Sejjil Missile : शेवटी ज्याची भीती तेच घडलं, इराणने अखेर ती मिसाईल डागली, एका हल्ल्यात इस्रायल थेट…

Iran Israel War : अमेरिका-इस्रायल आणि इराण यांच्यातील युद्धाचा फटका संपूर्ण जगाला बसतो आहे. या युद्धामुळे इराणमध्ये हजारो निरापराध लोकांचा बळी जातोय. यात लहान मुले आणि महिलांचाही समावेश आहे. दुसरीकडे युद्धामुळे जगावर उर्जासंकट निर्माण झाले आहे. भारतात नैसर्गिक वायू आणि कच्च्या तेलाचा तुटवडा निर्माण झाला आहे. परिणामी एलपीजी गॅस गॅसची किंमतही वाढली आहे. इराणवर अमेरिका आणि इस्रायल हे दोन्ही देश मिळून हल्ला करत आहेत. दोन्ही देशांकडून लक्ष्य केले जात असल्याने आता इराण युद्धात पराभूत होणार, असा कयास लावला जात आहे. परंतु आता मोठी माहिती समोर आली आहे. गेल्या कित्येक दिवसांपासून इराणकडून साधारण ड्रोन आणि क्षेपणास्त्रांच्या मदतीने इस्त्रायलला लक्ष्य केले जात होते. आता मात्र इराणने आपले एकदम खास आणि संहारक असे क्षेपणास्त्र बाहेर काढले आहे. त्यामुळे इस्रायलमध्ये मोठा हाहाकार माजल्याचे बोलले जात आहे.

इराणकडून कोणत्या मिसाईलच्या मदतीने हल्ला?

मिळालेल्या माहितीनुसार इराणच्या इस्लामिक रिव्होल्यूशनरी गार्ड कॉर्प्सने आता सेज्जील हे क्षेपणास्त्र वापरण्यास सुरुवात केली आहे. हे क्षेपणास्त्र इराणने थेट इस्रायलवर डागले आहे. इराणचे हे क्षेपणास्त्र डान्सिंग मिसाईल म्हणून ओळखले जाते. या क्षेपणास्त्राने एकदा हल्ला केला की सगळं बेचिराख होऊन जातं, असं सांगितलं जातं. ही एक हाय अल्टिट्यूड मासाईल आहे. या क्षेपणास्त्रात आयरन डोम यासारख्या हवाई संरक्षण प्रणालीला भेदून हल्ला करण्याची क्षमता आहे.

या मिसाईलमध्ये नेमकी किती ताकद

आयआरजीसीच्या दाव्यानुसार इस्रायलच्या तेल अवीव यासारख्या शहरांवर ही मिसाईल अवघ्या सात मिनिटांत हल्ला करू शकते. विशेष म्हणजे ही मासाईल छोट्या पल्ल्याचे रॉकेट, मोर्टार शेल, आर्टिलरी, ड्रोन यांना ही मिसाईल हवेतच नष्ट करू शकते. दरम्यान, इराणच्या या मिसाईलपुढे इस्त्रायलची डिफेन्स सिस्टिम कमकुवत असल्याचे सांगितले जाते. त्यामुळेच इराणने हे शस्त्र बाहेर काढल्यामुळे आता युद्ध लवकरच संपणार आहे, असाही दावा केला जात आहे. परंतु आता भविष्यात काय होणार, हे पाहणे महत्त्वाचे ठरणार आहे.