‘मोसाद’चा मोठा हल्ला! इस्त्रायलने थेट त्या मास्टरमाइंडचा गेमच केला, वाचा नेमकं काय केलं?

इस्त्रायल आणि इराण यांच्यात युद्धविराम झाला आहे. पण 12 दिवस चाललेल्या या युद्धात इस्त्रायलने इराणमध्ये प्रचंड नुकसान केले. विशेष बाब म्हणजे, एकीकडे इस्त्रायल इराणवर बाँबवर्षाव करत होता, तर दुसरीकडे गाझामध्ये हमासवरही सातत्याने हल्ले सुरू ठेवले. अशाच एका हल्ल्यात इस्त्रायलने हमासचा प्रमुख हाकम मुहम्मद इस्सा अल-इस्सा याला ठार केले. इस्त्रायली डिफेन्स फोर्स (IDF) चा दावा आहे की, 7 ऑक्टोबर 2023 रोजी इस्त्रायलवर झालेल्या हल्ल्याचा मुख्य सूत्रधार अल-इस्सा हाच होता, ज्याला हवाई हल्ल्यात ठार करण्यात आले.

IDF ने सोशल मीडिया प्लॅटफॉर्मवर दिलेल्या माहितीनुसार, फोर्सने गाझाच्या सबरा परिसरात लक्ष्यित हवाई हल्ला केला, ज्यामध्ये हाकम मुहम्मद इस्सा अल-इस्सा याचा मृत्यू झाला. अल-इस्सा हा हमासच्या सैन्य शाखेच्या संस्थापकांपैकी एक होता, जो आता हयात नाही. या कारवाईला हमासला मोठा धक्का म्हटले जात आहे. खरेतर, इस्त्रायलवर झालेल्या हल्ल्यानंतर आतापर्यंत इस्त्रायलने हमासच्या अनेक वरिष्ठ नेत्यांना ठार केले आहे.

वाचा: पत्नीला शारीरिक संबंध ठेवायचे नव्हते, पतीला कंट्रोल झाला नाही; व्हिडीओ सुरु करुन तिच्या गळ्यात…

हल्ल्यात 1320 इस्त्रायली मृत्युमुखी पडले

IDF च्या पोस्टनुसार, अल-इस्सा याने हमासला संघटित करण्यात, दहशतवाद्यांना प्रशिक्षण देण्यात आणि 7 ऑक्टोबरला इस्त्रायलमध्ये झालेल्या नरसंहाराची योजना बनवण्यात महत्त्वाची भूमिका बजावली होती. त्यानेच इस्त्रायलींविरुद्ध हवाई आणि नौदल हल्ल्यांना पुढे ढकलले होते. या हल्ल्यात एकूण 1320 इस्त्रायली मृत्युमुखी पडले होते, तर 251 हून अधिक जणांना ओलीस ठेवण्यात आले होते. IDF चा दावा आहे की, अल-इस्सा यानेच या हल्ल्याची योजना आखली होती आणि दहशतवाद्यांच्या प्रशिक्षणासाठी स्थापन केलेल्या मुख्यालयाचा प्रमुख म्हणूनही त्याने काम केले होते.

हमासच्या शेवटच्या दहशतवाद्यांपैकी एक

IDF ने सांगितले की, अल-इस्सा हा गाझा पट्टीत उरलेल्या हमासच्या शेवटच्या वरिष्ठ दहशतवाद्यांपैकी एक होता. IDF ने असेही म्हटले की, 7 ऑक्टोबरला इस्त्रायलमध्ये झालेल्या नरसंहारात सहभागी असलेल्या सर्व दहशतवाद्यांचा शोध घेणे सुरू ठेवेल आणि त्यांना एकेक करून ठार करेल. जेरूसलम पोस्टनुसार, अल-इस्सा याने इज अल दीन अल कस्साम ब्रिगेडच्या सैन्य अकादमीची स्थापना केली होती, जिथे त्याने हजारो दहशतवाद्यांना प्रशिक्षण दिले होते. तो 2005 मध्ये सिरियातून गाझाला आला होता आणि गेल्या काही महिन्यांत हमासच्या खराब झालेल्या संघटनात्मक यंत्रणांच्या पुनर्बांधणीत महत्त्वाची भूमिका बजावत होता.