PM Modi : इंडोनेशियाला ब्रह्मोस देणार त्या बदल्यात मोदींना त्यांच्याकडून तितकीच महत्वाची गोष्ट हवी, भारताच्या भविष्यासाठी खूप आवश्यक
PM Modi Indonesia Tour : पंतप्रधान नरेंद्र मोदी येत्या सोमवारपासून तीन देशांच्या दौऱ्यावर जाणार आहेत. त्यात इंडोनेशियाचा दौरा खूप महत्वाचा आहे. या दौऱ्यामध्ये भारताची रणनितीक उद्दिष्ट्य दडलेली आहेत. म्हणून पीएम मोदींचा हा दौरा खूप महत्वाचा असणार आहे.
भारताचे पंतप्रधान नरेंद्र मोदी येत्या 6 जुलैपासून तीन देशांच्या दौऱ्यावर जाणार आहेत. इंडोनेशिया, न्यूझीलंड आणि ऑस्ट्रेलिया. पीएम मोदी सर्वात आधी इंडोनेशियाला जातील. तिथे मोदी भारताच्यावतीने एक महत्वाची डील करणार आहेत. त्यामुळे भारताची डिफेन्स निर्यात आणि ऊर्जा सुरक्षा अजून भक्कम होईल. इंडोनेशियाला भारताकडून अजून ब्रह्मोस मिसाइल हवी आहेत. त्यामध्ये त्यांनी रस दाखवला आहे. भारताला इंडोनेशियाकडून क्रिटिकल मिनिरल्स हवे आहेत. मार्च महिन्यात भारत आणि इंडोनेशियामध्ये ब्रह्मोस बॅटरी संदर्भात करार झाला आहे. पण इंडोनेशियाला ही मिसाइल्स विकत घेण्यासाठी सोप्या अटींची कर्ज सुविधा हवी आहे. “इंडोनेशियाचाया सोबतच्या संबंधात संरक्षण सहकार्य एक महत्वाचा भाग आहे. पण यावर आता विस्ताराने बोलण्याची गरज नाही. कारण आपण या प्रक्रियेच्या सुरुवातीच्या टप्प्यावर आहोत. सर्व गोष्टी तयारीच्या टप्प्यावर आहेत” असं परराष्ट्र मंत्रालयाचे सचिव रुद्रेंद टंडन यांनी प्रिंटला सांगितलं.
इंडोनेशियाने भारतासोबत ब्रह्मोस मिसाइलची बॅटरी विकत घेण्यासाठी प्रारंभिक करार केला होता. आता इंडोनेशियाला भारताकडून अजून ब्रह्मोस मिसाइल्स हवे आहेत. त्यांनी भारताकडे सोप्या क्रेडिट लाइनची मागणी केली आहे. म्हणजे त्यांना सोप्या अटींवर कर्ज हवं आहे. इंडोनेशियाला दक्षिण चीन समुद्रात चीनच्या आक्रमकतेचा सामना करायचा आहे. त्यांना किनारपट्टीची सुरक्षितता आणि हल्ला करण्याची क्षमता वाढवायचा आहे.
भारताचा उद्देश काय?
इंडोनेशियामध्ये जगातील सर्वात जास्त निकलच प्रोडक्शन होतं. हे एक क्रिटिकल मिनरल आहे. इलेक्ट्रिक कारच्या बॅटऱ्यांसह स्वच्छ ऊर्जा तंत्रज्ञान निर्मितीमध्ये निकलची गरज लागते.
भारत आपल्या स्टील उत्पादनासाठी 80 टक्क्यापेक्षा जास्त फेरोनिकल इंडोनेशियाकडून विकत घेतो. मोदी यांच्या दौऱ्याच्या निमित्ताने भारतीय कंपन्या इंडोनेशियन कंपन्यांसोबत मिळून महत्वाचा करार करु शकतात.
सध्या इंडोनेशियाच्या निकल उत्पादन क्षमतेवर 75 टक्क्यापेक्षा जास्त चीनचं नियंत्रण आहे. इंडोनेशियाला सुद्धा चीनचा कंट्रोल कमी करायचा आहे. भारताला चीनवर अवलंबून राहणं कमी करायचं आहे.
एक मोठा रणनितीक डावपेच
भारताचा ग्रेट निकोबार द्वीपसमूह इंडोनेशियाच्या सुमात्रा बेटापासून 150 किलोमीटर अंतरावर आहे. भौगोलिक दृष्ट्या इंडोनेशिया भारताच्या जवळच्या शेजाऱ्यांपैकी एक आहे. म्हणून इंडोनेशिया सोबतचा ब्रह्मोस मिसाइल करार भारतासाठी एक मोठा रणनितीक डावपेच आहे. इंडोनेशियाच्या क्रिटिकल मिनरल्सवर चीनचा ताबा आहे.
