भरपाई द्या, भारत, चीन आणि अमेरिका विरोधात नेपाळची UN मध्ये धाव, थेट..
नेपाळमध्ये मोठा पूर झाला. या पुरात हजारो लोक वाहून गेली. त्यातच आता अत्यंत मोठी माहिती पुढे येत आहे. नेपाळने स्पष्ट म्हटले की, आम्हाला मदत नको, आम्हाल भरपाई द्या. यासोबतच त्यांनी भारत, चीन आणि नेपाळवर गंभीर आरोप केली.
नेपाळमध्ये 26 ऑगस्ट 2026 रोजी मोठा पूर आला. या पुराने एकच थैमान घातले. या पुरात तब्बल 1204 लोकांचा जीव गेला. यासोबतच 4216 लोक बेपत्ता आहेत. काही प्रेत भारतातही वाहून आली. अजूनही लोकांचा शोध सुरू आहे. नेपाळमधील पुराच्या घटनेनंतर भारताने मोठी मदत नेपाळमध्ये पाठवली. नेपाळमध्ये मदत पाठवणारा पहिला देश भारत होता. भारतासोबतच अन्य देशांनी नेपाळला मदत केली. सुरूवातीला ज्यावेळी भारताने नेपाळला बचावकार्यात मदत करण्याचा प्रस्ताव दिला, त्यावेळी नेपाळने ती मदत नाकारली.नेपाळने मदत नाही तर भरपाई द्या अशी मागणी केली. नेपाळचे पंतप्रधान बालेन शाह यांनी रसुवामधील भोटेकोशी नदीवरील पूर हा जलवायू परिवर्तनाने झाल्याचे म्हटले. यासोबतच हिमालयी क्षेत्रातील जलवायू मोठे आव्हान असल्याचे त्यांनी म्हटले.
सोशल मीडियावर पोस्ट शेअर करत त्यांनी हिमालयाचे तापमान 1.8 डिग्री सेल्सिअस असल्याचे म्हटले. तज्ज्ञांचे म्हणणे आहे की, ही घटना बर्फ आणि पर्वताचा भाग उंचीवरून पडल्याने झाली. पंतप्रधानांनी म्हटले की, सरकारचे लक्ष शोध मोहिम, बचावकार्य आणि लोकांपर्यंत मदत पोहोचवण्यावर केंद्रीत आहे. दुसरीकडे त्यांनी जलवायूच्या संकटापासून वाचण्यासाठी मदत नाही तर भरपाई मागितली आहे.
भारत, चीनचे नाव घेत त्यांनी भरपाई मागितली. काठमांडूचा इरादा इतका जास्त पक्का आहे की, त्यांनी थेट याची भरपाई मागण्यासाठी आंतरराष्ट्रीय मंचावर धाव घेतली. नेपाळचे पंतप्रधान बालेन शाह यांनी संयुक्त राष्ट्र महासभा अर्थात (UNGA) मध्ये हे प्रकरण पाठवत आहेत. यासाठी खास योजनाही त्यांच्याकडून तयार केली जातंय. नेपाळचे विदेशमंत्री शिशिर खनाल यांनी याकरिता तीन देशांना जबाबदार धरले आहे.
त्यात भारत, चीन आणि अमेरिका यांचा समावेश आहे. या हवामानविषयक आपत्तीचा सामना करण्यासाठी नेपाळने मदतीऐवजी नुकसानभरपाईची मागणी केली आहे. चीन, भारत आणि अमेरिका या देशांकडून ही मागणी करण्यात आली आहे, कारण हे देश हरितगृह वायूंचे सर्वाधिक उत्सर्जन करणाऱ्या जगातील प्रमुख देशांपैकी आहेत, असे नेपाळचे म्हणणे आहे. त्यांनी रशियाकडेही मदत मागितली.
