इराणशी घमासान सुरु असताना इस्रायलच्या पंतप्रधानांना कॅन्सरचे निदान, तब्येतीबाबत मोठी अपडेट समोर

इराण आणि अमेरिका- इस्रायल असे युद्ध सुरु असतानाच इस्रायलचे पंतप्रधान बेंजामिन नेतान्याहू यांना कॅन्सरचे निदान झाले आहे. ही माहिती स्वत: पंतप्रधान नेतान्याहू यांनी सोशल मीडियाद्वारे स्वत: ही माहिती दिली. नेतान्याहू यांनी सांगितले की २०२४ मध्ये त्यांच्या एका तपासणी दरम्यान त्यांना कॅन्सर असल्याचे निदान झाले होते. डॉक्टरांनी यावर यशस्वी उपचार केले आहेत. आता स्थिती पहिल्यापेक्षा बरी आहे. पंतप्रधान कार्यालयाने दिलेल्या माहितीनुसार नेतान्याहू यांना प्रोस्टेट कॅन्सर झाला होता.

पंतप्रधान नेतान्याहू यांनी पोस्ट लिहून सांगितले की मी आता संपूर्णपणे नीट आहे.डॉक्टरांनी एक सेंटीमीटरचा एक छोटासा ट्युमर सर्जरी करुन हटवला आहे. आता पर्यंत मी याबाबत काही लिहिले नव्हते कारण, इराण यावर फेक न्यूज पसरवू शकला असता.

सीएनएनच्या मते डिसेंबर २०२४ मध्ये इस्रायलचे पंतप्रधान नेतान्याहू यांच्यावर प्रोस्टेट संबंधित सर्जरी झाली होती.मात्र, त्यावेळी हे कळले नव्हते की ही कॅन्सरची सर्जरी आहे.

पंतप्रधान नेत्यान्याहू यांनी पुढे काय लिहिले ?

इस्रायलचे पंतप्रधान बेंजामिन नेतान्याहू यांनी पोस्ट मध्ये पुढे लिहीले की मी कॅन्सरला देखील हरवले आहे. दीड वर्षांपूर्वी मला याची माहिती मिळाली होती. तेव्हा मी उपचार करायचा विचार केला होता. काही महिन्यांपूर्वी एक रिपोर्ट येणे बाकी होते. ज्याला मी टाळले होते. आज रिपोर्ट आला आहे आणि मी पूर्णपणे बरा झालो आहे.

नेतान्याहू यांनी पोस्ट मध्ये लिहिले की मी कॅन्सरला देखील हरवले आहे. माझी ही पद्धत आहे की मला जेव्हापासून एखाद्या समस्ये संदर्भात कळते, तेव्हा मी त्यावर उपाय शोधण्यासाठी मागे लागतो.

नेतान्याहू यांच्या कार्यालयाने दिलेल्या माहितीनुसार पंतप्रधान नेतान्याहू यांच्यावर कॅन्सरचे उपचार जेरुसेलम येथील हदासा रुग्णालयात करण्यात आले.

19 वर्षांपासून पंतप्रधान पदावर नेतान्याहू

1996 मध्ये पहिल्यांदा नेतान्याहू इस्रायलचे पंतप्रधान म्हणून निवडून आले. १९९९ पर्यंत ते या पदावर राहिले. त्यानंतर २००९मध्ये ते दुसऱ्यांदा ते इस्रायलचे पंतप्रधान झाले. या कार्यकाळात ते २०२१ पर्यंत पंतप्रधान राहिले. २०२२ मध्ये नेतान्याहू पुन्हा इस्रायलचे पंतप्रधान म्हणून निवडून आले. तेव्हापासून आतापर्यंत नेतान्याहू इस्रायलचे पंतप्रधान आहेत.

नेतान्याहू यांच्या काळात इस्रायलने गाझात हमास, लेबनॉनमध्ये हेजबोल्लाह सारख्या संघटनांना कमजोर केले आहे. नेतान्याहू यांची योजना इस्रायलला मध्य पूर्वेत ग्रेटर इस्रायल बनवण्याची आहे.