Side effects of eating fast | समजून घ्या फास्ट जेवण करण्याचे तोटे!

मुंबई: आजच्या व्यस्त जीवनशैलीमुळे आपल्या आयुष्यात अनेक बदल झाले आहेत. खाणे-पिणे, कपडे घालणे, झोपणे, बसणे अशा अनेक सवयींमध्ये बदल झाला आहे. आजच्या काळात वेळ वाचवण्यासाठी प्रत्येक व्यक्ती प्रत्येक काम पटकन करण्याचा विचार करते. अशा धकाधकीच्या जीवनात लोकांना आरामात खाण्यापिण्याकडे लक्ष देता येत नाही. काही लोकांना अतिशय वेगाने अन्न खाण्याची सवय असते. कोणतेही काम पटकन केल्याने आपल्या आरोग्यावर कुठेतरी वाईट परिणाम होतो. जे लोक जास्त प्रमाणात खातात किंवा जास्त पटकन खातात, ते वजन वाढीला बळी पडतात, तसेच अनेक गंभीर आजार आपल्याला बळी पडतात. चला जाणून घेऊया त्याबद्दल…

वेगाने अन्न खाण्याचे तोटे

1. पचनाच्या समस्या

जर तुम्ही वेगाने अन्न खाल्ले तर यामुळे पोटाशी संबंधित सर्व समस्या उद्भवू शकतात. खरं तर फास्ट फूड खाल्ल्याने तुमच्या पचनक्रियेवर ताण पडतो. ज्यामुळे तुमची पचनक्रिया बिघडू शकते आणि सूज येण्याची समस्या उद्भवू शकते. एका रिपोर्टनुसार, जेव्हा तुम्ही पटकन अन्न खाता तेव्हा तुम्ही अन्नासोबत हवा गिळण्यासही सुरुवात करता. ज्यामुळे पोटात इन्फेक्शन होऊ शकते.

2. रक्तातील साखरेची पातळी वाढते

फास्ट खाल्ल्याने तुमच्या रक्तातील साखरेची पातळीही झपाट्याने वाढते. इतकंच नाही तर जेव्हा तुम्ही जास्त कार्बोहायड्रेटयुक्त अन्न खात असाल तेव्हा आरामात खावं. कारण खूप लवकर खाल्ल्याने इन्सुलिनवर परिणाम होतो आणि टाइप 2 मधुमेहाचा धोका देखील वाढतो.

अन्न नेहमी हळू हळू खावे. यामुळे तुमचे हार्मोन्स वाढतात. त्याचबरोबर कॅलरीज बर्न होतात. तसेच पचनक्रिया चांगली होते आणि तुम्ही तणावापासून दूर राहता.