अखेर व्हायचं तेच झालं, चीनची थेट युद्धभूमीत उतरण्याची घोषणा, आता इराणमध्ये जाऊन…जगाच्या भूवया उंचावल्या!

China On Iran Israel War : अमेरिका-इराण आणि इस्रायल यांच्यातील हल्ल्यामुळे जगाची चिंता वाढली आहे. काहीही झालं तरी आम्ही युद्दातून माघार घेणार नाही, इस्रायलला धडा शिकवू अशी भूमिका इराणने घेतली आहे. दुसरीकडे आम्हाला संपवण्याची भाषा करणाऱ्यांना आम्ही सोडणार नाही, इसा रोखठोक इशारा इस्रायलने दिला आहे. दुसरीकडे अमेरिकेने होर्मुझच्या खाडीत इतर देशांनी आपल्या युद्धनौका पाठवाव्यात असे आवाहन करून जगभरातील देशांना युद्धात अप्रत्यक्षपणे उडी घेण्याचे आवाहन केले होते. या सर्व घडामोडी घडत असतानाच आता चीनने मोठी भूमिका घेतली आहे. चीनच्या या भूमिकेची जगभरात चर्चा चालू आहे.

इराणचा कमांडर, सुरक्षा प्रमुख ठार

इस्रायल-इराण यांच्यातील युद्ध दिवसेंदिवस पेटत चालले आहे. आज युद्धाचा 17 वा दिवस आहे. तरीदेखील अमेरिका-इस्रायल आणि इराण यांच्यात कोणतीही शस्त्रसंधी घडून येण्यासाठी हालचाली सुरू झालेल्या नाहीत. उलट इस्रायल आणि इराण हे दोन्ही देश एकमेकांवर मोठ हल्ले करताना दिसत आहेत. इस्रायलने नुकतेच इराणचे कमांडर गुलामरेजा सुलेमानी यांच्यावर हल्ला करून त्यांना ठार केले आहे. यासह इस्रायलचे सुरक्षा प्रमुख अली लारिजानी यांनाही ठार करण्यात आल्याचे बोलले जात आहे. त्यामुळेच युद्ध सध्यातरी थांबण्याची शक्यता नसल्याचे बोलले जात आहे.

चीनने नेमकी काय भूमिका घेतली?

मिळालेल्या माहितीनुसार चीनने इराण आणि लेबनॉन यांची मदत करण्याचा निर्णय घेतला आहे. इराण, लेबनॉन तसेच अन्य मध्य पूर्व देशांना आम्ही मानवीय दृष्टीकोन ठेवून त्यांना मदत करू असे चीनने म्हटले आहे. चीनतर्फे युद्धामध्ये ज्या लोकांना मदतीची गरज आहे, त्यांना मदत केली जाणार आहे. याआधीही इराणमध्ये प्रभावित लोकांना आर्थिक मदत करण्याची घोषणा चीनने केलेली आहे.

चीनने घेतलेली आहे इराणला पुरक भूमिका

दरम्यान, हे युद्ध सुरू झाल्यानंतर चीनने आपली भूमिका स्पष्ट केली होती. चीनने इराणवरील हल्ला म्हणजे आंतरराष्ट्रीय नियमांचे उल्लंघन आहे, असे म्हणत युद्धाला विरोध केला होता. चीनने आतापर्यंत तरी इराणला पुरक असणारी भूमिका घेतलेली आहे. त्यामुळे भविष्यात नेमके काय होणार? हे पाहणे महत्त्वाचे ठरणार आहे.