मर्यादेपेक्षा जास्त लसूण खाल्ल्यास होते हे नुकसान!
लसूणमध्ये व्हिटॅमिन बी 1, कॅल्शियम, तांबे, पोटॅशियम, फॉस्फरस आणि लोह यासह अनेक पोषक घटक असतात. इतके फायदे असूनही लसूणचे काही तोटे देखील आहेत, म्हणून ते मर्यादित प्रमाणात खावे.
मुंबई: लसूण हा एक असा मसाला आहे जो भारतीय स्वयंपाकघरात खूप वापरला जातो, पाककृतींमध्ये त्याचा समावेश केल्यास चव प्रचंड चांगली होते. तसेच आपल्या आरोग्यासाठी खूप फायदेशीर असते. लसूणमध्ये व्हिटॅमिन बी 1, कॅल्शियम, तांबे, पोटॅशियम, फॉस्फरस आणि लोह यासह अनेक पोषक घटक असतात. इतके फायदे असूनही लसूणचे काही तोटे देखील आहेत, म्हणून ते मर्यादित प्रमाणात खावे.
लसूण जास्त का खाऊ नये
आहारतज्ञ सांगतात की लसूण हा आयुर्वेदाचा खजिना मानला जात असला तरी जर तुम्ही ते जास्त खाल्ले तर तुम्हाला काही नुकसान सोसावे लागू शकते. चला तर मग जाणून घेऊया लसणाच्या सेवनात काळजी घेणं का गरजेचं आहे.
दुर्गंधी
लसूण गरम असतो, त्यामुळे थंडीशी संबंधित आजारात लोक लसूण खातात. पण काही लोक ते जास्त प्रमाणात खाऊ लागतात, ज्यामुळे तोंडाचा तीव्र वास येतो. याने आजूबाजूच्या लोकांना त्रास होतो, म्हणून मर्यादित प्रमाणात त्याचे सेवन करा.
लो बीपी
ज्यांना कमी रक्तदाब आहे त्यांनी लसूण टाळावे कारण यामुळे लो बीपी म्हणजेच हायपर टेन्शन होऊ शकते, ज्यामुळे शरीरात अशक्तपणा आणि थकवा येतो. त्यामुळे जरा सावध राहा.
छातीत जळजळ
जर तुम्ही ठरलेल्या प्रमाणापेक्षा जास्त लसूण खाल्ले तर हार्ट बर्नची समस्या उद्भवू शकते. खरं तर लसूणमध्ये अम्लीय संयुगे असतात, त्यामुळे जास्त सेवन केल्यास छातीत तीव्र जळजळ होण्याचा धोका असतो. काही वेळा ते असह्य होते, म्हणून सावधगिरी बाळगणे आवश्यक आहे.
(डिस्क्लेमर: येथे दिलेली माहिती घरगुती उपचार आणि सामान्य माहितीवर आधारित आहे. आम्ही याला दुजोरा देत नाही.)
