जगाला ज्याची भीती तेच घडतंय! इराण अमेरिका शांतता करारात इस्त्रायल करणार खेळखंडोबा, थेट..

मध्य पूर्वेत शांतता आहे. इराण आणि अमेरिका यांच्यात 14 अटीनंतर शांतता करार झाला. गेल्या तीन महिन्यापेक्षा अधिक काळापासून युद्ध सुरू होते. इस्त्रायल आणि अमेरिकेने केलेल्या हल्ल्यानंतर इराणकडून होर्मुज खाडी बंद करण्यात आली. होर्मुज खाडी बंद असल्याने जागतिक बाजारात कच्च्या तेलाच्या किमती गगणाला पोहोचल्या. डोनाल्ड ट्रम्प यांनी युद्धविराम करार झाल्याचे जाहीर केले. त्यांनी होर्मुज खाडी सुरक्षित खुली केली जाईल आणि तात्काळ अमेरिकेची नाकेबंदी उठवली जाईल, असे जाहीर केले. मात्र, इराण आणि अमेरिका यांच्यातील युद्धविराम शांतता करारानंतर इस्त्रायलला मोठ्या मिरच्या लागल्या आहेत. या युद्धविराम शांतता कराराचा इस्त्रायलने विरोध केला. हेच नाही तर इस्त्रायलच्या पंतप्रधानांनी तात्काळ डोनाल्ड ट्रम्प यांना भेटण्याकरिता वेळ मागितला आहे.

इस्त्रायलला लेबनानच्या मुद्द्यात डोनाल्ड ट्रम्प यांच्यासोबत चर्चा करायची आहे. इस्त्रायलला काही दिवस युद्ध सुरू ठेऊन इराणचे तीनतेरा वाजवायचे आहेत. मात्र, या युद्धामुळे जागतिक बाजार पेठ अडचणीत आहे.अमेरिकेवर हे युद्ध संपवण्याकरिता मोठा दबाव होता. इराण आणि अमेरिका करारात दोन्ही देशांनी इस्त्रायलला सहभागी करून घेतले नाही. ज्यामुळे इस्त्रायलचा थयथयाट बघायला मिळतोय.

डोनाल्ड ट्रम्प यांनी कराराला उशिर करण्याचा आरोप इस्त्रायलवर केला. काही दिवसांपूर्वीच डोनाल्ड ट्रम्प यांनी फोनवर नेतन्याहू यांना झाडले होते.आता इस्त्रायल या युद्धविराम शांतता करारात नक्की काय खेळखंडोबा करतो, हे पाहण्यासारखे ठरणार आहे. काही दिवसांपूर्वीच इस्त्रायलच्या या भूमिकेमुळे डोनाल्ड ट्रम्प यांनी इस्त्रायलच्या पंतप्रधानांना इशारा देत म्हटले होते की, तुमच्या या वागण्यामुळे जग तुमचा व्देष करत आहे.

आता डोनाल्ड ट्रम्प आणि नेतन्याहू यांच्यात बैठक कधी होते हे पाहण्यासारखे ठरणार आहे. या युद्ध शांतता करारात अमेरिकेने काही इराणच्या अटी मान्य केल्या आहेत. इराणच्या तेलावर कोणत्याही प्रकारचे निर्बंध नसणार आहेत. शिवाय त्यांचा विदेशातील पैसाही फ्रीज केला जाणार आहे. होर्मुज खाडीबद्दलही मोठा निर्णय झाला. मात्र, इस्त्रायलला हा युद्धविराम शांतता करार अजिबात मान्य नाही.