पाकिस्तानला अत्यंत मोठा धक्का, मित्र देशानेच केली मोठी पोलखोल, थेट पाकची…

आंतरराष्ट्रीय पातळीवर पाकिस्तानला एका मागून एक धक्के बसताना दिसत आहेत. तुर्की पूर्वीपासूनच पाकिस्तानचा चांगला मित्र राहिला. मात्र, आता तुर्कीनेही अत्यंत मोठा झटका पाकला दिला. यामुळे पाकिस्तानच्या अडचणीत चांगलीच मोठी वाढ झाल्याचे बघायला मिळत आहे. अंकाराने स्पष्ट केले आहे की सौदी अरेबिया आणि पाकिस्तानसोबत कोणत्याही बहुपक्षीय संरक्षण करारात सामील होणार नाहीत. भारताने ज्याप्रकारे पाकिस्तानात घुसून दहशतवाद्यांचे कंबरडे मोडले, त्यानंतर पाकिस्तानने साैदी अरेबियासोबत मोठा संरक्षण करार केला. पाकिस्तानवर हल्ला म्हणजे साैदी अरेबियावर समजला जाणार असल्याचा तो करार आहे. आता यादरम्यानच तुर्कीने हातवर गेले. पाकिस्तानला तुर्कीकडून मोठ्या अपेक्षा असताना तुर्कीने हा मोठा झटका दिला.

एएफपीच्या अहवालानुसार, तुर्कीच्या संरक्षण अधिकाऱ्यांनी बोलताना स्पष्टपणे सांगितले की, एर्दोगान सरकार पाकिस्तान आणि सौदी अरेबियासोबतच्या कोणत्याही संरक्षण कराराचा भाग नाही. हेच नाही तर त्यांनी म्हटले की, आम्हाला असा संरक्षण करारात कोणत्याही रस नाहीये. त्यांनी पुढे म्हटले, सौदी अरेबिया कोणत्याही बहुपक्षीय व्यवस्थेच्या बाजूने नक्कीच नाही, ते फक्त द्विपक्षीय संरक्षण करारांना प्राधान्य देतात, ही वस्तू स्थिती आहे.

हेच नाही तर तुर्कीने पाकिस्तानबद्दल चिंता व्यक्त केली आहे. भारत, अफगाणिस्तान आणि इराणसारख्या देशांसोबत अगोदरच पाकिस्तानचे संबंध तणावात आहेत. पाकिस्तानच्या सीमेवर तणाव बघायला मिळतोय. पाकिस्तान सैन्य दबावात असल्याचेही सांगितले जाते. तुर्कीने यादरम्यान पाकिस्तानमधील आर्थिक स्थितीकडेही बोट दाखवले मजबूत अर्थव्यवस्था मजबूत लष्करासाठी उपयुक्त ठरेल, असेही त्यांनी म्हटले.

तुर्की आणि पाकिस्तानने त्यांचे संवर्धन संबंध मजबूत असल्याचे अधोरेखित केले आहे. तुर्कीने पाकिस्तानच्या सर्वच गोष्टींवर थेट भाष्य केल्याने मोठी खळबळ उडाली. हेच नाही तर त्यांनी त्यांची भूमिका स्पष्ट केली. गेल्या काही वर्षांपासून तुर्की सातत्याने पाकिस्तानला मदत करताना दिसत आहे. मात्र, तुर्की सध्याच्या परिस्थितीमध्ये पाकला भविष्यात किती मदत करेल, हे सांगणे कठीण आहे. तुर्कीने पहिल्यांदाच अशाप्रकारचा झटका पाकला दिला आहे.