डोनाल्ड ट्रम्प यांच्या डोक्यात मोठा कट?, या देशाच्या राष्ट्रपतींना लगेचच बोलावले अमेरिकेत, घडामोडींना वेग

अमेरिकेचे राष्ट्राध्यक्ष डोनाल्ड ट्रम्प आणि रशियाचे राष्ट्राध्यक्ष व्लादिमीर पुतिन यांच्यात अलास्का येथे बैठक झाली. ही बैठक तब्बल तीन तास सुरू होती. या बैठकीचा मुख्य उद्देश हा युक्रेनचे युद्ध होते. मात्र, यासोबतच अनेक मुद्दांवर चर्चा झाली. बैठकीच्या अगोदर डोनाल्ड ट्रम्प यांनी थेट रशियाला मोठी धमकी दिली होती की, त्यांना हे युद्ध बंदच करावे लागेल नाही तर वाईट परिणामांना सामोरे जावे लागेल. मात्र, प्रत्यक्षात या बैठकीनंतर युद्धाबाबत कोणत्याही प्रकारची घोषणा झाली नाही. अमेरिकेच्या हातावर तुरी देऊन व्लादिमीर पुतिन हे निघून गेले आहेत आणि तोडगा निघू शकला नाही.

या बैठकीनंतर आंतरराष्ट्रीय पातळीवरील घडामोडींना वेग आल्याचे बघायला मिळतंय. पुतिन यांच्या भेटीनंतर डोनाल्ड ट्रम्प यांनी लगेचच युक्रेनचे राष्ट्रपती वोलोदिमीर जेलेंस्की यांना फोन केला. पुतिन यांच्यासोबतच्या बैठकीत नेमके काय घडले आणि काय चर्चा झाली याची माहिती दिली. फक्त माहितीच नाही तर त्यांना लगेचच अमेरिकेला देखील बोलावले आहे. जेलेंस्की हे सोमवारी 18 ऑगस्ट 2025  रोजी अमेरिकेच्या दाैऱ्यावर असणार आहेत.

वोलोदिमीर जेलेंस्की यांच्यासाठी यापूर्वीची अमेरिका दाैरा अत्यंत वाईट ठरला होता. बैठक अर्ध्यामध्येच सोडून ते थेट निघून केले होते. त्यानंतर आता परत ते अमेरिकेला जाणार आहेत. डोनाल्ड ट्रम्प आणि पुतिन यांच्यासोबत चर्चा केल्यानंतर लगेचच जेलेंस्की यांना फोन करून अमेरिकेला बोलावले आहे. युक्रेन आणि रशिया यांच्यामधील युद्धाबाबत मोठ्या घडामोडी घडताना सध्या दिसत आहे. भारतावर अमेरिकेकडून टॅरिफ लावल्यानंतर वोलोदिमीर जेलेंस्की यांनी देखील पंतप्रधान नरेंद्र मोदी यांना फोन केला होता.

अमेरिकाने रशियाकडून कच्चे तेल खरेदी करणाऱ्या देशांवर मोठा टॅरिफ लावला आहे. मात्र, भारताने अमेरिकेच्या अटी मान्य केल्या नाहीत. त्यामध्येच आता आंतरराष्ट्रीय पातळीवरील घडामोडी वाढल्या आहेत. पुढील दोन ते तीन आठवड्यांमध्ये टॅरिफबद्दलची देखील भूमिका अमेरिकेकडून स्पष्ट केली जाणार आहे. जर अमेरिकेने त्यांची टॅरिफबद्दलची भूमिका बदलली नाही तर भारत देखील अमेरिकेच्या कंपन्यांवर कारवाई करण्याच्या तयारीत आहे.