अमेरिकेने भारतावर पुन्हा टॅरिफ लावला, ट्रम्पचा भारताला मोठा झटका..

इराण आणि अमेरिका यांच्यात युद्ध सुरू आहे. अमेरिका मोठे हल्ले इराणवर करत आहे. या युद्धाचा फटका जगातील सर्वच देशांना बसतोय. मात्र, युद्ध काही कमी होत नाहीये. त्यामध्येच आता अमेरिकेचे अध्यक्ष डोनाल्ड ट्रम्प यांनी भारताला मोठा दणका दिला. भारताला ज्याची भीती होती तेच घडले. डोनाल्ड ट्रम्प यांनी पुन्हा एकदा भारतावर टॅरिफचा बॉम्ब फोडला आहे. डोनाल्ड ट्रम्प यांनी मोठी घोषणा करत भारतावर तब्बल 10 टक्के टॅरिफ लावला. भारतासोबतच 17 देशांना डोनाल्ड ट्रम्प यांच्याकडून दणका देण्यात आला. अमेरिकेच्या व्यापार प्रतिनिधींनी सेक्शन 301 लागू केले. अमेरिकेने नवीन टॅरिफ धोरण जाहीर केले. त्यांनी फोर्स्ड लेबर उत्पादनांना दिलासा दिला. डोनाल्ड ट्रम्प यांनी काही देशांवर 12.5 टक्के अधिक टॅरिफ लावला.

पीटीआयच्या रिपोर्टनुसार, अमेरिकेचे व्यापार प्रतिनिधी जेमिसन ग्रीर यांनी मानवाधिकारांचे उल्लंघन आणि अनुचित व्यापार पद्धती यांसारख्या समस्यांचे निराकरण करण्यासाठी महत्वाची पाऊले उचलली आहेत. डोनाल्ड ट्रम्प यांनी यावर म्हटले की, मला व्यापार प्रतिनिधींनी सल्ला दिला की, या देशातील अर्थव्यवस्थांमधील वस्तूंवर 10 टक्के टॅरिफ लावणे आवश्यक आहे. ज्यामुळे निर्बंधांची अंमलबजावणी होण्यास मदत होईल.

भारताच्या शेजारी देशांवरही अमेरिकेने यावेळी टॅरिफ लावला. भारत, पाकिस्तान, बांग्लादेश, कॅनडा, अर्जेंटिना, कंबोडिया, श्रीलंका, मलेशिया, मॅक्सिको, त्रिनिदाद, इंडोनेशिया, होंडुरास, ग्वाटेमाला, इक्वाडोर, अल सल्वाडोर, ब्रिटेन, टोबॅंगो या देशांवर 10 टॅरिफ लावण्यात आला. काही देशांवर 12.5 टॅरिफ लावण्यात आला. गेल्या काही दिवसांपूर्वीच मोठा टॅरिफ भारतावर लावण्यात आला.

भारत आणि अमेरिका यांच्यातील संबंध या टॅरिफच्या मुद्द्यात तणावात आली होती. भारत हा रशियाकडून तेल खरेदी करत असल्याने भारतावर मोठा टॅरिफ अमेरिकेने लावला होता. त्यामध्येच भारताला दिलासा टॅरिफपासून मिळाला होता. पण पुन्हा भारतावर अमेरिकेने मोठा टॅरिफ लावला. अमेरिकेने लावलेल्या टॅरिफमुळे अमेरिकेत भारतीय वस्तू पाठवणे व्यापाऱ्यांना कठीण होत आहे. अमेरिका भारताला मित्र मित्र म्हणते आणि मोठा टॅरिफ भारतावर लावते.