या गोष्टी दूर ठेवाल तर युरिक ॲसिड राहील नियंत्रणात

नवी दिल्ली – युरिक ॲसिड (Uric Acid) हा आपल्या लिव्हर (यकृत) मध्ये बनणारा एक टाकाऊ (waste) पदार्थांपैकी असते जे लघवीद्वारे शरीराबाहेर टाकले जाते. महिलांमध्ये युरिक ॲसिडचा सामान्य स्तर 3.5 ते 6 mg/dL इतका असतो. तर पुरुषांमध्ये युरिक ॲसिडची नॉर्मल लेव्हल 4 ते 6.5 mg/dL यइतकी मानली जाते. जेव्हा युरिक ॲसिडची पातळी सामान्य स्तरापेक्षा वाढते, तेव्हा ते शरीराच्या वेगवेगळ्या भागात जमा होते. त्यामुळे सांध्यामध्येही वेदना होतात. यामुळे गाऊटची (Gout) समस्या निर्माण होऊ शकते. वाढत्या युरिक ॲसिडकडे बराच काळ दुर्लक्ष केल्यास किडनी (kidney problem) खराब होऊ शकते.

कोणते पदार्थ आणि पेय टाळून तुम्ही युरिक ॲसिडवर नियंत्रण ठेऊ शकता ते जाणून घेऊया.

प्युरीनयुक्त पदार्थांचे सेवन करू नका

एका रिपोर्टनुसार, युरिक ॲसिड नियंत्रित करण्यासाठी प्युरीनयुक्त पदार्थ कमीत कमी प्रमाणात सेवन करावेत. प्युरीनयुक्त पदार्थ शरीरात युरिक ॲसिडचे उत्पादन वाढवतात, ज्यामुळे संधिवात होण्याचा धोका असतो. मांसाहारी पदार्थ तसेच दुग्धजन्य पदार्थांमध्ये प्युरीनचे प्रमाण जास्त असते. रेड मीटमध्येही ते असते. अशा परिस्थितीत हे पदार्थ खाणं टाळावे.

मद्यपान आणि साखरयुक्त पेये टाळा

मद्यपान आणि साखरयुक्त पेयांचे जास्त प्रमाणात सेवन केल्याने गाउटचा धोका वाढतो. या पेयांमध्ये कॅलरीज आणि स्वीटनर्स जास्त असतात, ज्यामुळे वजन वाढू शकते आणि मेटाबॉलिज्मची समस्या उद्भवू शकते. यामुळे युरिक ॲसिडची पातळी वाढते. युरिक ॲसिडची समस्या टाळण्यासाठी मद्यपान करणे तसेच कोल्ड्रिंक्स, सोडा, ज्यूस, एनर्जी आणि स्पोर्ट्स ड्रिंक्स पिणे टाळावे.

काही औषधांनीही वाढू शकते युरिक ॲसिड

– काही औषधे घेतल्यानेही शरीरातील युरिक ॲसिडचे प्रमाण वाढू शकते. जी औषधे रोगप्रतिकारक शक्ती दाबतात, ती औषधे घेण्यापूर्वी डॉक्टरांचा सल्ला घ्यावा. बहुतेक लोक डोकेदुखीच्या वेळी ॲस्पिरिन घेतात, परंतु प्रत्येक वेळी असे करू नये. ॲस्पिरिनच्या उच्च डोसमुळे युरिक ॲसिड वाढू शकते.

या पदार्थांचे सेवन फायदेशीर

हाय युरिक ॲसिड कमी करण्यासाठी भरपूर भाज्या व फळांचे सेवन केले पाहिजे. त्यामध्ये प्युरिनचे प्रमाण कमी असते, ज्यामुळे शरीराला आवश्यक ती पोषक तत्वं मिळतात. पूर्ण धान्य, ब्रेड आणि बटाटा यांचे सेवन केल्याने गाऊटच्या समस्येपासून बचाव होऊ शकतो. तसेच युरिक ॲसिड शरीरातून बाहेर टाकण्यासाठी भरपूर पाणी प्यावे.

(डिस्क्लेमर- संबंधित विकारांची प्राथमिक माहिती, लक्षणे, तसेच काय करता येईल, याची माहिती देण्याचा आमचा हा प्रयत्न आहे, पण कोणताही उपचार करण्याआधी संबंधित आजारातील, तज्ज्ञ डॉक्टरांचा सल्ला घ्या.)