Skin Care Tips : बारीक रेषा आणि सुरकुत्यापासून मुक्त होण्यासाठी.. वापरून पहा ‘हा’ घरगुती फेस पॅक!
अस्वास्थ्यकर आहार आणि खराब जीवनशैलीमुळे त्वचा अगदी कमी वयातही म्हातारी दिसू लागते. अशा परिस्थितीत तुम्ही अनेक प्रकारचे घरगुती फेस पॅक देखील वापरू शकता. ते तुमच्या चेहऱ्यावर नैसर्गिक चमक आणण्याचे काम करतात.
मुंबई : चेहऱ्यावरील बारीक रेषा, सुरकुत्या आणि सैल त्वचा यांमुळे आजकाल अनेक लोक त्रस्त आहेत. त्वचेच्या या समस्या केवळ वृद्धत्वामुळे होत नाही तर अगदी लहान वयातच त्वचा म्हातारी दिसू लागते. याचे कारण, खराब जीवनशैली (Poor lifestyle) आणि अस्वास्थ्यकर आहार इत्यादी असू शकतात. अशा परिस्थितीत, ही समस्या टाळण्यासाठी तुम्ही अनेक घरगुती उपाय देखील करून पाहू शकता. तुम्ही घरगुती फेस पॅक वापरू शकता. ते नैसर्गिक घटक (natural ingredients) वापरून तयार केले जातात. हे फेस पॅक त्वचेला खोल पोषण देण्याचे काम करतात. तुमच्या चेहऱ्यावर बारीक रेषा आणि सुरकुत्या (Fine lines and wrinkles) येण्याचे कारण काय आहे हे जाणून घेण्यासाठी सर्वप्रथम तीन गोष्टींचा विचार करा, तुमची त्वचा कोरडी आहे का? तुम्ही खूप तणावाखाली आहात का? तुमची स्किन केअर रूटीन योग्य आहे का? कारण कोणत्याही महिलेच्या चेहऱ्यावर सुरकुत्या आणि बारीक रेषा दिसण्याची ही तीन प्रमुख कारणे आहेत.
कोरफड जेल
त्वचा घट्ट करण्यासाठी तुम्ही एलोवेरा जेल वापरू शकता. एलोवेरा जेल एका भांड्यात घ्या. चेहरा आणि मानेवर लावा. 20 मिनिटे तसेच राहू द्या. त्यानंतर कोमट पाण्याने चेहरा धुवा. तुम्ही ते आठवड्यातून 3 ते 4 वेळा वापरू शकता. कोरफडीमध्ये मॅलिक अॅसिड असते. त्वचा निरोगी ठेवण्याचे काम करते.
अंडयाचा पांढरा भाग आणि मध
एका भांड्यात अंड्याचा पांढरा भाग घ्या. त्यात थोडे मध घालावे. ते चांगले मिसळा. हे मिश्रण चेहरा आणि मानेवर लावा. 20 मिनिटे तसेच राहू द्या. यानंतर त्वचा थंड पाण्याने धुवा. हा फेस पॅक तुम्ही महिन्यातून 2 ते 3 वेळा वापरू शकता. हे मिश्रण सैल त्वचा घट्ट करण्याचे काम करते.
तेल मालिश
एका भांड्यात दोन चमचे ऑलिव्ह ऑईल घ्या. ते थोडे गरम करा. आता या तेलाने चेहरा आणि मानेला मसाज करा. या तेलाने त्वचेला सुमारे 10 मिनिटे मसाज करा. यानंतर कोमट पाण्यात स्वच्छ कापड बुडवा. चेहरा पुसण्यासाठी याचा वापर करा. तुम्ही खोबरेल तेल, बदाम तेल देखील वापरू शकता.
कॉफी आणि खोबरेल तेल
एका भाड्यांत ग्राउंड कॉफी घ्या. त्यात खोबरेल तेल, ब्राऊन शुगर आणि अर्धा चमचा दालचिनी घाला. या सर्व गोष्टी नीट मिसळा. आता याने त्वचेला सुमारे ५ मिनिटे स्क्रब करा. त्यानंतर कोमट पाण्याने चेहरा धुवा. तुम्ही ते आठवड्यातून एकदा किंवा दोनदा वापरू शकता. त्यात अँटिऑक्सिडंट गुणधर्म आहेत. हे मिश्रण त्वचेला एक्सफोलिएट करण्याचे काम करते.
