गुप्त रिपोर्ट पुढे, पाकिस्तान काश्मीरच्या मुद्द्यावर खालच्या पातळीला, थेट अमेरिकेचा नकार, जोरदार..

गेल्या काही वर्षात पाकिस्तान आणि अमेरिकेत संबंध सुधारले आहेत. मात्र, हे फक्त वरून वरून दाखवले जाते. ज्यावेळी भारताचा मुद्दा येतो, त्यावेळी पाकिस्तान आणि अमेरिकेत मतभेद निर्माण होतात. नुकताच धक्कादायक माहिती पुढे आली. ज्याने पाकिस्तान किती खालच्या पातळीवर जाऊ शकतो, हे पुन्हा एकदा जगापुढे आले, काश्मीरच्या मुद्द्यात पाकिस्तान अमेरिकेची मदत मागण्याकरिता गेले असता अमेरिकेने थेट पाकिस्तानलाच तोंडावर पाठवले. भारताने वेळोवेळी स्पष्ट केले की, काहीही झाले तरीही काश्मीरच्या मुद्द्यात कोणत्याही देशाची लुटबुड सहन करणार नाही. काश्मीरचा मुद्दा फक्त भारत आणि पाकिस्तानमधील आहे, त्यामुळे यात कोणालाही बोलण्याचा विषयच येत नाही. यादरम्यानच आता 2022 चे गुप्त कागदपत्र पुढे आली, ज्याने मोठी खळबळ उडाली.

अमेरिका आणि पाकिस्तान यांच्यातील मतभेद पुढे आलेत. पाकिस्तानची नेहमीच तक्रार आहे की, काश्मीरच्या मुद्द्यात अमेरिका त्यांचे पूर्ण समर्थन करत नाही. ड्रॉप साईट न्यूजने केलेल्या गुप्त माहितीच्या आधारे हे प्रकरण उघडकीस आले आहे. गुप्त कागदपत्रांनुसार, काश्मीर, युक्रेन रशिया युद्ध आणि चीन या मुद्द्यात पाकिस्तान आणि अमेरिका यांच्यात मतभेद आहेत. गुप्त कागदपत्रातील माहितीनुसार, 7 मार्च 2022 रोजी पाकिस्तानचे तत्कालीन अमेरिकी राजदूत आसद मजीद खान यांनी अमेरिकी परराष्ट्र विदेश मंत्री डोनाल्ड लू यांच्यासोबत भेट घेतली.

काही तास यांच्यात बैठक झाली. या बैठकीत पाकिस्तानने अमेरिकेवर दुटप्पी भूमिका घेत असल्याचा आरोप केला. आसद मजीद खान यांनी वॉशिंग्टन पाकिस्तानच्या प्रत्येक मुद्द्यात समर्थन देतो पण काश्मीरच्या मुद्द्यात समर्थन देत नाही. युक्रेन युद्धात भारताची तटस्थता आणि रशियासोबतचे संबंध याबाबत अमेरिका खूपच सौम्य भूमिका घेत आहे, पण पाकिस्तावर दबाव आणत आहे.

असद मजीद खान यांनी डोनाल्ड लू यांना सांगितले की, अमेरिकी सिनेटच्या उपसमितीच्या सुनावणीत भारताच्या भूमिकेचा बचाव करणाऱ्या लू यांच्या वक्तव्यामुळे पाकिस्तानला दुटप्पीपणाचा अनुभव आला. अमेरिका भारत आणि पाकिस्तान यांच्याबाबत वेगवेगळी भूमिका घेत आहे. डोनाल्ड लू यांनी पाकिस्तानच्या या आरोपांवर म्हटले की, अमेरिका भारताकडे प्रामुख्याने चीनसोबतच्या सामरिक स्पर्धेच्या दृष्टिकोनातून पाहते. या रिपोर्टवरून कळते की, पाकिस्तानच्या मनात भारताबद्दल किती जास्त विष आहे.