चीनने चोरली अमेरिकेची थेट महत्वाची माहिती, आता लागणार वाट, मोठी खळबळ, डोनाल्ड ट्रम्प यांनी..

अमेरिकेचे राष्ट्राध्यक्ष डोनाल्ड ट्रम्प गेल्या काही दिवसांपासून सतत चर्चेत आहेत. इराणवर भीषण हल्ले अमेरिकेकडून करण्यात आली. पायाभूत सुविधांना टार्गेट केले जात आहे. यादरम्यानच भारतासह चीन आणि अन्य देशांवर मोठा टॅरिफ अमेरिका लावू शकते. तश्या हालचाली सध्या सुरू आहेत. रशियाकडून तेल खरेदी करणाऱ्या देशांवर निर्बंध लादण्याच्या तयारीत अमेरिका आहे. त्यामध्येच चीनवर डोनाल्ड ट्रम्प यांनी अत्यंत गंभीर आरोप केले. चीनने 22 कोटी अमेरिकन मतदारांची माहिती चोरल्याचा दावा डोनाल्ड ट्रम्प यांनी केला. डोनाल्ड ट्रम्प यांनी केलेल्या या दाव्यामुळे मोठा हाहाकार उडाला आहे. डोनाल्ड ट्रम्प यांनी अर्थव्यवस्था, राष्ट्रीय सुरक्षा आणि निवडणूक यांसारख्या अनेक महत्त्वाच्या मुद्द्यांवर भाष्य केले. इराणसोबतच युद्ध थांबले पाहिजे, याकरिता डोनाल्ड ट्रम्प यांच्यावर अमेरिकेतून दबाव आहे.

अमेरिका आणि चीन यांच्यात महासत्तासाठी संघर्ष सुरू आहे. अमेरिकेने चीनवर काही निर्बंध घालण्याची धमकी दिली. ज्यानंतर डोनाल्ड ट्रम्प थेट चीनच्या दाैऱ्यावर पोहोचले. यादरम्यान त्यांनी काही महत्वाची करार देखील केली. चीन आणि अमेरिका यांच्यातील संबंध व्यवस्थित होण्याच्या मार्गात असतानाच आता डोनाल्ड ट्रम्प यांनी चीनवर चोरीचा आरोप केला.

ट्रम्प यांनी आरोप केला की, काही अधिकारी चीनशी संबंधित प्रकरण दडपू टाकण्यासाठी सर्व प्रयत्न करत आहेत. अशा प्रकारची माहितीची चोरी अमेरिकेच्या निवडणुकीच्या सुरक्षेसाठी मोठा धोका निर्माण करते, असे डोनाल्ड ट्रम्प यांनी स्पष्ट केले. डोनाल्ड ट्रम्प यांनी म्हटले की, राजकीय पक्षांची पसंती, संपर्क क्रमांक, पत्ते  इतर बेकायदेशीर कृत्यांमध्ये सहभागी होण्यासाठी आवश्यक असलेल्या इतर संवेदनशील माहितीचा समावेश आहे.

आता डोनाल्ड ट्रम्प यांच्या आरोपाला चीन नक्की काय उत्तर देते हे पाहण्यासारखे ठरणार आहे. चीनवरही मोठा टॅरिफ लावण्याच्या तयारीत अमेरिका आहे. चीन हा रशियाकडून तेल खरेदी करणारा सर्वात मोठा देश आहे. जगात रशियाकडून सर्वात जास्त तेल खरेदी चीनच करतो. त्यानंतर भारताचा नंबर येतो. इराण आणि अमेरिका युद्धात रशियाकडून भारत जास्त प्रमाणात तेल खरेदी करतोय.