डोनाल्ड ट्रम्प अडकले, डोक्यात मारून घेण्याची वेळ, मोठा विश्वासघात, पळून पळून..
इराण आणि अमेरिका युद्धाचा आज 18 वा दिवस आहे. मात्र, यादरम्यान कधीही न भरून निघणारे नुकसान झाले. डोनाल्ड ट्रम्प यांनी युद्धात काही देशांकडे मदत मागितली. मात्र, एकही देश डोनाल्ड ट्रम्प यांच्या मदतीला पुढे न आल्याने त्यांना मोठा धक्का बसला.
अमेरिकेचे अध्यक्ष डोनाल्ड ट्रम्प इराणसोबत युद्धाच्या मैदानात फसल्याचे बघायला मिळत आहे. युक्रेन आणि रशियाच्या युद्धात त्यांनी थेट रशियाच्या विरोधात युक्रेनला पाठिंबा दिला आणि प्रत्येक मदत दिली. मात्र, इराणसोबतच्या युद्धात अमेरिका थेटपणे मैदानात उतरली असता एकही देश त्यांच्या मदतीकरिता पुढे येताना दिसत नाही. स्वत: डोनाल्ड ट्रम्प यांनी मदत मागूनही एकही देश मदतीचा हात पुढे घेऊन आला नाही. इराणसोबतच्या युद्धात कुठेतरी अमेरिका मागे पडताना दिसत आहे. गंभीर संकटात अमेरिका अडकली. 28 फेब्रुवारी 2026 रोजी अमेरिका आणि इस्त्रायलने संयुक्तपणे इराणवर हल्ला केला. या हल्ल्यानंतर इराणने अनेक देशांना सळो की पळो करून सोडले. थेट आखाती देशांमध्ये असलेल्या अमेरिकेच्या लष्कर तळावर हल्ला करत तेथील रडार सिस्टम इराणकडून उडवून टाकण्यात आली. आखाती देश देखील अमेरिकेपासून दुरावले आहेत.
अमेरिकेच्या राष्ट्रीय दहशतवादविरोधी केंद्राचे संचालक जो केंट यांनी राजीनामा दिला. इराणसोबतच्या युद्धात डोनाल्ड ट्रम्प चारही बाजूंनी घेरल्याचे बघायला मिळत आहे. डेमोक्रॅट्सनी वॉर पॉवर्स रिझोल्यूशन सादर केले, ज्यात ट्रम्प यांनी इराणमधील पुढील कारवाईसाठी काँग्रेसची मंजुरी घ्यावी अशी मागणी केली आहे. हा ठराव सिनेटमध्ये 53-47 आणि हाऊसमध्ये 219-212 मतांनी फेटाळले गेले. मात्र, हे मतदान पक्षीय धर्तीवर विभागले गेले होते.
बहुतेक डेमोक्रॅट्सनी याला काँग्रेसला डावलून लढलेले एक बेकायदेशीर युद्ध म्हटले. इराणसोबत सुरू असलेल्या युद्धात आंतरराष्ट्रीय स्तरावरही डोनाल्ड ट्रम्प यांना धक्का बसत आहे. नाटो देशांनीही डोनाल्ड ट्रम्प यांच्यापासून स्वत: ला दूर ठेवण्याचा निर्णय घेतला. डोनाल्ड ट्रम्प यांनी स्वत: याबद्दल विधान करत म्हटले की, बहुतेक नाटो सदस्यांना इराण युद्धात होर्मुजच्या सामुद्रधुनीमध्ये मदत करायची नाही.
थोडक्यात काय तर आजच्या घडीला डोनाल्ड ट्रम्प यांच्यासोबत कोणीही उभे दिसत नाहीये. त्यांचे जवळचे सहकारी त्यांची साथ सोडत आहेत तर देशातूनही विरोध होत आहे. शिवाय कोणतेही देश त्यांच्या मदतीला येत नाहीत. डोनाल्ड ट्रम्प इराणसोबतच्या युद्धात एकटे पडले आहेत. होर्मुज खाडीवर अजूनही इराणचे पूर्णपणे नियंत्रण आहे. होर्मुज खाडी बंद असल्याने अनेक देश डोनाल्ड ट्रम्प यांच्यावर नाराज आहेत. नाटोकडून थेट विश्वासघात करण्यात आल्याने डोनाल्ड ट्रम्प यांना धक्का बसला.
