पुतिन यांची सीजफायरची घोषणा,सणापुरती युद्धबंदी, यूक्रेनला ईस्टर ब्रेक

रशिया आणि युक्रेन घमासाम युद्ध सुरु असतानाच एक दिलासादायक वृत्त आले आहे. ईस्टर सणाच्या निमित्ताने रशियाचे राष्ट्राध्यक्ष व्लादिमीर पुतीन यांनी युद्धविरामाची घोषणा केली आहे. हा निर्णय अशा क्षणी घेतला आहे ज्यावेळी दोन्ही देशांतील तणाव परमोच्च पातळीवर पोहचला असून रशियाने नुकत्याच केलेल्या क्षेपणास्र हल्ल्यात अनेक जणांचा मृत्यू झाला आहे. युद्धविरामाचा हा निर्णय मानवी सहाय्यता आणि धार्मिक सणाच्या पार्श्वभूमीवर घेतलेला आहे. ज्यास आंतरराष्ट्रीय समुदायाने शांततेचा एक प्रयत्न म्हणून पाहात आहे. रशियाचे राष्ट्राध्यक्ष व्लादिमीर पुतीन यांनी शनिवारी रात्री ८.३० वाडल्यापासून ते रविवारीच्या मध्यरात्रीपर्यंत युद्धविरामाची घोषणा केली आहे.

पुतीन यांनी का केली सीजफायरची घोषणा

राष्ट्राध्यक्ष पुतीन यांनी संपूर्णत:मानवी दृष्टीकोनातून हा निर्णय घेतलेला आहे. गुड फ्रायडे नंतर ईस्टर सण्डे हा धार्मिकदृष्ट्या महत्वाचा सण मानला जात आहे. परंतू हा युद्धविराम काही तासांचा आहे. परंतू युद्धाने थकलेल्या लोकांसाठी हा महत्वाचा निर्णय मानला जात आहे.

युद्धविरामाची ही घोषणा मानवीय दृष्टीकोनातून आणि ख्रिस्ती बांधवाच्या दृष्टीकोनातून घेतलेला आहे. या आंतरराष्ट्रीय समुदायाकडून याकडे रशियाने शांततेसाठी उचलले एक पाऊल म्हणून पाहीले जात आहे. काही दिवसांपूर्वी रशियाने मोठा हल्ला करीत युक्रेनच्या रहिवासी इमारतींना लक्ष्य केले होते. रशियाचे राष्ट्राध्यक्ष व्लादिमीर पुतीन यांनी शनिवार रात्री ८.३० वाजल्यापासून ते रविवारी रात्री उशीरापर्यंत युद्धविराम जाहीर केला आहे.

पुतीन यांनी आशा व्यक्त केली आहे की युक्रेनने देखील या पावलाचे स्वागत करुन त्यांच्याकडूनही युद्धविरामाची घोषणा केली पाहीजेत अशी आशा पुतीन यांनी व्यक्त केली आहे. ते पुढे म्हणाले की जर युक्रेनला खरंच शांतता हवी असेल तर त्यालाही रशियासारखे युद्धविरामाची घोषणा करायला हवी. पुतीन म्हणाले की ईस्टर हा केवळ सण नाही तर दयाळूपणा, आणि अस्तित्वाचे प्रतिक आहे. या निमित्ताने शस्रांना शांत ठेवणेच सर्वात उपयुक्त निर्णय असल्याचेही पुतीन यांनी म्हटले आहे.

युक्रेनने युद्धबंदीचे उल्लंघन केले तर..

पुतीन यांनी यावेळी असाही इशारा दिला की जर युक्रेनकडून युद्धबंदीचे उल्लंघन झाले तर रशियन सैन्य तात्काळ कारवाई करेल असेही पुतिन यांनी स्पष्ट केले आहे. पुतीन यांनी आपल्या लष्करी कमांडरना सैन्याला पूर्णपणे सतर्क ठेवण्याचे आणि कोणत्याही हल्ल्याला प्रत्युत्तर देण्यासाठी सज्ज राहण्याचे निर्देश दिले आहेत. याचा अर्थ असा की युद्धबंदी ही एकतर्फी नसते, तर ती परस्पर संमती आणि आदरभाव यांच्यावरच आधारित आहे असेही पुतीन यांनी म्हटले आहे.

युक्रेनकडून कोणतीही प्रतिक्रिया आलेली नाही

या युद्धबंदीच्या घोषणेनंतर, आता सर्वांच्या नजरा युक्रेनकडे लागल्या आहेत. युक्रेनची कीव सरकार याच दृष्टीने युद्धविराम करीत शांततेसाठी आपला हात पुढे करेल का?, की ही शस्रसंधी देखील पूर्वीसारखीच अयशस्वी ठरेल? रशियाच्या या पावलांवर युक्रेनकडून कोणतीही प्रतिक्रिया आलेली नाही, परंतु पाश्चात्य देश आणि आंतरराष्ट्रीय संस्थांनी या युद्धबंदीकडे संभाव्य चर्चेची सुरुवात म्हणून पाहत आहेत.