बायडन- मोदींची फोनवर चर्चा, अमेरिकेच्या संरक्षण सचिवांची तातडीची बैठक, 135 कंपन्यांच्या सीईओंची भारताला मदतीची तयारी
अमेरिकेचे संसक्षण सचिव ब्लिंकेन यांच्यासोबत झालेल्या बैठकीत अमेरिकेतील 135 कंपन्यांचे सीईओंनी भारताला मदत करण्यासाठी तयार असल्याचं जाहीर केलं आहे. 135 top US CEOs meeting with Blinken
नवी दिल्ली: कोरोना विषाणू संसर्गाच्या दुसऱ्या लाटेचा सामना भारताला करावा लागत आहे. देशभरात दररोज तीन लाखांपेक्षा जास्त कोरोना रुग्ण आढळून येत आहेत. ऑक्सिजन, रेमडेसिव्हीर, व्हेंटिलेटर्सच्या तुटवड्याला भारताला सामोरं जावं लागत आहे. या पार्श्वभूमीवर अमेरिकेचे अध्यक्ष जो बायडन आणि भारताचे पंतप्रधान नरेंद्र मोदी यांची फोन वरुन चर्चा झाली आहे. जो बायडन यांनी भारताला सर्वतोपरी मदत करण्याचं आश्वासन दिलं. त्यानंतर अमेरिकेचे संरक्षण सचिव ब्लिंकेन यांच्यासोबत झालेल्या बैठकीत अमेरिकेतील 135 कंपन्यांचे सीईओंनी भारताला मदत करण्यासाठी तयार असल्याचं जाहीर केलं आहे. (US Secretary of State Blinken meeting along with 135 US CEOs they promise to rush help to India after conversation of Joe Biden And Narendra Modi)
135 कंपन्यांच्या सीईओची मदतीची तयारी
भारताला कोरोनामुळे निर्माण झालेल्या परिस्थिती मदत करण्यासाठी तयार असल्याची माहिती अमेरिकेतील 135 सीईओंनी दिली. यूपीएस, यूनायटेड डेल्टाकडून स्वंयसेवी तत्वावर व्हेंटिलेटर्स पाठवली जाणार आहेत. ज्याचं वितरण अॅमेझॉनकडून करण्यात येईल. गुगल, आयबीएम, जे.पी.मोर्गन, नुवीन लॅब्स, फेडेक्स वॉलमार्ट, कोक, जॉन्सन अँड जॉन्सन , फायझर यांना भारतातील परिस्थितीचा जगाच्या आरोग्य व्यवस्थेवर आणि अर्थव्यवस्थेवर परिणाम होऊ शकतो, याची जाणीव आहे. अमेरिका भारताला मिलिटरी मोबाईल हॉस्पिटल आणि आयसीयू पाठवणार आहे.
अॅस्ट्राझेनका लसीचा साठा आणि कच्चा माल पाठवणार
अमेरिकन सरकार अॅस्ट्राझेनका लसीचा साठा आणि लस निर्मितासाठी कच्चा माल भारताला पाठवेल, अशी माहिती देण्यात आलीय. तर, ऑक्सिजन संबंधी उपकरणांचा अतिरिक्त साठा युद्धपातळीवर भारतीय रुग्णालयांकडे पाठवण्यात आला आहे. गुगल भारतातील कोरोना परिस्थितीचा आढावा घेत आहे. लॉकहीड मार्टीन कंपनी भारताला हेलिकॉप्टर आणि कार्गो विमानं पाठवेल. त्याचा वापर छोट्या खेड्यांमध्ये वैद्यकीय उपकरणं पोहोचवण्यासाठी होणार आहे. अमेरिका भारतासमोर उद्भवलेल्या अभूतपूर्व संकटाच्या काळात मनापासून मदतीचा हात घेऊन उभा आहे. आम्ही आर्थिक मदत, उपकरणांची मदत देखील करण्यासाठी तयार आहोत, अशी चर्चा बैठकीत झाली.
सार्वजनिक आणि खासगी क्षेत्र एकत्र येऊन या स्पिरीटनं काम करतेय हे यापूर्वी पाहिलेलं नाही. अमेरिकेचं धैर्य, बुद्धिमत्ता आणि आर्थिक संपन्नता याचा वेगवान पद्धतीनं भारताला मदत करण्यासाठी वापरत आहोत. आता आपल्याला समन्वयानं वेगवान पद्धतीनं काम करुन मदतीचं काम पार पाडायचं आहे. कोरोना विषाणू संसर्गाला अटकाव केला पाहिजे. कोरोना विषाणू संसर्गाचं भारतीय रुप मे अखेर संपूर्ण जगभरात पसरु शकतं, ते आपल्याला रोखता आलं पाहिजे, अशी चर्चा अमेरिकेचे संरक्षण सचिव ब्लिकेंन आणि 135 कंपन्यांचे सचिव यांच्यामध्ये झाली.
महाराष्ट्राची विक्रमी कामगिरी, एकाच दिवशी 5 लाखांहून अधिक लसीकरण, लवकरच दीड कोटींचा टप्पा गाठणारhttps://t.co/s7Rfp9IKBO#Maharashtra #CoronaUpdates #CoronaVaccination
— TV9 Marathi (@TV9Marathi) April 26, 2021
संबंधित बातम्या:
‘भारतात बेड्स आणि ऑक्सिजनचा तुटवडा’, बिघडलेल्या परिस्थितीवर आंतरराष्ट्रीय माध्यमं काय म्हणतात? वाचा…
(US Secretary of State Blinken meeting along with 135 US CEOs they promise to rush help to India after conversation of Joe Biden And Narendra Modi)
