर असते.

ताक

ताक किंवा लस्सी हे दह्यापासून बनवलेले पेय आहे, जे पचनासाठी खूप फायदेशीर आहे. त्यात कॅल्शियम तसेच प्रोबायोटिक्स असतात, जे आपल्या पचनसंस्थेसाठी खूप फायदेशीर असतात. एक कप ताकात सुमारे 300 मिलीग्राम कॅल्शियम असते. याशिवाय, ते प्रोबायोटिक्सने समृद्ध असते आणि शरीराला थंडावा देखील देते.

तीळाचे दूध

तीळ हे कॅल्शियमचा एक उत्तम स्रोत आहे. तिळाचे दूध घरी सहज बनवता येते आणि हे पेय कॅल्शियमची कमतरता दूर करण्यास मदत करते. एक कप तीळाच्या दुधात सुमारे 200-300 मिलीग्राम कॅल्शियम असते. याशिवाय, ते मॅग्नेशियम आणि झिंकमध्ये देखील समृद्ध असते.

( डिस्क्लेमर : या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)