तुम्ही अप्रामाणिक आहात की मूर्ख.. भर मुलाखतीमध्ये डोनाल्ड ट्रम्प संतापले, थेट अर्ध्यातच..

अमेरिकेचे अध्यक्ष डोनाल्ड ट्रम्प गेल्या काही दिवसांपासून सतत चर्चेत आहेत. डोनाल्ड ट्रम्प यांनी इराणवर हल्ला केल्यापासून त्यांच्यावर जगाचा दबाव आहे. इस्त्रायलच्या नादी लागू अमेरिकेने इराणवर हल्ला करण्याची चूक केल्याचे बोलले जात आहे. हेच नाही तर डोनाल्ड ट्रम्प यांना अमेरिकेतूनही मोठा विरोध होत आहे. इराणसोबतच्या युद्धाचे परिणाम अमेरिकेत दिसत आहेत. इराणजवळ मोठ्या संख्येने अमेरिकेच्या युद्धनाैका तैनात आहेत. या युद्धात इराणकडून अमेरिकेचे अनेक लढाऊ विमाने पाडण्यात आली. अमेरिकेत महागाई मोठ्या प्रमाणात वाढली. डोनाल्ड ट्रम्प यांच्यावर होणारी टीका चांगलीच वाढली आहे. नुकताच डोनाल्ड ट्रम्प यांनी एक मुलाखत दिली. या मुलाखतीदरम्यान डोनाल्ड ट्रम्प यांनी मोठा संताप व्यक्त केला. हेच नाही तर त्यांचा भडका इतका जास्त उठला की, त्यांनी मुलाखत अर्धवट सोडून दिली. रागाने ते उठून चालत राहिले.

डोनाल्ड ट्रम्प मुलाखतीदरम्यान थेट पत्रकारालाच अप्रामाणिक आणि मुर्ख म्हणतानाही दिसले. डोनाल्ड ट्रम्प रविवारी एनबीसीच्या मीट द प्रेस या कार्यक्रमात सहभागी झाले होते. यादरम्यान पत्रकाराने त्यांना कॅलिफोर्नियातील निवडणुकीत झालेल्या फसवणुकीच्या दाव्यांचा वारंवार पुरावा विचारला. तेव्हा त्यांचा संताप झाला. कोणताही विचार न करता ते थेट राष्ट्रीय दूरदर्शनवर प्रसारित होणाऱ्या मुलाखतीतून निघून गेले.

लिफोर्नियातील मतमोजणीच्या संथ गतीने सुरू असल्याचे सांगत डोनाल्ड ट्रम्प यांनी आरोप केले. यावर मुलाखत घेणाऱ्या पत्रकाराने म्हटले की, मतमोजणीला इतका वेळ लागणे ही कॅलिफोर्नियामध्ये मतपत्रिका मोजण्याची सामान्य पद्धत आहे. यावर डोनाल्ड ट्रम्प भडकले आणि म्हटले की, तुम्हाला माहिती आहे का? ते तसे का करत आहेत ते? कारण ते निवडणुकीत हेराफेरी करत आहेत.

यादरम्यान डोनाल्ड ट्रम्प यांना थेट विचारण्यात आले की, ते अशाप्रकारचा दावा करत आहेत तर त्यांच्याकडे काही पुरावा आहे का? पुरावा मागताच डोनाल्ड ट्रम्प यांचा भडका उडाला. त्यांनी म्हटले की, मला बघायचे आहे. यादरम्यान डोनाल्ड ट्रम्प यांना अजून काही प्रश्न विचारण्यात आली. ते इतके जास्त भडकले की, ते मुलाखत अर्धवट सोडूनच निघून गेले.