India Maldives Row : आधी मोदींचा अपमान, आता मालदीवच्या मरियम शिउनाने पुन्हा भारताविरोधात ओकली गरळ
India Maldives Row : "मला या बद्दल माहिती नव्हतं, जे काही झालें, ते अजाणतेपणी झालं" असं मरियमने म्हटलय. "पोस्टमध्ये शेअर केलेल चित्र भारतीय तिरंग्याशी मिळत-जुळत आहे. हा जो चुकीचा समज झाला, त्या बद्दल दिलगिरी व्यक्त करते" असं मरियम शिउनाने म्हटलं.
मालदीवच्या माजी मंत्री मरियम शिउना यांनी भारताचे पंतप्रधान नरेंद्र मोदी यांच्याबद्दल अपमानास्पद टिप्पणी केली होती. त्यानंतर मरियम शिउना यांनी पुन्हा एकदा भारताविरोधात गरळ ओकली आहे. त्यांनी पुन्हा एकदा भारताचा अपमान केलाय. मरियम यांनी मालदीवमध्ये होणाऱ्या संसदीय निवडणुकीवरुन देशातील विरोधी पक्ष एमडीपीला टार्गेट केलय. सोबतच भारताचा अपमान करण्यासाठी सोशल मीडियावर एक बनावट पोस्ट शेअर केलीय. मरियम शिउना यांच्या या पोस्टवरुन मोठा वाद निर्माण झालाय. लोकांमध्ये मोठ्या प्रमाणात आक्रोश आहे. भारतातील सोशल मीडिया युजर्सनी राष्ट्राध्यक्ष मुइज्जू यांना शिउना यांच्याविरोधात कठोर कारवाई करण्याची मागणी केलीय.
गदारोळामुळे मरियमची पोस्ट सोशल मीडियावरुन हटवण्यात आलीय. सोबतच तिने माफी सुद्धा मागितलीय. मरियम शिउना यांनी पोस्ट शेअर करुन माफी मागितली. “मला या बद्दल माहिती नव्हतं, जे काही झालें, ते अजाणतेपणी झालं” असं मरियमने म्हटलय. “पोस्टमध्ये शेअर केलेल चित्र भारतीय तिरंग्याशी मिळत-जुळत आहे. हा जो चुकीचा समज झाला, त्या बद्दल दिलगिरी व्यक्त करते” असं मरियम शिउनाने म्हटलं. मालदीवला भारतासोबतच द्विपक्षीय संबंध महत्त्वाचे आहेत, असंही मरियम शिउनाने म्हटलय.
अशोक चक्राचा अपमान
मरियम शिउनाने सोशल मीडिया एक्स (आधीच ट्विटर) वर शनिवारी 6 एप्रिलला आपला पक्ष PPM साठी एक पोस्ट केलेली. त्या पोस्टमध्ये भारताचा राष्ट्रध्वज तिरंग्यातील अशोक चक्राचा अपमान करण्यात आला होता. MDP भारताच्या जाळ्यात अडकतेय अस सुद्धा म्हटलं होतं. पण मालदीवने भारताच्या जाळ्यात फसू नये, असं मरियम शिउनाने लिहिलं होतं.
I would like to address a recent social media post of mine that has garnered attention and criticism .I extend my sincerest apologies for any confusion or offense caused by the content of my recent post.
It was brought to my attention that the image used in my response to the…
— Mariyam Shiuna (@shiuna_m) April 8, 2024
यानंतर बॉयकॉट मालदीव ट्रेंड सुरु झाला
मालदीवमधला विरोधी पक्ष मालदीव डेमोक्रेटिक पार्टीचा(MDP) पोस्टर बिघडवून हा पोस्टर तयार करण्यात आला होता. मरियम शिउनाला असं करुन भारताचा अपमान करायचा होता. पंतप्रधान नरेंद्र मोदी यांच्या लक्षद्वीपी दौऱ्यावर याच मरियम शिउनाने भारताच्या पंतप्रधानांचा अपमान केला होता. यानंतर बॉयकॉट मालदीव ट्रेंड सुरु झालेला.
