जगात कोठे सर्वाधिक खाल्ले जाते बीफ, पाकिस्तानचा क्रमांक कितवा ?
Beef Consumption: जगभरात बीफ खूप खाल्ले जाते. चला माहिती घेऊयात कोणता देश बीफ खाण्यात सर्वात पुढे आहे. या यादीत असेही अनेक देश आहेत ज्यांची नावे पाहून तुम्हाला धक्का बसेल...
Beef Consumption: जगात मासांहारी लोकांची संख्या जास्त आहे आणि बिफ हे जगात सर्वाधिक खाल्ले जाणारे मांस आहे. परंतू ज्या देशात बिफ जास्त खाल्ले जाते त्यांची नावे लोकांना आश्चर्यचकीत करु शकतात. अनेक देशात बिफ आहाराचा प्रमुख भाग आहे. परंतू मोठी लोकसंख्या आणि पाळीव प्राण्यांची मुबलकता असूनही पाकिस्तानचा समावेश बीफ खाणाऱ्या प्रमुख देशात मात्र नाही. आहे ना आश्चर्याची गोष्ठ..
प्रति व्यक्ती बीफ खाण्यात कोण सर्वात पुढे
जेव्हा प्रति व्यक्ती बीफचा खपाचा आकडेवारी पाहिली तर अर्जेंटीना जगात पहिल्या स्थानावर आहे. आंतरराष्ट्रीय आकडेवारीनुसार अर्जेंटिना सरासरी एक नागरिक दर दिवशी सुमारे ४६.९३ किलोग्रॅम बीफ खातो. बीफ खाणे तेथील संस्कृती आहे. खान-पान आणि कृषी अर्थव्यवस्थेचा एक महत्वाचा भाग आहे. अमेरिकेत वार्षिक प्रति व्यक्ती सुमारे ३८.०१ किलोग्रॅम बीफ खाल्ले जात असल्याने अमेरिकेचा दुसरा क्रमांक आहे. याच प्रकारे ब्राझील देखील या बाबतीत जवळपास असून ब्राझील येथील प्रत्येक व्यक्ती वार्षिक ३५ ते ३९ किलोग्रॅम बीफ खातो.
ऑस्ट्रेलिया आणि कॅनडा यांचा समावेश
प्रति व्यक्ती बिफ खाण्याच्या बाबतीत ऑस्ट्रेलिया आणि कॅनडा देखील जगातील प्रमुख देशात सामील आहेत. ऑस्ट्रेलियन लोक वर्षाला प्रति व्यक्ती २६.९९ किलोग्रॅम बीफ खातात. तसेच कॅनेडीयन लोक देखील सरासरी सुमारे २७.५ किलोग्रॅम बीफ खातात.
एकूण बीफ खपात अमेरिका सर्वात पुढे
मात्र प्रति व्यक्ती बीफ खाण्याच्या बाबतीत अर्जेटीना सर्वात पुढे आहे. मात्र, संपूर्ण लोकसंख्येच्या प्रमाणात एकूण बीफ विक्रीत अमेरिका पहिल्या स्थानावर आहे. अमेरिकेत जगाच्या एकूण बीफ विक्रीपैकी १७.८ टक्के बीफ विक्री होते.
चीनचा दूसरा क्रमांक
जगभरातील एकूण बीफ विक्रीच्या बाबतीत चीन दुसऱ्या क्रमांकावर आहे. प्रति व्यक्ती बीफच्या विक्रीत अनेक पाश्चात्य देशांच्या तुलनेत कमी असला तरी चीनच्या विशाल लोकसंख्ये येथे एकूण बीफची मागणी जास्त आहे. हा देश जगातला सर्वात मोठा बीफ आयातदार देखील आहे.
पाकिस्तानचा का समावेश नाही ?
पाकिस्तानात बीफ सहज मिळत असूनही जगातील सर्वात मोठ्या ग्राहकाच्या तुलनेत येथे याचा खप खूप कमी आहे. आंतरराष्ट्रीय अंदाजानुसार पाकिस्तानात वार्षिक प्रति व्यक्ती बीफचा खप सुमारे ९.२२ किलोग्रॅम आहे.
बिफची मागणी कमी असण्यामागे आर्थिक कारणांची मोठी भूमिका आहे. वाढती महागाई, कुटुंबाचे घटते इन्कम आणि वारंवार येणारी आर्थिक आव्हाने यांच्या मुळे अनेक कुटुंबांना नियमित रुपाने मांस खाणे अडचणीचे आहे.
