पेट्रोल, डिझेल विकत घेणं होणार प्रचंड अवघड? आत भाव थेट…हादरवून टाकणारी माहिती समोर!
पेट्रोल आणि डिझेलची किंमत दिवसेंदिवस वाढत आहे. इराणच्या युद्धाचा फटका भारताला मोठ्या प्रमाणात बसत आहे. असे असतानाच आता या इंधन दरवाढीविषयी महत्त्वाची माहिती समोर आली आहे.
Petrol Diesel Price : इराण आणि अमेरिका यांच्यातील युद्धामुळे जगाची मोठी फटपट होत आहे. इराणने होर्मुझची सामुद्रधुनी बंद केल्याने पेट्रोल, डिझेलची कमतरता भासत आहे. विशेष म्हणजे ही टंचाई जगातील इतर देशांसह भारतातही जाणवत आहे. भारतात तर पेट्रोल आणि डिझेलचा भाव वाढताना दिसत आहे. आतापर्यंत एकूण तीन वेळी ही भाववाढ करण्यात आली आहे. त्याच्या थेट परिणाम आता सामान्यांच्या खिशावर बसायला लागला आहे. दरम्यान, आता सध्याची परिस्थिती पाहता इंधन दरवाढीचं हे संकट भविष्यातही असंच राहणार का? याबाबतचं भाकित समोर आलं आहे. विशेष म्हणजे सरकारी पेट्रोलियम कंपनीतील अधिकाऱ्यानेच याबाबत सांगितलं आहे
नेमकी काय माहिती समोर आली?
भारत पेट्रोलियम कॉर्पोरेशन लिमिटेडचे एचआर डायरेक्टर राज कुमार दुबे यांनी भविष्यात पेट्रोल आणि डिझेलचा भाव वाढणार की नाही? याबाबत सविस्तर माहिती दिली आहे. त्यांनी दिलेल्या माहितीनुसार जागतिक पातळीवरील परिस्थित अशीच राहिली तर भविष्यात इंधनाची किंमत वाढवण्याशिवाय पर्याय नाही. सोबत धोरणकर्त्यांसमोर एकूण तीन पर्याय असतील, असेही त्यांनी सांगितले आहे. राज कुमार दुबे यांनी दिलेल्या माहितीनुसार पेट्रोल पंपावर मिळणाऱ्या पेट्रोल, डिझेलची किंमत वाढवली जाऊ शकते. दुसरा पर्याय हा लोकांना भाववाढीची झळ पोहोचू द्यायची नसेल तर पेट्रोलियम कंपन्या तोटा सहन करू शकतात. तिसरा पर्याय हा पेट्रोलियम कंपन्यांना जो तोटा होत आहे त्यावर सरकार नुकसान भरपाई देऊ शकते.
भविष्यात पेट्रोल, डिझेलची किंमत अशीच वाढत राहणार?
दरम्यान, सध्याचा इंधनाचा जागतिक भाव लक्षात घेता इंधनाच्या किमतीत 20 ते 50 टक्के वाढ होण्याची शक्यता व्यक्त केली जात होती. परंतु आता भाववढ सुरूच राहणयाची शक्यता आहे. उर्जानिर्मिती करणाऱ्या ठिकाणांचे मोठे नुकसान झालेले आहे. या ठिकाणच्या पायाभूत सुविधा पूर्वपदावर आणण्यासाठी वेळ लागणार आहे. त्यामुळे सध्याची परिस्थिती अशीच कायम राहील तर भविष्यात पेट्रोल आणि डिझेलचा भाव आणखी वाढू शकतो. तसी शक्यता राज कुमार दुबे यांनी व्यक्त केली आहे.
