Nepal Floods : शौचालयासाठी खड्डा खणत होता, तितक्यात पुराने त्याला गिळलचं होतं, पण.. देव तारी त्याला कोण मारी

Nepal Floods : नेपाळमध्ये सर्वकाही होत्याचं नव्हतं झालं आहे. अनेकांची संसारं उद्ध्वस्त झाली. मातीचा विशाल प्रवाह सर्वकाही वाहून गेलं… अनेकांनी स्वतःचे प्राण गमावले. तर काही अद्यापही बेपत्ता आहे. समोर येत असलेल्या माहितीनुसार, 700 लोकं बेपत्ता आहेत. पण या घटनेतून जे नशिबाने बचावले आहेत, त्यांचे थरारक अनुभव आता समोर येत आहेत. समोर येत असलेल्या माहितीनुसार, एक 24 वर्षीय तरुण या घटनेतून बचावला आहे. त्या नेपाळी तरुणाचं नाव विवेक कुमाल असं आहे… तर 11 वर्षांची चिमुकली रिहाना लामिछाने देखील तिचा थरारक अनुभव सांगितला आहे.

नेपाळमधील रसुवा जिल्ह्याला लागून असलेल्या बिदुर भागात विवेक कुमाल एका नव्या घराच्या बाहेर शौचालयासाठी 5 फूट खोल खड्डा खोदण्याचे काम करत होता. काम करत असताना अचनाक मोठा आवाज आला पाहिलं तर मातीचा विशाल प्रवाह येत होता. तेव्हा विवेक कुमाल याच्यासोबत काम करणारे सर्व सहकाऱ्यांनी स्वतःचा जीव वाचवण्यासाठी तेथून पळ काढला.

उपचारा दरम्यान आलेला अनुभव सांगत विवेक म्हणाला. ‘खड्ड्यातून बाहेर पडल्यानंतर पाहिलं तर, माझे सर्व सहकारी पळून लागले होते. पण पळणार तितक्यात मोठ्या लाटेती भिंत आणि मला तिने वाहून नेलं.’ पाण्याने वाहून नेल्यानंतर विवेक आंब्याच्या झाडामध्ये अडकला. त्याने झाडाला घट्ट पकडून ठेवलं. मी सर्वत्र पाहिलं तेव्हा मला कळलं की, ज्या घराचं मी बांधकाम करत होते, ते पाण्याच्या प्रवाहात एक झटक्यात वाहून गेलं. माझ्या डोळ्या देखत सर्वकाही संपलं होतं… समोर आलेल्या माहितीनुसार, विवेक याच्या पायाल गंभीर दुखापत झाली आहे.

11 वर्षांची चिमुकली बचावली…

या धक्कादायक घटनेनंतर 11 वर्षीय रिहाना लामिछाने हिने देखील अंगावर काटा आणणारा अनुभव सांगितला आहे. तिने सांगितल्यानुसार, पूर आल्यामुळे शाळा सोडण्यात आली. रिहाना जेव्हा घरी आली, तेव्हा अचनाक पाण्याची पातळी वाढली आणि मागून विशाल पाण्याचा प्रवाह आला. यामध्ये रिहाना हिचे मित्र वाहून गेले. पण दैव बलवत्तर होतं, म्हणून रिहाना बचावली. एका मित्राच्या सतर्कतेमुळे आणि आईच्या धावपळीमुळे रिहानाला वेळेत वाचवण्यात आले. समोर येत असलेल्या माहितीनुसार, रिहाना हिच्या छातीला आणि पायाला गंभीर दुखापत झाली आहे.