जगात हाहाकार! अमेरिका इराण युद्धात थेट हा देश उतरणार मैदानात? मोठी खळबळ, इशारा देत..

इराण आणि अमेरिका युद्धात दोन आठवड्यांकरिता युद्धबंदीची घोषणा करण्यात आली. अमेरिकेने मोठे हल्ले करण्याची धमकी इराणला दिली. इराणच्या ऊर्जा प्रकल्पांसोबतच मोठा पुलांना टार्गेट करून हल्ले केले जाणार असल्याचे डोनाल्ड ट्रम्प यांनी म्हटले होते. मात्र, त्यानंतर त्यांनी मोठी पलटी मारली. थेट दोन आठवड्यांकरिता युद्धबंदीची घोषणा केली. इस्लामाबादमध्ये झालेल्या शांतता करार बैठकीत काही यश मिळाले नाही. इराण आपल्या काही मागण्यांवर ठाम आहे. होर्मुज खाडीत अमेरिकेने नाकेबंदी केली. अमेरिकेसोबतच्या युद्धात इराणने सर्वात अगोदर होर्मुज खाडी बंद केली. होर्मुज खाडी बंद असल्याने अनेक देश संकटात आहेत. इराणकडून फक्त आपल्या मित्र देशांचे जहाज सोडले जात आहेत. युद्धबंदीच्या घोषणेनंतर इराणकडून काही काळाकरिता होर्मुज खाडी खुली करण्यात आली होती. मात्र, त्यानंतर इस्त्रायलने लेबनॉनवर हल्ले केले. लगेचच इराणकडून पुन्हा होर्मुज खाडी बंद करण्यात आली.

चीनने अमेरिकेला होर्मुज खाडीतील नाकेबंदी न करण्याचा आणि चीन इराण यांच्यातील संबंधात हस्तक्षेप न करण्याचा मोठा इशारा दिला. अमेरिकेच्या नौदलाने नाकेबंदी सुरू केल्यानंतर लगेचच चीनचे संरक्षण मंत्री ॲडमिरल डोंग जून यांनी थेट म्हटले की, आमचे इराणसोबत व्यापार आणि ऊर्जेचे जुने संबंध आहेत. त्यामुळे अमेरिकेने आमच्या अंतर्गत बाबी अजिबात ढवळाढवळ करू नये.

अमेरिका यात लक्ष घालणार नाही आणि कोणत्याही प्रकारचा हस्तक्षेप करणार नाही, अशी नक्कीच अपेक्षा आहे, असे चीनने स्पष्ट शब्दात म्हटले. ज्या प्रकारे अमेरिका होर्मुज खाडीत घुसखोरी करत आहे, हे कोणालाही अजिबात पटत नाही. अमेरिकेच्या तटबंदीमुळे स्थिती अधिक बिघडू शकते, असा अंदाज आहे.

इराण होर्मुज खाडी शुल्क आकारत असल्याने अमेरिकेने हस्तक्षेप घेतला. हेच नाही तर डोनाल्ड ट्रम्प यांनी काही दिवसांपूर्वीच म्हटले होते की, इराणसोबतचे युद्ध आम्ही जिंकले आहे. यामुळे होर्मुज खाडीत शुल्क आकारण्याचा अधिकार आमचा आहे. होर्मुज खाडी स्वत: कडे घेण्याकरिता अमेरिकेकडून विविध योजना आखण्यात आल्या. मात्र, त्यांना अपयश मिळाले.