PM Modi At UNGA : ‘जेव्हा भारताचा विकास होतो, तेव्हा जगाचा विकास होतो’, संयुक्त राष्ट्रातील मोदींच्या भाषणातील मुख्य मुद्दे
जलवायू परिवर्तन, दहशतवाद, आदी मुद्द्यांकडे पंतप्रधान मोदींनी जगाचं लक्ष वेधलं. दहशतवाचा धोका एकट्या भारताला नाही तर संपूर्ण देशाला असल्याचं मोदी यांनी आवर्जुन सांगितलं. जेव्हा भारताची प्रगती होते, तेव्हा जगाच्या प्रगतीतही हातभार लागतो, असं मोदी यांनी आवर्जुन सांगितलं.
नवी दिल्ली : पंतप्रधान नरेंद्र मोदी यांनी आज संयुक्त राष्ट महासभेच्या 76 व्या सत्राला संबोधित केलं. त्यावेळी त्यांनी भारताचं जगाप्रति असलेलं दायित्व मांडलं. तसंच कोरोना संकटाच्या पार्श्वभूमीवर भारतानं केलेलं कार्य आणि लसनिर्मितीबाबत पंतप्रधान नरेंद्र मोदी यांनी मोठं भाष्य केलं. तसंच जगातील लस निर्मिती कंपन्यांनी भारतात यावं असंही मोदी यावेळी म्हणाले. त्याचबरोबर जलवायू परिवर्तन, दहशतवाद, आदी मुद्द्यांकडे पंतप्रधान मोदींनी जगाचं लक्ष वेधलं. दहशतवाचा धोका एकट्या भारताला नाही तर संपूर्ण जगाला असल्याचं मोदी यांनी आवर्जुन सांगितलं. जेव्हा भारताची प्रगती होते, तेव्हा जगाच्या प्रगतीतही हातभार लागतो, असं मोदी यांनी आवर्जुन सांगितलं. (PM Narendra Modi’s speech at the UN General Assembly)
पंतप्रधान मोदींच्या UNGA मधल्या भाषणातील प्रमुख मुद्दे
‘मागील दीड वर्षापासून संपूर्ण जग, 100 वर्षातील सर्वात मोठ्या महामारीचा सामना करत आहे. अशा भयंकर महामारीमध्ये प्राण गमावलेल्या लोकांना मी श्रद्धांजली अर्पण करतो. तसंच त्यांच्या परिवारासमोर संवेदना प्रकट करतो, अशा शब्दात मोदींनी UNGAतील आपल्या भाषणाला सुरुवात केली.
मदर ऑफ डेमोक्रसी
‘मी अशा देशाचं प्रतिनिधित्व करत आहे, ज्याला मदर ऑफ डेमोक्रसीचा गौरव प्राप्त आहे. लोकशाहीची आमची हजारो वर्षांची परंपरा राहिली आहे. या 15 ऑगस्टला भारताने आपल्या स्वातंत्र्याच्या 75 व्या वर्षात प्रवेश केला. आमची विविधता ही आमच्या सशक्त लोकशाहीची ओळख आहे. एक असा देश ज्यात डझनावारी भाषा, शेकडो बोली भाषा आहेत. वेगवेगळे रहाणीमान, खानपान आहे. हे व्हायब्रंड लोकशाहीचं उदाहरण आहे’, असं मोदींची आवर्जुन सांगितलं.
‘ही भारताच्या लोकशाहीची ताकद आहे की एक छोटा मुलगा एका रेल्वे स्थानकावरील चहाच्या टपरीवर आपल्या वडिलांची मदत करत होता. तो आज चौथ्यांदा पंतप्रधान म्हणून UNGA ला संबोधित करत आहे’, असं मोदी यावेळी म्हणाले.
ये भारत के लोकतंत्र की ताकत है कि एक छोटा बच्चा जो कभी एक रेलवे स्टेशन की टी स्टॉल पर अपने पिता की मदद करता था वो आज चौथी बार भारत के प्रधानमंत्री के तौर पर UNGA को संबोधित कर रहा है : प्रधानमंत्री नरेंद्र मोदी संयुक्त राष्ट्र महासभा के 76 वें सत्र को संबोधित करते हुए pic.twitter.com/ifS8YDaKeR
— ANI_HindiNews (@AHindinews) September 25, 2021
‘भारताने जगातील पहिली DNA व्हॅक्सिन विकसीत केली’
‘भारताचा व्हॅक्सिन डिलीव्हरी प्लॅटफॉर्म कोवीन एका दिवसात कोट्यवधी व्हॅक्सिन डोस देण्यात डिजीटल सहाय्यता देत आहे. मी UNGA ला ही माहिती देऊ इच्छितो की भारताने जगातील पहिली DNA व्हॅक्सिन विकसीत केली आहे. ही व्हॅक्सिन 12 वर्षापेक्षा अधिक वय असलेल्या सर्वांना दिली जाऊ शकते. भारताचे वैज्ञानिक एक नेजल व्हॅक्सिनच्या निर्माण कार्यात लागले आहेत. मानवते प्रति आपलं दायित्व लक्षात घेता भारताने पुन्हा एकदा जगाला व्हॅक्सिन देणं सुरु केलं आहे’, अस मोदी आपल्या भाषणात म्हणाले. त्याचबरोबर मोदींनी आपल्या भाषणातून जगातील लसनिर्मिती कंपन्यांना भारतात येण्याचं निमंत्रण दिलं.
#WATCH: मैं UNGA को ये जानकारी देना चाहता हूं कि भारत ने दुनिया की पहली DNA वैक्सीन विकसीत कर ली है जिसे 12 साल से ज्यादा आयु के सभी लोगों को लगाया जा सकता है : प्रधानमंत्री नरेंद्र मोदी संयुक्त राष्ट्र महासभा के 76 वें सत्र को संबोधित करते हुए pic.twitter.com/E9LDPEuLce
— ANI_HindiNews (@AHindinews) September 25, 2021
‘दूषित पाणी ही जगाची समस्या’
दूषित पाणी ही भारतच नाही तर जगातील सर्व, खासकरुन गरीब आणि विकसनशील देशांसाठी मोठी समस्या आहे. भारतात या संकटाचा सामना करण्यासाठी आम्ही 17 कोटीपेक्षा अधिक घरापर्यंत पाईप लाईनद्वारे पानी पोहोचवण्याचं मोठं कार्य केलं आहे.
#WATCH: प्रदूषित पानी, भारत ही नहीं पूरे विश्व और खासकर गरीब और विकासशील देशों की बहुत बड़ी समस्या है। भारत में इस चुनौती से निपटने के लिए हम 17 करोड़ से अधिक घरों तक, पाइप से साफ पानी पहुंचाने का बहुत बड़ा अभियान चला रहे हैं। pic.twitter.com/KnPkDKlXn0
— ANI_HindiNews (@AHindinews) September 25, 2021
दहशतवादावरुन मोदींचा पाकिस्तानला इशारा
पंतप्रधान नरेंद्र मोदी यांनी अफगाणिस्तानात सुरू असलेल्या दहशतवादी कारवायांवरून पाकिस्तान आणि चीनचं नाव न घेता या दोन्ही देशांचे कान उपटले. जो देश दहशतवादाचा राजकीय हत्यार म्हणून वापर करत आहेत, त्यांनीही हाच दहशतवाद त्यांच्यासाठी धोकादायक ठरू शकतो याचं भान ठेवावं, असं सांगतानाच अफगाणिस्तानच्या भूमीचा दहशतवादासाठी वापर होता कामा नये. त्यासाठी आपल्याला सतर्क राहिलं पाहिजे, असं आवाहन मोदींनी केलं. अफगाणिस्तानातील महिला आणि मुलांना आपली गरज आहे. त्यामुळे त्यांना मदत करणं हे आपलं दायित्व आहे, असंही ते म्हणाले.
प्रतिगामी सोच के साथ, जो देश आतंकवाद का राजनीतिक उपकरण के रूप में इस्तेमाल कर रहे हैं, उन्हें ये समझना होगा कि आतंकवाद, उनके लिए भी उतना ही बड़ा खतरा है: प्रधानमंत्री नरेंद्र मोदी संयुक्त राष्ट्र महासभा के 76 वें सत्र को संबोधित करते हुए pic.twitter.com/babBfR6ifu
— ANI_HindiNews (@AHindinews) September 25, 2021
आमचे समुद्र ही आमची विरासत
आमचे समुद्र ही आमची विरासत आहेत. त्यामुळे आम्ही हे लक्षात घ्यावं की समुद्री शक्तीचा आपण योग्य वापर केला पाहिजे. आमचे समुद्र हे आंतरराष्ट्रीय व्यापाराची लाईफलाईनही आहेत. आम्हाला विस्तार आणि बहिष्काराच्या शर्यतीत धावण्यापासून रोखण्याची गरज आहे, असंही मोदी यांनी नमूद केलंय.
43 कोटीपेक्षा जास्त लोक बँकिंग व्यवस्थेशी जोडले
‘मागील 7 वर्षात भारतात 43 कोटीपेक्षा जास्त लोक बँकिंग व्यवस्थेशी जोडले गेले आहेत. 36 कोटीपेक्षा अधिक अशा लोकांना विमा कवच मिळालं आहे, जे त्याबाबत आधी विचारही करत नव्हते. 50 कोटीपेक्षा जास्त लोकांना मोफत उपचाराचा लाभ देत त्यांना क्वालिटी हेल्थशी जोडलं आहे’, असंही मोदींनी यावेळी सांगितलं.
इतर बातम्या :
PM Narendra Modi’s speech at the UN General Assembly
