लगेच थकवा येत असेल तर, करा ‘या’ गोष्टींचे सेवन

आजकाल खाण्यापिण्याच्या चुकीच्या सवयी आणि बैठ्या जीवनशैलीमुळे लोकांचे शरीर केवळ रोगाचे घर बनले नाही तर त्याचा परिणाम त्यांच्या दैनंदिन जीवनातही दिसून येतो. आजकाल तरुणांचे शरीर हवे तसे सक्रिय राहिलेले नाही. असे बरेच लोक आहेत जे पायऱ्या चढताना धापा टाकू लागतात किंवा कोणतेही काम करताना खूप लवकर थकतात. हे सर्व कमकुवत असण्याची लक्षणे आहेत. जर या सर्व समस्या तुम्हालाही होत असतील तर आजच काही खास गोष्टींचा आहारात समावेश करणे आवश्यक आहे. जाणून घेऊया कोणत्या गोष्टी तुमच्या शरीराला ऊर्जा मान ठेवण्यास मदत करू शकतात.

पीनट बटर

तग धरण्याची क्षमता मजबूत करण्यासाठी पीनट बटर खाणे खूप फायदेशीर ठरू शकते. खरंतर पीनट बटर मध्ये प्रथिने, ओमेगा 3 आणि फॅट्स मुबलक प्रमाणात असतात. याचे नियमित सेवन केल्याने शरीरातील ऊर्जेची पातळी वाढते आणि स्नायू हे मजबूत होतात. त्यामुळेच जिम मध्ये जाणाऱ्यांना पीनट बटर खाण्याचा सल्ला दिला जातो. तुम्ही ते साध्या दुधासोबत, पोळी सोबत किंवा ब्रेडला लावून देखील खाऊ शकतात.

बदाम

शरीराची ताकद वाढवण्यासाठी बदाम फायदेशीर आहे. बदामाचे सेवन केल्याने शरीराची ताकद वाढते. बदामा मध्ये प्रथिने, व्हिटॅमिन ए, ओमेगा 3 ॲसिड आणि फायबर मुबलक प्रमाणात असतात. याशिवाय पोटॅशियम, आणि मॅग्नेशियम सारखे अनेक पोषक घटकही यामध्ये आढळतात. बदामाचे नियमित सेवन केल्याने हाडे मजबूत होतात. रक्तातील साखरेची पातळी नियंत्रणात राहते. रक्तदाब नियंत्रित राहतो आणि शरीरातील कोलेस्ट्रॉलची पातळी ही राखण्यास मदत होते. तुम्ही बदाम भिजवून किंवा भाजून देखील खाऊ शकतात.

केळी

शरीरात ताकद वाढवण्याचे काम केळी करते. यामध्ये नैसर्गिक साखर आणि फायबर मुबलक प्रमाणात असते. याशिवाय केळीमध्ये व्हिटॅमिन ए आणि बी सोबत नियासीन, थायामीन रिबोप्लेविन, फॉलिक ॲसिड, मुबलक प्रमाणात असते. नियमितपणे सकाळी नाश्त्यात केळी खाल्ल्याने शरीराला भरपूर ऊर्जा मिळते ज्यामुळे तुमची ताकदही वाढते.