Japan Earthquake : जापानमध्ये भूकंपाचे तीव्र धक्के; त्सुनामीची शक्यता, 20 लाख घरांची बत्ती गुल! पाहा व्हिडीओ

Japan Earthquake : जापानमध्ये भूकंपाचे तीव्र धक्के; त्सुनामीची शक्यता, 20 लाख घरांची बत्ती गुल! पाहा व्हिडीओ
जापानमध्ये भूकंपाचे तीव्र धक्के
Image Credit source: Bloomberg

मिळालेल्या माहितीनुसार भूंकपाचा केंद्रबिंदू फुकुशिमा क्षेत्रात 60 किलोमीटर जमिनीच्या आत होता. जापानमधील स्थानिक वेळेनुसार रात्री 11 वाजून 36 मिनिटांनी भूकंपाचे धक्के जाणवले. त्यानंतर पूर्वोत्तर भागात त्सुनामीची शक्यता वर्तवण्यात आली असून, 1 मीटरपर्यंतच्या लाटा उसळण्याचा अंदाजही व्यक्त करण्यात आलाय.

सागर जोशी

|

Mar 16, 2022 | 10:02 PM

मुंबई : जापानमध्ये भूकंपाचे (Japan Earthquake) तीव्र धक्के बसले आहेत. भूकंपाची तीव्रता रिस्टर स्केलवर 7.3 इतकी नोंदवण्यात आलीय. भूकंपानंतर जापानच्या पूर्वोत्तर भागात त्सुनामीची (Tsunami) भीती व्यक्त करण्यात आलीय. तर भूकंपानंतर जापानमध्ये जवळपास 20 लाख घरांची वीज गेल्याची माहिती एएफपीने टोकियो इलेक्ट्रिक पॉवर कंपनीच्या हवाल्यानं दिलीय. मिळालेल्या माहितीनुसार भूंकपाचा केंद्रबिंदू फुकुशिमा (Fukushima) क्षेत्रात 60 किलोमीटर जमिनीच्या आत होता. जापानमधील स्थानिक वेळेनुसार रात्री 11 वाजून 36 मिनिटांनी भूकंपाचे धक्के जाणवले. त्यानंतर पूर्वोत्तर भागात त्सुनामीची शक्यता वर्तवण्यात आली असून, 1 मीटरपर्यंतच्या लाटा उसळण्याचा अंदाजही व्यक्त करण्यात आलाय. भूकंपामुळे जीवितहानी किंवा वित्तहानीची माहिती अद्याप मिळू शकलेली नाही.

यापूर्वी 22 जानेवारीला पश्चिम जापानमध्येही भूकंपाचे धक्के जाणवले होते. यात 10 जण जखमी झाल्याची नोंद होती. भूकंप शनिवारी दुपारी 1 वाजून 8 मिनिटांनी आला होता. या भूकंपाचा केंद्रबिंदू क्यूशू द्वीपजवळ जमिनीत 40 किलोमीटर अंतरावर होता. त्यावेळी त्सुनामीची शक्यता वर्तवण्यात आली नव्हती.

भूकंप झाल्यास काय काळजी घ्याल?

भूकंपाच्या धक्के जाणवल्यास तातडीने घराबाहेर पडून, मोकळ्या मैदानात या. जर अचानक भूकंप झाला आणि घराच्या बाहेर पडता येणे शक्य नसल्यास घरी असलेल्या कॉट किंवा टेबलखाली स्वता:ला कव्हर करा. या काळात घरातील सर्व विजेची साधने आणि गॅसचे कनेक्शन बंद ठेवा. आपतकालीन स्थिरीमध्ये घटनेची माहिती तातडीने संबंधित यंत्रणेला द्या, त्यामुळे बचाव कार्य वेगाने करता येऊ शकते.

इतर बातम्या :

Big News: चीननंतर आता इंग्लंडमध्येही कोविडच्या रुग्णांमध्ये पुन्हा 77 टक्क्यांची अचानक वाढ, भारतालाही सावध रहावं लागणार?

युद्धामुळे जगाचा बाजार कोमात, पण हा शेअर एकदम जोमात! जाणून घ्या, जगातल्या सर्वात महागड्या शेअरबद्दल

Follow us on

Related Stories

Most Read Stories

Click on your DTH Provider to Add TV9 MARATHI

राज्य चुनें